1 Samuel 2:23 - Beibel na Papiamentu Koriente 2013

²³ P'esei e tabata bisa nan: ‘Tur hende ta komentá boso mal komportashon. Pakiko boso ta aktua asina?

Papiamentu Bible 2013

²³ P'esei e tabata bisa nan: ‘Tur hende ta komentá boso mal komportashon. Pakiko boso ta aktua asina?

1 Samuel 2:23 Referans Kwoze

Filipensenan 3:19

Nan lo kaba den pèrdishon; nan barika a bira nan dios; nan ta orguyoso di nèt e kosnan ku mester ta un bèrgwensa pa nan! Ta riba kos di mundu so nan ta pensa!

Echonan 14:15

‘Hendenan, ta kiko e kos ku boso ke hasi akí? Nos ta hende meskos ku boso! Nos ta predikando e bon notisia ku boso mester laga e diosnan falsu akí i bira kara pa e Dios bibu ku a krea shelu, tera i laman i tur loke nan ta kontené.

Echonan 9:4

El a kai na suela i tende un stèm bis'é: ‘Saulo, Saulo, pakiko bo ta persiguí Mi?’

Yeremías 8:12

Nan mester tin bèrgwensa di nan komportashon horibel, pero nan ta sin niun klase di bèrgwensa, nan no ta ni kambia koló. P'esei nan lo bai pèrdí meskos ku tur otro hende den Israel. Ora Mi bini pa kastigá nan, e ora ei sí palabra a kaba pa nan.’ Asina SEÑOR ta bisa.

Yeremías 3:3

P'esei Ami, SEÑOR, a wanta yobida, awa pa kosecha no a kai. Sinembargo bo a keda ku mirada frepòstu manera prostituta, sin niun klase di bèrgwensa.

Isaías 3:9

E partidario ku nan ta, ta reda nan, nan ta kana konta nan pikánan tur kaminda manera e hendenan di Sódoma, nan no ta tapa nan. Ai di nan, pasobra nan a kumpra kastigu pa nan kurpa!

1 Reinan 1:6

Su tata nunka no a yega di bai kontra dje, i nunka a puntr'é pakiko e ta komport'é asina. Adonías a nase despues di Absalon i e tabatin bon tipo.

1 Samuel 2:22

Ya Eli tabata hopi bieu kaba. De bes en kuando e tabata tende tur loke su yunan tabata hasi ku e israelitanan i ku asta nan tabatin relashon seksual ku e muhénan ku tabata sirbi na entrada di Tènt di Enkuentro.

1 Samuel 2:24

Nò, mi yunan, loke mi ta tende di boso for di boka di pueblo di SEÑOR no ta nada bon.