San Mateo 4:25 - Páez

²⁵ Txajũ' Jesus yakh pi'kxna u'juya' nasa wala utxaatx, Galileajuwe'sx vxite' Dekapolis kiwesuwe'sx vxite' Jerusalenuwe'sx vxite' Judea kiwesuwe'sx vxite' Jordan yu'kutejuwe'sx.

San Mateo 4:25 Referans Kwoze

San Lucas 6:17

Jesusa' txãa yakh u'jusawe'sx yakh thã'j vxiçu jxsa'jna kĩhçxa', teeçx ahte txaktek yuju nasa wala kuhsawe'sx yakh. Txãa nasa' Judea kiwesuwe'sx, Jerusalen çxhabuwe'sx, vxite' ĩkh wala pukasu Tiro Sidon çxhabsuwe'sxtxi Jesus pta'sxni's wẽsẽ'jya' pa'j, aça' vxite' ãçã'sa Jesus nuykatxhikahntxi pa'j.

San Marcos 5:20

Txajũ' txãa piçthẽ'ja' u'jçxa, Dekapolis çxhabsu jxuka pta'sxku Jesus ma'wẽ yũuçxa nuykatxhini'swa. Aça' nasa' wala kuh yaaki'tx jxukaysa.

San Marcos 7:31

Jesusa' ki'kin Tiro kiwejũ kasehçxa, Sidon çxhabuy vxite' Dekapolis kiwey uykhẽwna u'jçxa, Galilea ĩkh walatek pa'j.

San Lucas 6:19

Aça' nasa jxukaysa kxte ũssa' Jesusa's jxa'dxya' wala pa'pçxu'tx, txã'wẽ jxa'dxçxaçxáa maawa katxhiçtetx uyu', txãasatx txã'wẽy yũu wẽjẽ'.

San Marcos 6:2

Sa' sapatu jxkaase ente' judiuwe'sx pkhaakhenitek kaapiya'jna ũsu', aça' nasa jxukaysa wẽsẽ'jçxa', kuh yajkxna na'jĩtx: —Naa piçthẽ'ja' ¿mteega txakwe wala kĩjxa'wa piya? ¿Kim kaapiya'theki'k txakwe wala kĩjkĩh yũuya'wa ãjã'?

San Mateo 19:2

Kxte ũste', nasa wala pa'jtx, aça' nuykatxhik ãça'satx.

San Mateo 12:15

Txã'wẽ yũuçte Jesus jiyuçxa', txajũ kasehna u'kh, aça' nasa wala u'jtx txãa yakh. Jesusa' ãça'sa ma'wẽsatxwa jxukak nuykatxhi,

San Mateo 8:1

Jesusa' thã'j vxiçu kĩhte', nasa iiméh wala kuh pkhaakhetx.

San Mateo 5:1

Nasa wala kuh kasehte uyçxa', Jesusa' txajx txhitxhnisawe'sxtxi thã'thek pe'jna u'j. Aça' txãawe'sxa' txajx tasxte utxaate',

San Mateo 4:15

Zabulón Nefxtalí txãawe'sx kiwesu u'psa, Vxite' ĩkh pukasu dxi'j u'jna ũsa' txãa ja'dasu u'psa, Vxite' Jordan yu'kuteju, sek kãani ju'guwe'sx, Vxite' Galilea kiwesu judiu ji'jmeesawe'sx