San Mateo 8:26 - Páez

²⁶ na'wẽk pas: —¿Kĩjxa'kwe txakwe wala ũukhu'? ¿I'kwe'sxa' Dxusna yajkxya' yu' ew jiimeewá'kwe? jĩçxa', kiiteçxa wejxa vxite' ĩkh txãatx we'wek, aça' jxuka yujuk.

San Mateo 8:26 Referans Kwoze

San Mateo 6:30

Txã'wẽ kite tasxa' ãçxhíi yu' zhiçxkwe ũsçxawa, kuskusa' ipxte kabwa'jçxáak yu', nawa txã'wẽsa'swa Dxusa' wala zhiçxkwe pheu'ju'k na' i'kwe'sxtxi' wejx thaakwe ew pheu'juna. Txãa sũjxa' ãja'çmeene'kwe.

Romanos 4:20

Txãasak Dxus we'weni's jxpubana kuh jwed yajkxmée Dxusa' kxtey yuuna sũhna yuuçxáa yajkxna Dxusa's weçxa.

San Mateo 16:8

Txã'wẽ we'weni's Jesus jiyuçxa' na'jĩk: —¿Maa sũhçxakwe pan ji'phmeetha'w jĩna we'wé'? Pan ji'phmeetewa, Dxusa' thẽymée sã'jĩna sũhwa'j yu'sa' ji'phmeewá'kwe.

Apocalipsis 10:2

Kusete yu' libru le'çxkwesa'sku phadeçxa ji'phu', sa' paçu çxidaju yu' martek yuju, sa' jebu çxidaju' kiwetek yuju.

San Mateo 8:27

Txã'wẽ yũute', barkote u'jsawe'sxa' wala kuh yajkxçxa na'jĩnatx we'we: —Naa piçthẽ'ja' ¿kimna açki'tx wejxa ĩkh txã'wẽsa yuhwa nwẽese'je'? jĩ'tx.

San Mateo 17:20

Jesusa' pta'sxku: —Dxusa' pu'çxhina sũhwa'j yuuçxá's yaakxpa'gamée i'kwe ãjamée. Isath we'we', Dxusa' pu'çxhina sũhwa'ja's mostasa fxiw na'wẽ le'çxkuẽesaçxáawa ji'phwaça', naa vxiç wala's we'weni yakhçxáa fxiite ki'pxa' ãjane'kwe. Dxusa' pu'çxhina sũhwa'j yuuçxá's yajkxwaça', i'kwe'sx yakha' kĩh yuhwa thẽysameena.

San Lucas 4:35

Jesusa' txãa eçx luuku vxit-sa's juuna'k na'jĩna we'we: —Sxuuna' myuu, sa' naa piçthẽ'j ũusuh mkaaseh jĩte', txãa eçxa' txãa piçthẽ'ja's nasaa ksxavxysu pẽtxçxa txajx ũusuh kasejk kĩh yuhwa kpã'vxitmée.