Efesionan 2:21 - Beibel na Papiamentu Koriente 2013

²¹ I ta pa medio di Kristu henter struktura di e edifisio ta pas den otro i ta krese bira un tèmpel santu den Señor.

Papiamentu Bible 2013

²¹ I ta pa medio di Kristu henter struktura di e edifisio ta pas den otro i ta krese bira un tèmpel santu den Señor.

Efesionan 2:21 Referans Kwoze

1 Korintionan 3:9

Nos ta kompañero den e trabou di Dios i boso ta Dios su kunuku. Boso ta e edifisio ku ta pertenesé na Dios.

2 Korintionan 6:16

Tèmpel di Dios no tin nada en komun ku ídolo pagano. Wèl, nos ta tèmpel di e Dios bibu. Dios mes a bisa: ‘Ami lo biba serka nan i lo Mi ta huntu ku nan. Lo Mi ta nan Dios i nan lo ta mi pueblo.’

1 Reinan 6:7

Pa konstruí e tèmpel a usa piedra manera a kap nan saka for di seru. Asina ta ku no tabata tende batimentu di martin ni di beitel ni di ningun otro hèrmènt di heru den tèmpel.

Ezekiel 42:12

Si tabata bini for di e plenchi parti pafó pa drenta e kuartunan akí, por a pasa na banda ost dor di un entrada ku tabatin na kuminsamentu di e muraya ku tabata pasa banda di e pasio.

Salmo 93:5

Bo mandatonan ta digno di konfiansa, santidat, SEÑOR, ta toka bo kas, te na kabamentu di siglonan.

Kolosensenan 2:19

E no ta atené su mes na Kristu, kabes di e kurpa. Kristu ta hasi ku henter e kurpa, sostené i wantá huntu pa e kabuyanan di múskulo i e skarnirnan di wesu, ta krese manera Dios ke.

1 Timoteo 3:15

Pero si mi tarda, e karta akí ta pa bo sa kon hende mester komportá nan komo miembro di e famia di Dios, esta den iglesia di e Dios bibu, e iglesia ku ta pilá i sosten di bèrdat.