San Mateo 27:14 - Páez

¹⁴ Jesusa' kĩhwa pasme'. Txã'wẽ pasmeete', ne'jwe'sxa' ma'wẽ yũuya'çxáa yuhwa ãjameeçxa', na'wẽ yũuya'k yajkx.

San Mateo 27:14 Referans Kwoze

1 Corintios 4:9

Kwe'sxa' Jesus jxkaahnisatha'w nawa Dxusa' nmejkhẽ ne' nvxiht sũju'th, naasáa ikhwa'j nvxiitnisa na'wẽçxáatha'w. Kwe'sx pxthaa yuuçxa uuçte', angeleswe'sx vxite' nasawa thegkahn nasa walaa ksxavxyte nvxiitni na'wẽ ũstha'w.

San Mateo 26:63

Jesusa' pasme'. Aça' sacerdote npiiçthẽ'ja' na'wẽk we'we: —Dxus ĩtxisa dxi'pte jurãyçxa isasaçxá's mpeeta'sx. Idxa' ¿Kristo Dxus Nçxi'k dxihgá'? jĩte',

San Mateo 27:12

Txajũ' sacerdotewe'sx vxite' judiu nthẽ'jsa txãawe'sxa' Jesusa's ewmeesag jĩna we'wete', Jesusa' pasu'çme'.

San Mateo 27:13

Aça' Pilato' na'wẽk we'we: —Idxa's na'wẽtx kĩhtewa jxuka ewmeesa' jĩna yuwe ũsu' aça' wẽse'jeçmeewá'ga jĩtewa,

San Marcos 15:5

Jesusa' teeçx yuweçxáa yuhwa we'weme', aça' Pilato' kujk yajkxna neeyũu.

San Lucas 23:9

Txajũ' Jesusa's kĩjkĩhwa wala pẽjxku, nawa pasme'.

San Juan 19:9

Sa' txajx u'pnite u'kaçxa', na'jĩnak Jesusa's paapẽjx: —Idxa' ¿majũwe'sxga? jĩtewa, Jesusa' pasme'.