Echonan 19:18 - Beibel na Papiamentu Koriente 2013

¹⁸ Hopi kreyente a bin konfesá públikamente nan práktikanan di ántes.

Papiamentu Bible 2013

¹⁸ Hopi kreyente a bin konfesá públikamente nan práktikanan di ántes.

Echonan 19:18 Referans Kwoze

Romanonan 10:10

Pasobra ku bo kurason bo ta kere pa Dios aseptá bo komo hustu i ku bo boka bo ta proklam'É públikamente pa asina bo haña salbashon.

Mateo 3:6

Nan tabata konfesá públikamente loke nan a hasi malu i e tabata batisá nan den riu di Yordan.

Salmo 32:5

Ma mi a konfesá Bo mi piká, mi no a sigui skonde mi maldat; mi di: Laga mi konfesá SEÑOR mi faltanan. Anto B'a kita mi kulpa i piká.

1 Huan 1:9

Pero si nos atmití nos pikánan abiertamente, Dios ku ta fiel i hustu ta pordoná nos e pikánan ei i purifiká nos di tur tur maldat.

Ezekiel 36:31

E ora ei boso lo rekordá boso mal komportashon i boso mal echonan i boso lo tin asko di boso mes pa motibu di boso maldat i boso práktikanan repugnante.

Ezekiel 16:63

I ora bo rekordá kiko a pasa, di bèrgwensa lo bo no riska bisa un pia di palabra, pasobra Mi ta bai pordoná bo tur loke bo a hasi.” Esaki ta loke SEÑOR Dios ta deklará.’

Yeremías 3:13

Djis rekonosé bo fayonan numa, atmití ku bo a kibra tur relashon ku Mi, SEÑOR, bo Dios. Konfesá ku bou di kada palu bèrdè bo a plama bo enkantonan pa diosnan straño i ku bo no a skucha Mi.’ Asina SEÑOR ta bisa.

Proverbionan 28:13

Es ku skonde su pikánan no ta progresá, pero es ku rekonosé nan i evitá nan, ta haña pordon.

Levítiko 26:40

Pero esnan ku sobrebibí ei, lo kaba na rekonosé ku nan i nan antepasadonan a peka, ku nan a bira infiel na Mi i a lanta kontra Mi.

Levítiko 16:21

E ta pone su dos mannan riba kabes di e bestia i konfesá tur maldat, rebeldia i piká di e israelitanan riba su kabes, pa e karg'é ku nan. Despues e ta manda e bestia den pleno desierto bou di guia di un hòmber indiká pa e trabou akí.

Echonan 19:17

Tur e habitantenan di Éfese, tantu hudiu komo no hudiu, a haña sa kiko a pasa. Un miedu a poderá di nan i nòmber di Señor Hesus tabata haña gran honor.

Echonan 19:19

Un kantidat grandi di esnan ku a praktiká magia a stapel nan bukinan riba otro i a kima nan públikamente. Nan a kalkulá ku balor di e bukinan tabata sinkuenta mil moneda di plata.

Hakobo 5:16

P'esei antó, konfesá boso pikánan na otro i resa pa boso haña kura. Orashon di un hende ku ta biba di akuerdo ku boluntat di Dios tin un resultado tremendo.