San Mateo 27:35 - Páez

³⁵ Kluuskhẽ a'kxçxa', soldauwe'sxa' swerte kaahtx Jesus athni ropa's maa soldau knaytewa jiyuya'. Dxus yuwe pta'sxsa' na'jĩnak we'we txã' kxtey yuuk: Swerte kaahçxa adx ropa's txudeedetx txãawe'sx pwe'sx jĩnak we'we.

San Mateo 27:35 Referans Kwoze

San Lucas 23:34

Txã'wẽ kluuste fxuçuçte', Jesusa' na'jĩnak we'we: —Tata, meen peltunaĩ adxa's açesawe'sxtxi. Txãawe'sxa' jiimeeçxatx txã'wẽ yũ' jĩk. Txajũ' soldauwe'sxa' swerte kaahtx, Jesus athni ropa's maa soldau knaytewa jiyuya'.

Hechos 4:10

Aça' i'kwe'sx dxi'pte teehwed ãate pta'sxiçtha'w, kxah Israelwe'sx jxuka jiyutxna. Naa piçthẽ'j ayte i'kwe'sx dxi'pte ũsa' txã' Jesukristo Nasarethũwe'sx nuykatxhini ũsa'. Txãa Jesukristo's i'kwe'sxa' kluuste kaafxuçu'ji'kwe, nawa Dxusa' uuniijũ ki' ĩtxi vxitku.

San Juan 20:27

Txã'wẽ we'weçxa', Tomasa'swa na'jĩk: —Adx kusete kpã'yuunitx thegçxa, txkaa iidx kuse's mkuupath, sa' adx tabxte we'thu yãjanigawa mkuupath. Txã'wẽ yũuçxa', kuh jwed yajkxmée, ĩtxi yuu yuhga sũhwa'jçxá's ji'phune'ga jĩte',

San Juan 20:20

Txã'jĩçxa', txajx kuse kpã'tx pta'sxku, tabxte we'thu yãjani'swa txã'wẽy. Aça' txãawe'sxa' Jesusa's uyçxa' wala weçxweçxa yajkxtxi.

San Juan 20:25

Aça' Tomas yu' uymeetewa, Jesus yakh u'jusa vxite yu' pta'sxtxi: —Kwe'sxtxi jxpe'jsa's uytha'w jĩna. Txã'wẽ pta'sxtewa, Tomasa' na'jĩk: —Kusete klaus kpã'vxitni's uyçxa txajx tabxte we'thu yãjani'swa uyçxa txkaa adx kuse's kaahmeeçxa yu', txã'wẽ ĩtxi yuune' sũhme'nja jĩk.

Hechos 2:23

Nawa txã'sa' kluuste fxuççxa ikhkahn i'kwe'sxa' dukhi'kwe nasa ewmeesa kusete. Txã'wẽ uuwa'ja's Dxusne' txhitxhçxa nvxiht txãniitey, txãa pa'ga i'kwe txã'wẽ yũu.