San Mateo 8:9 - Páez

⁹ Adxwa ma'wẽtka walasa jxkaahnitxi' nwẽese'je', sa' adxna nwẽese'jsa soldauwe'sx iijxpe'th txãawe'sxtxi teeçxsa's me'j jĩte', adx jxkaahni's kxtey yu'k. Sa' vxite's pa'yate', txãawa kxtey nwẽese'je'k. Sa' adxna selpisa's kĩh jxkaathewa kxtey yu'k jĩk.

San Mateo 8:9 Referans Kwoze

Tito 2:9

Selpisaatxwa myu'kxpeh, txãawe'sx patron jxkaahnitx kĩhtewa jxuka nwẽese'jna wa'lna ũusçxa pasmée ewçxáa yuukahn,

Colosenses 3:22

Selpisaawe'sxa' naa kiwete i'kwe'sx patronwe'sx jxkaahnitx wa'lmée mwẽese'jwe kĩhtewa jxuka. Patronwe'sx thegna ũste ãajuçxáa nwẽese'jmée, ũusuh jxuka wa'lmée mwẽese'jwe, Dxusa' jiina sũhna.

San Lucas 7:8

Adxwa jwee npiiçthẽ'jsa jxkaahni's nwẽesẽ'jna ũsthu, nawa jweeju adx jxkaahnisa soldau ji'pthu. Sa' txãawe'sxtxi' teeçxsa's me'j jĩte', adx jxkaahni's kxtey yu'k. Sa' vxite's pa'yate', txãawa kxtey nwẽesẽ'je'k. Sa' adxa's selpisa's kĩh jxkaathewa, kxtey yu'k jĩnak yuwekaah.

San Lucas 4:39

Aça' Jesusa' ãçã'sa tasxte kũhçxa kakwesek ũçxhakahn we'wek. Naapkaçxha' kakweseka' ũçxhate', kiiteçxa selpiiya' kasejk.

San Mateo 8:8

Aça' kpiitana' na'wẽk pas: —Adxa' iidx dxi'pte kĩhte yuhwa seelpimeesath. Txãasath adx yatte iidx pa'jni's thaame', naasáa çxhãçxhana jĩna mwe'we aççxáa adx jxpe'jnisa' katxhina.

San Mateo 8:10

Txã'wẽ we'weni's Jesusa' wẽse'jçxa', wala kuh yajkxku, sa' na'jĩnak we'we txãa yakh yuusatxi': —Isath we'we', Israelwe'sx jxukaysa mteewe'sx yuhwa txã'wẽ adx we'weteçxáa katxhina sũhsa yu' iiuymeeth naa piçthẽ'j na'wẽsa yu'.

San Marcos 1:27

Txã'wẽ yũute', nasa' jxukaysa ũukhçxa na'wẽtx puutx paapẽyi': —Naa piçthẽ'ja' ¿kimna? Txajx we'weni' ¿kĩhtxki açki'tx eçx yuhwa nwẽesẽ'je'? jĩ'tx.

San Lucas 9:1

Jesusa' txãa yakh u'jusa docesatx kxteeçxah pa'yaçxa' kĩh weete ãçã'satxwa nuykatxhiya' ãjãwa'ja's ũsku, eçx luuku vxit-satxwa nasa ũusu kutxi'khan.