Echonan 3:6 - Beibel na Papiamentu Koriente 2013

⁶ Pedro a bisa: ‘Oro ni plata mi no tin; ma loke mi tin, mi ta duna bo. Den nòmber di Hesus di Nazarèt, lanta kana!’

Papiamentu Bible 2013

⁶ Pedro a bisa: ‘Oro ni plata mi no tin; ma loke mi tin, mi ta duna bo. Den nòmber di Hesus di Nazarèt, lanta kana!’

Echonan 3:6 Referans Kwoze

Echonan 3:16

Ta nòmber di Hesus i fe den e Nòmber ei a hasi e hòmber akí, ku boso ta mira i konosé, fuerte. Ta e fe ku Kristu ta duna hende a kura e hòmber akí kompletamente, manera boso mes ta mira.

Echonan 10:38

i boso sa tambe kon e ora ei Dios a ungi Hesus di Nazarèt ku Spiritu Santu i a kolm'É ku poder. E tabata pasa hasi bon obra tur kaminda i kura esnan ku tabata bou di yugo di diabel, pasobra Dios tabata kunÉ.

Echonan 4:10

Wèl bon, laga ta bon kla pa boso tur i pa henter pueblo di Israel: e hòmber pará boso dilanti aki, a kura den nòmber di Hesu-Kristu di Nazarèt, Esun ku boso a krusifiká i ku Dios a lanta for di morto.

Echonan 9:34

Pedro a bis'é: ‘Eneas, Hesu-Kristu ta kura bo. Lanta riba i bo mes drecha bo kama!’ Mesora Eneas a lanta.

2 Korintionan 8:9

Boso mes sa ku nos Señor Hesu-Kristu, den su bondat, a bira pober pa boso ounke E tabata riku, ya boso por a bira riku pa medio di su pobresa!

Echonan 16:18

El a sigui aktua asina hopi dia te ku Pablo a fada, bira bisa e spiritu: ‘Den nòmber di Hesu-Kristu mi ta ordená bo sali for di dje’. I na e momento ei e spiritu a sali.

Marko 16:17

E señalnan akí lo kompañá e kreyentenan: nan lo saka demoño den mi nòmber i nan lo papia den lenganan straño;

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

1 Pedro 4:10

Komo bon manehadó di e diferente donnan di Dios, nos kada un mester sirbi e otronan ku e don spesial ku Dios a duna nos.

Echonan 4:7

Nan a hiba Pedro i Huan dilanti i puntra: ‘Pa medio di kua forsa òf na nòmber di ken boso a hasi esaki?’

Echonan 2:22

Israelitanan, skucha mi palabranan! Hesus di Nazarèt a bini serka boso riba enkargo di Dios; esei boso mes por a mira dor di e aktonan poderoso, e milager i señalnan ku Dios a lag'É hasi meimei di boso.

Echonan 2:36

P'esei henter pueblo di Israel mester tin sigur, ku e mesun Hesus ku boso a krusifiká, Dios a hasi tantu Señor komo Mesias!’

Mateo 10:9

No biaha ku plaka, sea ta moneda di oro, di plata òf di bròns, den boso saku.

Mateo 7:22

Dia di huisio, hopi lo bin bisa Mi: “Señor, Señor! N' ta den bo nòmber nos a profetisá, saka demoño i hasi hopi milager?”

2 Korintionan 6:10

Ounke por parse ku nos ta tristu, nos ta kontentu sí; nos por parse pober, pero nos ta enrikesé hopi hende. Ta parse manera nos ta planbarí, pero nos ta poseé tur kos!

Huan 19:19

Pilato a laga skibi riba un bòrchi i pon'é riba e krus. Tabatin skibí: ‘Hesus di Nazarèt, Rei di hudiu’.

2 Korintionan 8:12

Kaminda tin boluntat pa duna i hende duna segun su forsa, Dios ta aseptá e kontribushon. Dios no ta spera di niun hende pa e duna loke e no tin.

Marko 14:8

E muhé akí a hasi loke tabata na su alkanse; el a hunta mi kurpa ku zeta, promé ku e tempu a yega, komo preparashon pa mi entiero.

1 Korintionan 4:11

Te ku awor nos ta sufri di hamber i set, nos ta bisti paña lapilapi, kome wanta serka hende, kana dualu di un lugá pa otro

Echonan 3:5

E hòmber a fiha su bista riba nan, ku speransa di haña algu.

Echonan 3:7

El a kohe su man drechi tene i yud'é lanta ariba. Mesora su planta di pia i ènkelnan a haña forsa: