Daniel 5:9 - Beibel na Papiamentu Koriente 2013

⁹ Esaki a alarmá rei Belshasar i el a bira mas blek ainda; su funshonarionan tambe a bira tur aríbabou.

Papiamentu Bible 2013

⁹ Esaki a alarmá rei Belshasar i el a bira mas blek ainda; su funshonarionan tambe a bira tur aríbabou.

Daniel 5:9 Referans Kwoze

Daniel 5:6

El a bira blek di sustu i mashá intrankil. E tabata tembla manera bara bèrdè.

Daniel 2:1

Den e di dos aña ku Nebukadnèsar tabata rei, un anochi e tabatin un soño, ku a preokup'é asina tantu, ku e no por a drumi mas.

Yeremías 6:24

‘Nos a tende e notisia,’ habitantenan di Herusalèm ta bisa, ‘nos kurason a bai nos plant'i pia. Miedu a poderá di nos, doló a sera nos manera muhé na parto.’

Revelashon 6:15

E reinan di mundu, noblenan, komandantenan di ehérsito, hende riku i hende poderoso, i tur otro hende, katibunan i hende liber, a bai skonde den kueba i bou di baranka den seru.

Mateo 2:3

Ora Heródes a tende loke nan a bisa, el a bira tur aríbabou i tur habitante di Herusalèm tambe.

Daniel 10:8

Asina ta ku mi so a keda ta weta e aparishon impreshonante ei. I e ora ei mi forsa a bai, mi a bira blek blek, mi no a sobra ni un tiki energia mas.

Yeremías 30:6

Pensa un ratu, puntra bo mes: Akaso un hòmber por pari? Di kon antó Mi ta mira tur hòmber ku man riba nan barika manera muhé ku doló di parto i ku nan kara koló di morto?

Salmo 48:6

Un temblamentu a kohe nan kurpa, manera ansha di un muhé na parto,

Salmo 18:14

El a tira su flechanan i plama mi enemigunan, El a tolondrá nan ku rayo di kandela.