San Mateo 9:22 - Páez

²² Nawa Jesusa' jiyuçxa txãa u'ya's thegçxa na'wẽk we'we: —Ũukhnuwe, wejxwa katxhini i'kwe neeyũu, txã'wẽ katxhi'nja sũhçxane'kwe txã'wẽ yũu naa pa'ga jĩte', txãa dudtey katxhiçxak neeyũu.

San Mateo 9:22 Referans Kwoze

San Lucas 7:50

Aça' Jesusa' na'wẽk we'we txãa u'ya's: —Adx peltunaĩna sũhçxane'kwe adx tasxte utxáa naa pa'ga ewte yã'ji'kwe neeyũu na' ãçxha' wẽt weçx weçxa me'jwe jĩk.

San Mateo 15:28

Jesus we'weçxa': —Dxusa' pu'çxyujuna sũhwa'j yuuçxá's i'kwe yaaki', txãa pa'ga i'kwe pẽyni' kxtey yuuna jĩçpkaçxha', txãa dudtey txãa u'y niisa' katxhinik neeyũu.

San Mateo 9:2

Aça' kxteea' teeçx piçthẽ'j ẽseya' ãjasame'stxi yakhna pa'j. Txã'wẽ yakhna pa'jsawe'sxa' Jesusa' nuykatxhiyujuna sũhni's jiyuçxa', ãça'sa's na'wẽk we'we Jesusa': —Çxhãçxha myajkx. Iidx pkala' peltunãyni yã'jtx neeyũu jĩte',

San Lucas 18:42

Aça' Jesus we'weçxa': —Kaauyu'juna sũhçxane'ga adxa's pi'kx, txãa pa'ga ãçxha' uyna mneeyũu jĩçpkaçxha',

San Lucas 17:19

txãa piçthẽ'ja's na'jĩk: —Kiiteçxa me'j. Idxa' katxhinig neeyũu, txã'wẽ Dxusa' nuykatxhina sũhçxane'ga kxtey nwẽesẽ'j naa pa'ga jĩk.

San Lucas 8:48

Txajũ' Jesus we'weçxa': —Katxhi'nja sũhçxane'kwe adx tasxte txã'wẽ yũuya' yuwé' txãa pa'ga ãçxha' katxhi'kwe neeyũu na' weçxana me'jwe jĩk.

San Marcos 10:52

Aça' Jesus we'weçxa': —Kaauyu'juna sũhçxane'ga adxa's pi'kx txãa pa'ga ãçxha' uyna mneeyũu jĩçpkaçxha' uyya' ãjãk, sa' Jesus e'stey u'kh pi'kxna.

San Marcos 5:34

Aça' Jesusa' na'wẽk we'we: —I'kwe' ũusuh jxuka yajkxçxane'kwe katxhiya' sũhçxa adx tasxte utxáa, txãa pa'ga katxhini i'kwe neeyũu. Ãçxha' ãçã'mée wẽt me'jwe weçxana jĩk.

San Mateo 9:29

Aça' Jesusa' txãawe'sx yafxte jxa'dxku na'jĩna: —I'kwe'sx jxthãasni' kxtey yuuna jĩçpkaçxha',

Hechos 16:18

Maz enwa txã'wẽ yũute', nmehte' Pablo' kuçxçxa na'wẽk we'we txãa kna'sa ũuste u'psa eçxthẽ'ja's: —Jesukristo jxkaahni's nwẽese'jçxa, txãa kna'sa ũusuh mkaaseh jĩçpkaçxha', eçxthẽ'ja' kasejk.

San Juan 4:53

Aça' neya' yajkxku txãa oratey Jesusa': Iidx nçxi'ka' katxhiyã'jçxa ũsa' jĩni's. Txajũ' txãa piçthẽ'ja' Jesus kimtewa jiyuçxa' txajx ũuste jxpa'gak, yattewe'sxwa txã'wẽy.

Hebreos 4:2

Txãawe'sxtxiwa ma'wẽga jxkaasena ũswa'the pa'jwa'ja's pta'sxni yuu, txã'wẽy kwe'sxtxiwa pta'sxnik yuu Dxus yuwe ewte nvxiitwa'ja's. Nawa txãawe'sxtxi' txãa pta'sxni' selpiime', Dxus yuwe' isa kxtey yuuwa'jsana sũhna ũusuh jxuka nwẽese'jmeeta' naa pa'ga.

Hechos 14:9

Txãa piçthẽ'ja' Pablo pta'sxni'sku wẽse'jna u'pu'. Aça' Pablo' txajx dxi'pte thegçxa' jiyuk nuykatxhina sũhni's.

San Mateo 17:18

jxũna kũjuçpkaçxha', Jesusa' eçxa's juuna' we'weçxa kutxi'kh luuçx ũusu, aça' txãa dudtey katxhinik neeyũu.

San Mateo 8:13

Sa' Jesusa' ki' we'wek kpiitana's: —Yatna me'j, aça' idx ma'wẽne'ga jxthãasu' txã' kxtey yuuna jĩçpkaçxha', txãa kpiitan jxpe'jnisa' katxhinik yuu.