San Mateo 27:50 - Páez

⁵⁰ Txajũ' Jesusa' ki' seena' sus we'weçxa' uuk.

San Mateo 27:50 Referans Kwoze

San Juan 19:30

Aça' Jesusa' esponja's çxazxaçxa', na'wẽk we'we: —Jxuka jxã'jnik neeyũu jĩna'wa, kĩiçhuna' uuk.

San Lucas 23:46

Naapkaçxha' Jesusa' na'jĩnak sus we'we: —Tata, iidx kusete adx ũusa's nvxiituçthu jĩna'wa uuk.

Hebreos 9:14

Kristo ee yu' wejx thaakwe yaateya' ãjawa'jsana. Txã'wẽ yaateya' ãjakahníi, Dxus Espiritu pçuwa'jmeesa pu'çxte Kristo' peekíi ya'dukhçxa kĩh pkal yuhwa ji'phmeek txajx eea's pkaw pkalsa pa'gate. Txãasa txajx eea' kwe'sx ewmée ũus yaakxni dxiitewe'sxa's khukhwa'jsa', Dxus ĩtxisa's selpiiya' ãjakahn.

San Marcos 15:37

Txajũ' Jesusa' ki'kin sus we'wenitee uuna kãjk.

San Mateo 20:28

Txãa pa'gatey Dxus Nçxi'k Nasa Yuusáa yuhwa txã'sna selpii jxthãasya' kĩhme', wejxwa nasatx nwe'wena selpiiya' kĩhçxak ya'dukh nxuste uuya' jĩk.

San Juan 10:11

Adxa' piisxaatx ew jxpe'jsath. Aça' ew jxpe'jsa' piisxaatx peeygãhçxa nwe'wepa'gaçxáa txajx ĩtxi fxi'zeni's ivxiituya' ũsa'.

Hebreos 2:14

Nasawa pxakhsa jĩnisa' maazkuẽeçxawa kxazíi teeçx ney kakwe petx ee jxpa'gaçxa yuuçxáatx pxakhsa yu', txãa pa'gak Jesuswa pxakhsa yuuya' nasaa kakwe's jxpa'ga uuya' ãjaya'. Txã'wẽ yũuçxak kluuste uuçxa uuwa'j vxit-sa's knay. Txã'wẽ nasatx uuwa'j vxit-sa' eçxthẽ'kh yu'.

San Mateo 27:49

Nawa vxite yu' na'jĩ'tx: —Kuçx yuunu. Aan Elias pa'jana nwe'weya' jĩ'tx.

San Juan 19:29

Teeçx tasa vxino utak ũsu'. Aça' txãa vxinote esponja's tuupha'jçxa fxtũte açhçxa Jesus yuwete utxatx çxazxakahn.

Hebreos 5:7

Kristo' naa kiwete ũsçxa', txajx uuwa'j en jxuka utxaaçte', Dxus nwe'weya' ãjawa'jsa dxi'pte wala pxthaa sus neewe'wek ũ'nena, aça' Dxusa' wẽse'kh txajx pxthaa we'weni's.