San Mateo 5:19 - Páez

¹⁹ Txãa pa'ga maawa txãa ley jxkaahnitx wala le'çxkuẽesa kĩhtewa selpiwa'jmeesa na'wẽ thegte txãatxi' nvxihtçxa, nasatxwa txã'wẽ yũuya' íiçxáa kaapiya'jana na', txã'wẽ yũusa' Dxus jxkaahna ũsnite le'çxkuẽçxáa seelpisa' jĩni yuuna. Nawa txãa leytxi le'çxkuẽçxáa yuhwa nvxihtmée jxuka nwẽese'jçxa vxitetxwa txã'wẽy nwẽese'jya' kaapiya'jsa', Dxus jxkaahna ũsnite wala seelpisa' jĩni yuuna.

San Mateo 5:19 Referans Kwoze

San Mateo 28:20

Sa' Dxusa's nwẽese'jwa'ja's kaapiya'jane'kwe kĩhtewa jxuka, adx ma'wẽtka i'kwe'sxtxi jxkaah txã'wẽy. Mjiyuwe, ãçxhũyã'ja' een isa bagaçxtewa i'kwe'sx yakh nes yuuya'wath naa kiwe pçuupkaçx jĩk.

San Mateo 11:11

Isath we'we', naa kiwete maa nasa yuhwa Juan Bautistate jxthaakwe walasa yu' kasehnimeeta' ãçxpkaçx. Makwe txã'wẽtewa, ãçxh naa ensuwe'sx maatewa jxthaakwe le'çxkuẽesaçxawa Dxus jxkaahnite u'kasa' Juan Bautistate jxthaakwe walasata'.

Tito 3:8

Na'wẽ pta'sxthu txã' isa yuja', txãa pa'ga idxa' txãatxi' kaayaki'jna nes myuu, kxah Dxusa's ũuste jxpa'gasa' ewçxáa yũuna fxi'zetxna. Txã'wẽ ew yũuna fxi'zenisa' wala seelpisa' jxukaysatx.

Apocalipsis 2:20

Nawa i'kwe'sx ãhmée yũuni's we'wewa'j ji'pthu: Txãa u'y Jezabela's ma'jĩ'çmée i'kwe, txãa u'ya' Dxus kwe'we'jni'sthu pta'sxi' jĩçxa adxna selpisaatx kaypuba'ja'kh pkal kazxsate kaafxi'ze'jna, sa' tajkx ikhçxa Dxus ĩtxĩmeesatx weçxawa'ja' jĩnak kaapiya'ja'.

Romanos 6:15

Txã'wẽ leya' nwe'weya' ãjãmeeyã'the', ¿ki' pkalteyçxáa fxi'zemtha'w, Dxus nwe'wenite ũsçxawa? Weh yuhwa pkalte fxi'zewa'jme'.

1 Timoteo 6:11

Nawa idxa' Dxusna nwẽese'jsag naa pa'ga txãa ewmeejũ jxuka txuteeçxa kĩhte yuhwa jxpubamée Dxusçxáana yajkxna vxitetx peeygãhna thẽysa pa'thewa txãatxi' yajkxmée ũusuh jxuka manvxiht ewmeesa's.

Romanos 6:1

Dxus peeygãhna peltunãyni' jweeíiçxáa nes yuukahn, ¿pkalte fxi'zena nesmtha'w yuu? ¿Maa sũju'kwe'?

1 Pedro 5:4

Txã'wẽ yũuçxa', kwe'sxtxi jxpe'jsa jxthaakwe jxtuhthesa vxyaate', i'kwe'sxa' jxpa'gane'kwe peesni iiméh zhiçxkwesa's txã' naa kiwega peesnisa pçu'tx txã'wẽsa meeta'.

San Lucas 11:42

Fxariseowe'sx, i'kwe'sx yakha' seena' yuh ũukhũukha', i'kwe'sxa' putatxhã', me'sukwe, kĩjkĩhwa uuthasxte ũsna txãa yu'sa' jxuka diesmo dukhçxawa, Dxus yu'sa' ũusu jxuka wedxna nwẽese'jna fxi'ze'çmeei'kwe naa pa'ga seena' yuh ũukhũukha'. Diesmo's dukhwa'j yuja', nawa Dxusna nwẽese'jni wejx jxthaakwe ewa'.

San Mateo 19:28

Jesusa' na'jĩnak pta'sx: —Isath we'we', naa kiwete pkalsa's jxuka yu'pthehçxa ewsaçxaçxáa yuuwa'j en ãhte', Dxus Nçxi'k Nasa Yuusá' pa'jçxa jxkaajxa' takheçpkaçxha', adx yakh yuusáa i'kwe'sx docesawa adx yakh jxkaahsa yuune'kwe Israel ji'j docesatx.

Romanos 3:8

Txã'wẽ yaakxsa': Ewmeesaçxá's wejx pa'pçxute ewna, ewsa vxyaana nes yuukahn jĩ'tx. Txãa yu' adxa's açesatx txã'jĩ': Pablo' txã'wẽk kaapiya'ja' jĩna. Txã'wẽ we'wesa' Dxus kastigo yuuçxá's jxpa'gawa'jsata'.

Hechos 1:1

Jesusa' nyafxte kĩhwa kaapiya'jna kĩjkĩhwa ew yũuk cielute tejkapkaçx txã'sna, Teofxilo, idxna pta'sxna adx libru nyafxte fxi'th.

San Lucas 9:48

—Adxa's wedxsa' maawa naa luuçx na'wẽsatx ahçemée jxpa'gasa', adxa's jxpa'gasa yuutxna. Sa' adxa's jxpa'gasa', adxa's jxkaahsanawa jxpa'gasa yuutxna. I'kwe'sx pwe'sx maa txã'wẽ ãhmeekwesa na'wẽ yajkxna fxi'zena txãa yuuçxáa jxthaakwe walasa yuuna jĩk.

San Lucas 1:15

txãa pa'gatey txãa luuçxa' Dxus dxi'pte walasa yuuwa'jsa'. Txãasa kĩhwa ktũ'ju'jwa'jsa yu'sa' tudxmeena, naasáa Dxus Espiritu yuuçxáana ũuste jxuka ji'phuna njĩ'j tutxhu yuu kasehmey.

San Mateo 20:26

Nawa i'kwe'sx yu' txã'wẽ juuna' jxkaahwa'jsamée i'kwe, wejx yuuwa i'kwe'sxa' walasa yuu wẽeçxa', vxitesa kusete selpisáa yuuwa'j ji'phi'kwe.

1 Juan 3:4

Maawa pkalte fxi'zesa' Dxus jxkaahnitx nwẽese'jmée ũsçxa txã'wẽ yuuna, aça' Dxus jxkaahnitx kxtey yuumée ũsni' pkal íiçxá'.