San Mateo 8:4 - Páez

⁴ Aça' Jesusa' na'wẽk jxkaah: —Maa yuhtxwa pta'sxmeene'ga, naasáa sacerdote yuuçxáana iidx kakwe's txwesya' me'j. Sa' Moises ma'wẽga jxkaaja' txã'sçxáa kxtey yuune'ga, kxah nasa jxukaysa jiyutxna idx ew katxhiçxa neeyũutewa jĩk.

San Mateo 8:4 Referans Kwoze

San Lucas 17:14

Jesusa' txãawe'sxtxi' na'wẽk jxkaah: —I'kwe'sx kakwetx sacerdotewe'sxtxi txwesya' me'jwe jĩna jxkaathe', txãawe'sxa' dxi'the u'jweçtxi yu', naapkaçxha' txãa wã'jy we' naa dudte jxuka wẽetku.

San Lucas 5:14

Aça' Jesusa' na'wẽk jxkaah: —Maa yuhtxwa pta'sxmeene'ga, naasáa sacerdoteçxá's iidx kakwe's txwesya' me'j. Sa' txãa weeju katxhipa'ga Dxusna peesune'ga Moises ma'wẽga jxkaah txã'wẽy, kxah nasa jxukaysa jiyutxna idx ew katxhiçxa neeyũutewa jĩnak jxkaah.

San Marcos 7:36

Txajũ' txãa nasatxi' Jesusa' wala neewe'wek, txã'wẽ yũuni's kim yuhtxwa pta'sxkahmén. Txã'wẽ ew neewe'wetewa, jweeíiçxáatx mtee mteewa pta'sxna jxã'j.

San Mateo 9:30

txãawe'sx yafxa' ewuutx. Aça' Jesusa' wala neewe'wek na'jĩna: —Kim yuhtxwa pta'sxmeene'kwe jĩtewa,

San Marcos 6:11

Sa' mteeíi yu' i'kwe'sx pta'sxni's wẽsẽ'j wẽemeeçxa yat pki'jmeete', txãajũ kasejene'kwe i'kwe'sx çxidate kiwe tuhda's sakweekweçxa, kxah yuuwesa yuutxna. Isath we'we': Dxus kastigãywa'j en ãhte', txãawe'sxa' Sodoma Gomoçxa çxhabtewe'sxte jxthaakwe kastigo's knayuutxna txã'wẽ i'kwe'sxtxi jxpa'gaya' wa'lpa'ga.

San Marcos 5:43

Txajũ' Jesusa' wala neewe'wek maa yuhtxwa pta'sxkahmén, sa' txãa luuçxa's puuçkaakh. Txãa luuçxa' doce anxu ji'phsak yu'.

San Mateo 17:9

Txajũ' thã'ju sa'jna u'jweççxa', Jesusa' na'jĩnak jxkaah: —Kim yuhtxwa pta'sxmeene'kwe txã'wẽ uyni's, Dxus Nçxi'k Nasa Yuusáa uuçxawa ki' ĩtxi yuupkaçx jĩte',

San Mateo 10:18

Kxsũçxáa kuutxa'jmée ne'jwe'sx tasxsu vxite' jxkaahsa tasxte yuhwa pe'jna u'jni yuune'kwe, adx yuwe's pta'sxpa'ga. Txã'wẽ yũutewa, kxsũwa txãawe'sx dxi'pte tuuthe'jeíiçxáa ne'kwe adxa's vxite' judiu ji'jmeesa dxi'ptewa.

San Mateo 6:1

I'kwe'sx ew yũuni's nasa uyçxa ew we'we jxthãasçxa mjĩini's wala mpa'yajkxwe. Txã'wẽ ew we'we jxthãasçxaçxáa ew yũuna fxi'zete', iidx Tata cielute ũssa' kĩh yuhwa dewemeena.

San Mateo 5:17

Moises ley vxite' Dxus yuwe pta'sxsawe'sx kaapiya'jni txãatx nwẽese'jya'méene' yuwé' sũhna yaakxnuwe adxa's. Txã'wẽ yũuya' yuwe'çmeeth, wejxwa txãa leya's jxthaakwe ew ãate kaajiyu'jya'th yuwé'.

San Juan 8:50

Adxa's weçxana tuuthe'jni's pakwe'çmeeth. Nawa teeçx ũsa' adxa's tuuthe'jsa txã' adx ma'wẽsatewa jiia'.

San Juan 7:18

Peekíiçxáa yajkxçxa we'wesa', jxtuhthesa yuuwa'jçxá'sku jxthãasu'. Nawa Dxusçxáana tuuthe'jsa', Dxus jxkaahniçxá'sku isa we'wena pta'sxi'.

San Juan 5:41

Naa kiwete nasa adxa's tuuthe'jni's jxthãasu'çmeeth.

San Lucas 21:13

Txã'wẽ yũute', Dxus yuwe's txãawe'sxtxiwa pta'sxwa'j en ji'phune'kwe.

San Marcos 8:30

Jesusa' maa yuhtxwa pta'sxkaahme'.

San Mateo 16:20

Txajũ' Pedrowe'sxtxi neewe'wek, Jesusa' Dxus tasxu yuusa yuh yu'ga jĩna maa yuhtxwa pta'sxkahmén.

San Mateo 3:15

Jesusa' na'wẽk pas: —Dxus jxthãasni's kxtey yuuní wejx ewna jĩte', Juana' kxtey nwẽese'kh.

San Marcos 13:9

Nawa i'kwe'sxa' jxpa'yakx meswe. Txã'wẽme' judiu nthẽ'jsawe'sx kusete i'kwe'sxtxi dukhçxa, txãawe'sx pkhaakhenite nuypa'jçxa pkxuutxna. Sa' i'kwe'sxa' adxna selpiiya' utxaapa'ga ahçeçxa ne'jwe'sx tasxsu vxite' jxkaahsa tasxsu kuutxa'jni yuune'kwe. Txã'wẽ kxsũ pa'jçxa', jxkaahsawe'sxtxiwa pta'sxya' ãjãne'kwe adx kaapiya'jni's.

San Marcos 3:12

Jesusa' txãawe'sxtxi' wala juuna' we'wek kimtewa ãate kaajiyu'khamen.

San Marcos 9:9

Aça' thã'ju u'jweççxa', Jesusa' Pedrowe'sxtxi' wala neewe'wek: —Ãçxhíi yu' maa yuhtxwa pta'sxmeene'kwe txã'wẽ uyni's, naasáa Dxus Nçxi'k Nasa Yuusáa uuçxawa ki' ĩtxĩ yuuniijũ pta'sxine'kwe.

San Lucas 4:41

Txãa ãçã'sawe'sx maaíi yu' eçx luuku vxit-sa's ũuste ji'phtewa txãa eçxwa suhs na'jĩna kasehtx: —Idxa' Dxus Nçxi'kgu jĩna. Txãawe'sxa' Dxus Nçxi'ktewa jiitx yu'. Nawa Jesusa' juuna' we'weçxa jwee yu' kwe'we'jme'.

San Lucas 8:56

Aça' neywe'sxa' wala kuh yajkxna weçxana thegtxi. Nawa Jesusa' maa yuhtxwa pta'sxkaahme' txã'wẽ uuniitewa ĩtxĩ vxitni's.

San Lucas 9:21

Txajũ' wala neewe'wek Jesusa' Dxus tasxu yuusa Kristo' jĩna maa yuhtxwa pta'sxkahmén.