Echonan 13:19 - Beibel na Papiamentu Koriente 2013

¹⁹ El a destruí shete nashon na tera di Kanaan i laga Israel haña nan tera komo propiedat.

Papiamentu Bible 2013

¹⁹ El a destruí shete nashon na tera di Kanaan i laga Israel haña nan tera komo propiedat.

Echonan 13:19 Referans Kwoze

Deuteronomio 7:1

SEÑOR, boso Dios, ta bai hiba boso e pais ku boso ta bai tuma pa boso. Lo E kore ku shete nashon ku ta mas numeroso i mas poderoso ku boso, esta e hetitanan, guirgasitanan, amoritanan, kanaanitanan, perizitanan, hiwitanan i yebusitanan.

Salmo 78:55

El a plama nashonnan nan dilanti, ku sinta El a midi e tera i a duna nan esei pa poseshon; El a duna tribunan di Israel nan tèntnan pa biba aden.

Echonan 7:45

Dia e siguiente generashon di nos antepasadonan tabata bai tuma poseshon di e tera huntu ku Yozue, nan a hiba e tènt di enkuentro aya. E tera tabata e lugá kaminda e nashonnan ku Dios a kore kuné tabata biba. E tènt di enkuentro a keda ei te tempu di David.

Yozue 19:51

Esaki tabata e teritorionan ku e saserdote Eleazar, Yozue, i e kabesnan di famia a parti entre e tribunan di Israel. Nan a hasié pa medio di tiramentu di lòt na Silo dilanti di SEÑOR na entrada di e Tènt di Enkuentro. E ora ei nan tabata kla ku partimentu di e pais.

Yozue 14:1

Esakinan ta e terenonan ku e israelitanan a haña komo propiedat na Kanaan. Saserdote Eleazar i Yozue, yu di Nun, huntu ku e kabesnan di famia dje tribunan a duna e israelitanan e terenonan ei.

Salmo 135:11

Sihon, rei di amoritanan i Og, rei di Bashan; El a kaba ku tur reino di Kanaan.

Nehemías 9:24

Nan a drenta e pais i konkist'é. Bo a pone e habitantenan original, e kanaanitanan, na rudia. Bo a entregá nan den man di nos antepasadonan. E israelitanan por a hasi loke nan tabata ke ku e reinan i e habitantenan di e pais.

Yozue 24:11

Despues boso a krusa Yordan i a yega Yériko. E siudadanonan di Yériko, e amorita-, e perizita-, e kanaanita-, e hetita-, e guirgasita-, e hiwita- i e yebusitanan, a bringa kontra boso, pero Mi a entregá nan den boso poder.

Yozue 23:4

Teritorio di e nashonnan ku a sobra i di e nashonnan ku mi a destruí, kuminsando for di Yordan na ost te na Laman Mediteráneo na wèst, mi a parti entre boso komo propiedat dor di tira lòt,

Yozue 18:10

Yozue a tira lòt pa konsultá SEÑOR. El a parti e pidanan di e pais entre e israelitanan.

Génesis 17:8

Lo Mi duna abo i bo desendientenan henter e pais Kanaan, kaminda bo ta biba komo strañero awor akí. Lo e ta boso propiedat pa semper; i Ami lo ta boso Dios.’

Huesnan 11:26

Nos tin 300 aña bibá na Hèshbon i bisindario, na Aroer i bisindario i den tur siudat kantu di Arnon. Di kon nunka bo no a purba libra e teranan ei?

1 Reinan 6:1

A pasa 480 aña ku e israelitanan a sali for di Egipto. Den e di kuater aña ku Salomon tabata goberná Israel, den luna di Ziu, e di dos luna di aña, Salomon a kuminsá traha tèmpel di SEÑOR.

Isaías 34:17

El a lòt i parti e pais bou di nan; El a marka tereno di kada un ku su sinta di midi. Esaki ta nan propiedat pa semper, aki nan lo biba siglo aden siglo afó.