San Mateo 5:17 - Páez

¹⁷ Moises ley vxite' Dxus yuwe pta'sxsawe'sx kaapiya'jni txãatx nwẽese'jya'méene' yuwé' sũhna yaakxnuwe adxa's. Txã'wẽ yũuya' yuwe'çmeeth, wejxwa txãa leya's jxthaakwe ew ãate kaajiyu'jya'th yuwé'.

San Mateo 5:17 Referans Kwoze

Romanos 10:4

Txã'wẽ Moises ley jxkaahwa'j en skhẽwnijũ' Kristo jxkaahwa'jsa', yuuwemée ewsa vxit-ya' ãjawa'jsa txã'sna jxpa'gasa yuutxi's. Nawa txã'sna pakwemée leya'sçxáa kxtey yuu wẽete', yuuwemeesa ya'yu'çme'.

San Lucas 16:17

Makwe cielu pçuuna, kiwewa pçuuna, nawa Dxus jxkaahni ley yu' weh yuhwa yu'pthehwa'jsame' bagaçxte yuhwa jĩk.

Romanos 8:4

Txã'wẽ kluuste uuçxak kwe'sxtxi nwe'we, kwe'sx kakwe ewmée yũuya' yaakxni's weh yuhwa nwẽese'jmée Dxus Espirituçxá's nwẽese'the', Dxus leya' kĩhtewa jxuka ew yũuna fxi'zewa'ja'sçxáak jxkaaja' txã'sna pejka kxtey yuuya' ãjakahn.

Romanos 3:31

Txã'wẽ Jesusna ũuste jxpa'gawa'jçxá's pta'sxçxa', ley yu' pu'çxwa'jsame' jĩçxa txã'jĩ'çmeetha'w, wejxwa ley jxkaahni's kxtey yuuwa'ja'stha'w pta'sxi'.

San Mateo 7:12

Bagaçxtewa i'kwe'sxtxi maa nasawa ewçxáa yũuna fxi'ze jxthãasçxa', i'kwe'sxwa txã'wẽy maa nasatxwa ewçxáa yũuna mfxi'zewe. Txãa pa'gatey Moises ley vxite' Dxus yuwe pta'sxsawe'sx fxi'jniwa txã'wẽçxaçxáatx jxkaaja'.

San Mateo 3:15

Jesusa' na'wẽk pas: —Dxus jxthãasni's kxtey yuuní wejx ewna jĩte', Juana' kxtey nwẽese'kh.

Hechos 18:13

Sa' na'jĩnatx pta'sx ne'jwe'sxa's: —Dxusa's nwẽese'jwa'ja's ley jxkaaja'k txãa jxkaahnijũ kasehçxa Dxusa's fxiy nwẽese'jwa'ja'sku kaapiya'ja' naa piçthẽ'ja' jĩte',

Hechos 6:13

Sa' pakwetx na'wẽ ĩsxiina pta'sxwa'jsa: Naa piçthẽ'ja' een isa dxuus yata's açewe'wena txã'wẽy Dxus leya'swa açewe'wena nesku yu'.

San Juan 8:5

Txã'wẽ yũusatxi' Moises leya' kwet wãatatahçxak ikhkaja'. Aça' idxa' ¿ma'wẽ jxkaajaki'g? jĩnatx pẽjx.

Hechos 21:28

na'wẽtx sus we'we: —Israelwe'sx, mpu'çxwe. Naa piçthẽ'jíik msuuwa jxuka nasa jxukaysatx kaapiya'jna pekũju' kwe'sx ji'jtx açewe'wena, Moises leynawa txã'wẽy. Sa' dxuus yatnawa açewe'we'k. Sa' txã'wẽçxáa yũumée, ãçxha' judiu ji'jmée griegowe'sxtxiwa dxuus yat dxiite ka'gak kazx vxitna jĩ'tx.