San Mateo 9:15 - Páez

¹⁵ Jesusa' na'wẽk pas: —Miiyajkxwe: ¿bodate pi'kxnisa' ũ'mée nxusna ũswa'jsatxmanx novxio' txãawe'sx yakh nee ũsiite'? Naasáa novxio's txãawe'sx tasxuh txuhdete yuuçxáa yũunaatxna.

San Mateo 9:15 Referans Kwoze

Apocalipsis 19:9

Txajũ' Dxus angela' na'jĩnak fxi'khaah: —Piisxakuẽ jĩnisa boda fxiestate pi'kxnisawe'sx yakha' wala yuh weçxa yuja' jĩna kfxi'ja'jçxa', na'jĩnak we'we: —Na'wẽ we'wenisa' Dxus kwe'we'jnisa isasata' jĩte',

San Juan 3:29

Naa ejemplo's mjiyuwe: Ptamu ente' novxio' novxia yakhku u'pu'. Aça' novxio namiku' pukate u'pçxa' wala weçxweçxa yaaki'k novxio we'weni's wẽse'jçxa. Adxwa txã'wẽythu wala weçxweçxa yaaki', Jesusa's tuuthe'jni's wẽse'jçxa.

Apocalipsis 21:2

Juan yaasesa adxa' uythu Dxus çxhab Jerusalen u'sesa txã'wẽ Dxus tasxu cielujũ kĩjaçte. Txãa çxhaba' seena' ew pheu'jni yu'k, novxia iimi'ya' pheu'jçxa ũythãsna ũs na'wẽ.

Hechos 14:23

Sa' kxsũ pkhaakhena ũsnisu jxkaahwa'jsa ancianowa pakweçxa ki'ptxi. Txã'wẽ yũuçxatx yũunaaçxa Dxus kusete neewe'weçxa nvxiht.

1 Corintios 7:5

Ptamsa yã'ja', ih fxi'zeni's puutx wa'lwa'jme', naasáa Dxusna orãyya'waçxa yuuçxáa, maz ençxáawa txutewa'ja'. Nawa e'su yã'ja' ki' ih fxi'zewa'ja', txã'wẽme' eçxthẽ'j kaypuba'jwe'sxte.

San Juan 16:6

Txã'wẽ pẽjxmeeçxa ĩ'neeçxáa i'kwe wala nxusu', adx u'jweçthu jĩna pta'sxte'.

2 Corintios 11:27

Mjĩina nxusteth fxi'ze'. Maazkuẽe kuswa dehmeeth u'juwa'j ji'phu', pxthaa wẽena, yũ'wẽena, ũ'wa'j uymée maazkuẽe uswa u'ju'th, ropa ji'phmée kumana pxthaa yuuna.

San Mateo 9:14

Txajũ' Juan Bautista yakh u'jusawe'sxa' Jesus tasxte utxaaçxa na'wẽtx pẽjx: —¿Kĩh yuupa'gatka'w kwe'sx vxite' fxariseowe'sx txakwe wala yũuna', naapkaçxha' idx yakh u'jusawe'sx yu' yũuna'çmeeta'? jĩte',

San Mateo 9:16

Ropa ĩisxsate tela u'sesa yakh ya'pã'khe'çme'. Txã'wẽme', tela u'sesa' jweeíiçxáak sude' ĩisxsa's, aça' sutenisa' jweeíiçxáa wala suteena.

San Marcos 2:19

Jesusa' na'wẽk kaaja'da'jna pas: —¿Novxiowe'sx kaba ente pi'kxnisa' yũunaaya' ãjãma'tx? novxio txãawe'sx yakh nee ũsiite'. Kabani fxiesta pçumeyte', yũunaaya' ãjãmeetxna.

San Marcos 2:20

Nawa novxio' txãawe'sx tasxu txuteewa'j en pa'jana, txãjũ isa yũunaatxna.

San Lucas 5:34

Jesus pasçxa': —I'kwe'sxa' ¿ptamu en fxiestate', pi'kxnisatxi' kaayũuna'jya' ãjãma'kwe, novxio txãawe'sx yakh nee ũsiite'?

San Lucas 5:35

Nawa novxio' txãawe'sx tasxu txuteewa'j en pa'jana, txajũ isa yũunaatxna jĩçxa',

San Lucas 17:22

Txajũ' txãa yakh u'jusawe'sxtxi na'jĩnak yu'kxpeh: —I'kwe'sxa' Dxus Nçxi'k Nasa Yuusáa naa kiwete kĩini's dud uy wẽjẽne'kwe, nawa dud yu' uymeene'kwe.