San Mateo 3:11 - Páez

¹¹ Adxa' i'kwe'sxtxi' yu'teçxáath bautisaĩ' pkaltxi nvxihtçxa Dxus tasxte sxawedsatxi'. Nawa adx e'suh vxite yuja' txã' Dxus Espiritu ipx na'wẽsate bautisaĩna. Txã' adxte jxthaakwe ãjawa'jsa', aça' adxa' txajx pelgatxiçxáa yuhtxwa ũsya' seelpimeesath.

San Mateo 3:11 Referans Kwoze

San Lucas 3:16

Aça' Juana' jxukaysatx pta'sxku: —Adxa' bautisãyna naasáa yu'teçxáath akhe'. Nawa adx e'suh vxite yuja', txã' Dxus Espiritu ipx na'wẽsa's i'kwe'sx ũuste kxu'akhe'jya' ãjãwa'jsa'. Aça' adxa' txajx pelgatxi wesçxáa yuhtxwa khihbxa' ãjãwa'jmeesath.

Hechos 1:5

I'kwe'sxa' jii i'kwe Juana' naasáa yu'teçxáak akhna bautisaĩ'. Nawa i'kwe'sxa' Dxus Espiritute yuu bautisãyni yuune'kwe jxukaysa ja'daçxah txaçxmeyna jĩnak we'we.

Tito 3:5

Nawa kwe'sx kakweju ew yũuna fxi'zepa'ga txã'wẽ yũume', naasáa peeygãhçxa yuuçxáak txã'wẽ nwe'we kwe'sx ũuste pkaltxi yaatena. Txãa pa'gak Dxus Espiritu' kwe'sxtxi yu'pthehçxa kĩh pkal yuhwa ji'phmée kaafxi'ze'je'.

1 Corintios 12:13

Dxus Espiritu txã'wẽ kwe'sx ma'wẽsatxwa Kristo tasxteçxaçxáa kuutxa'the', teeçx kakwetewe'sxçxáatha'w yuu. Judiu ma'k yuu meeçxa' judiumée ma'k yuu, selpiisáa ma'k yuu meeçxa' selpiisamée ma'k yuu nawa txãazkuẽesay Dxus Espiritu teeçxçxáa ũsa' txãaçxaçxá'stha'w jxpa'ga' jxukaysa.

San Mateo 3:6

Sa' txã'wẽ pkalsatha'w jĩna Dxusa's perdon pẽjxna pa'jsatxi' Juana' Jordan yu'walate bautisaĩ'k.

Hechos 19:4

Txajũ' Pablo' na'wẽk pta'sx: —Juana' yu'te bautisãyku pkaltxi nvxihtçxa peena yu' pkalte fxi'zemeene'kwe, Dxus tasxuh yuusa Kristo adx e'ste yuja' txã'sna jxpa'gaya' jĩçxa bautisãysak yu' jĩte',

San Lucas 1:17

Txãa Juana' Dxus Nçxi'k yaçte pekũjuna, sa' Dxus yuwe pta'sxsa Elias Espiritu kĩhtewa ãjawa'jsa's ji'phu'k txã'sna íiçxáa ji'phuna. Txãasa neywe'sxtxi luuçx yakh kaapui'jmée kaafxi'ze'jena, sa' nwẽesẽ'jsameetxwa nwẽesẽ'jya' kaapiya'jana. Txã'wẽ yũuna nasatx pheu'juna Dxus Nçxi'ka's jxpa'gakahn jĩte',

San Juan 1:30

Aça' adxa' txã'sna we'weçxath txã'wẽ pta'sx: Adx e'su teeçx piçthẽ'j vxyaana, txã' adxte jxthaakwesa', txã' naa kiwete adx upxmeyna we'sxku yu' txãa pa'ga.

San Marcos 1:4

Txã'wẽ Isaias we'weni kxtey yuuwa'j ãhte', Juana' nasa u'pnimée kiwesu vxyaak nasatx bautisãyna. Sa' na'jĩnak pta'sxi': —Pkaltxi nvxihtçxa Dxus tasxte misxawedwe, yu'te ya'bautisãyna, kxah i'kwe'sxtxi' Dxusa' peltunaĩna.

Efesios 3:8

Adxa' Dxus yakh fxi'zesa maatewa jxthaakwe ãhmeekwesath. Nawa Dxusa' adxa'sku nvxiht, Kristo nwe'wenisa yuuçxáa kĩhtewa thaakwe ewsa' txã'sna judiu ji'jmée vxite nasatx pta'sxkahn.

1 Pedro 5:5

Piçtakxwe'sxwa txã'wẽy ancianowe'sx we'weni's kxtey myuuwe. Jxukaysa puutx ya'nwẽese'jna fxi'zewa'ja' iiwejçx yajkxmée. Txã'wẽme', Dxusa' pu'çxhi'çme' iiwejçx yaakxsatxi's, nawa iiwejçx yaakxsameetxi's peeygãhnak pu'çxhi'.

San Juan 1:15

Txã'snak Juana' tuuthe'jna na'jĩna we'we: —Adxa' na'snath pta'sxi' i'kwe'sxtxi: Adx e'ste yuja' txã' adx naa kiwete upxmeyna we'sxku yu', txãa pa'ga adxte jxthaakwesa' jĩnak pta'sx.

San Lucas 3:3

Aça' Juana' Jordan yu'wala utxasu msuu msuuwa jxuka pekũjk nasatx pta'sxna: —I'kwe'sx pkaltxi nvxihtçxa Dxus tasxte sxawedçxa yu'te mkhẽewe ya'bautisãyna, i'kwe'sxtxi Dxus peltunãykahn jĩ'k.

Hechos 8:36

Txajũ' teeçx ahte yu'te pa'jçxa', txãa piçthẽ'j Etiopiajuwe'sxa' na'jĩk: —Ayte yu' u'pa' aça' adxa' ãçxhíi ya'bautisãy wẽewaça', ¿ãjãma'th? jĩte', Fxelipe' na'jĩk:

Hechos 8:38

Txajũ' kaçxetilxa's kxuuju'jçxa, e'zíi yu'te kĩhçxa Fxelipe' bautisãyku txãa Etiopiajuwe'sxa's.