San Mateo 26:64 - Páez

⁶⁴ Jesus pasçxa': —Idxa' isag we'we'. Adxa' i'kwe'sxtxi na'jĩ'th na': Dxus Nçxi'k Nasa Yuusa's uyuune'kwe Dxus pukate kaçxçxa u'pte sa' cieluju tãaph pxãhte kĩjaçtewa uyuune'kwe jĩte',

San Mateo 26:64 Referans Kwoze

San Marcos 14:62

Jesus pasçxa': —Txã'wẽíith. Aça' i'kwe'sxa' uyuune'kwe Dxus Nçxi'k Nasa Yuusa' Dxus pukate kaçxçxa u'pte. Sa' cieluju tãaphte kĩjaçtewa uyuune'kwe jĩk.

Hebreos 1:3

Txãa Nçxi'k íik Ney zhiçxkwe zmeena' kweethnisa yu', sa' Dxus ma'wẽsate' le'çxkweçxáa yuhwa fxiysamée txãa íiçxáak yu'. Sa' txãa íiçxáa naa kiwe ma'k yuu nawa kĩjkĩhnawa jxuka ewçxáa kaafxi'ze'jna ũsa' txajx we'weni yakhçxáa. Sa' txãa íiçxáa kwe'sx pkaltxi yaateçxa Dxus pukate kaçxku cielute.

Apocalipsis 1:7

Txã'sa' mthegwe, tãaphte yuja'. Txã'sa' jxukaysa uyuutxna, txã'sna kpã'vxit-sawa. Sa' uyçxa' naa kiwete nasa jxukaysa ũ'netxna. Isath we'we', txã'wẽ yuh yuutxna.

Hebreos 12:2

Jesukristo yuuçxá's pu'vxitumée yajkxna fxi'zega, txãa pa'gatey txãa yuuçxáak Dxusa' pu'çxhina sũhwa'ja's ũsu', sa' txãa yuuçxáak Dxusna yaakxni jxuka kxtey yuuna pa'phkaçx pu'çxhi'. Txã'wẽ yũuya'k Jesusa' thaamewa'j yu'sa' yajkxmée kluuste uu, txakwe wala nxusnxustewa. Txãa pa'gatey pxthaa yuuni en skhẽwniijũ' wẽt weçxana ũswa'ja's jiik yu', txãasak cielute Dxus ũsni pukate kaçx.

San Lucas 21:27

Txajũ' Dxus Nçxi'k Nasa Yuusa's uyuutxna, tãaph pxãhte sek na'wẽ seena' zhiçxkwe khikhyna kĩjaçte.

San Mateo 24:30

Txã'wẽ yũunijũ', Dxus Nçxi'k Nasa Yuusáa kĩiwa'ja's kaajiyu'jsa vxyaana cieluju, aça' naa kiwete nasa maazkuẽesawa ũ'netxna Dxus Nçxi'k Nasa Yuusáa txã'wẽ cieluju tãaph pxãhte seena' zhiçxkwe vxyaana yuhte uyçxa.

San Mateo 26:25

Judasa' pẽjxku: —Meeçxa' ¿adxwá'ntkakx? jĩte', Jesus pasçxa': —Idxíig jĩk.

San Mateo 25:31

Dxus Nçxi'k Nasa Yuusa' jxkaahsa yuuçxa angeleswe'sx ksxavxyte kĩhçxa txajx jxkaahwa'the kaçxhiina.

San Mateo 16:27

Jxpa'yakxmeete', Dxus Nçxi'k Nasa Yuusa' ki' kĩijana Ney eena' kweethni pxãhte txajx angeleswe'sx yakh, aça' ma'wẽçxah yũusaaçxawa teeçxsa na'wẽçxah jxpa'gatxna.

Apocalipsis 20:11

Txajũ' jxkaahna u'pni çxihmesa seena' walasa'sthu uy, vxite' kxtee kaçxçxa u'psa's. Txajx yafxju thegniteçxáa kiwe vxite' cielu wantaĩmeeçxa jxuka vxitutx, sa' peena yu' vxyaameeta'.

1 Tesalonicenses 4:16

Txãa pa'gatey Kristoíiçxáa cieluju kĩiwa'jsa' seena' jxkaahwa'ja's we'wena, Dxus angeleswe'sx npiiçthẽ'jwa we'wena, naapkaçxha' Dxus tukani zhiçxkwesawa susuna. Naapkaçxha' Kristona jxpa'gaçxa uusaawe'sx khuẽ'y ĩtxi yuutxna.

Hechos 1:11

Txã'wẽ vxyaaçxa', na'wẽtx we'we: —Galileajuwe'sx, ¿kĩh yuupa'ga cielute pagayna ũskwe? Jesusa' i'kwe'sx ksxavxyuh ma'wẽ cielun u'jweçtekwe uy, txã'wẽyçxáa ki'kin kĩijana txãaíiçxáa jĩnatx pta'sx.

San Juan 18:37

Txã'jĩte', Pilato' ki' pẽjxku: —Txã'wẽçxa' ¿idxa' jxkaahsa dxihgá'? jĩte', Jesusa' na'jĩk: —Idx kxsusu'g txã'wẽíith. Naa kiwete upxçxa isasaçxáana pta'sxya'th yuwé'. Maawa isasa's nwẽese'jwa'jsa' adx we'weni's jxpa'yakxtxi wẽse'je' jĩte',

San Lucas 22:70

Aça' jxukaysa na'wẽtx pẽjx: —Na'jĩ'g na', idxa' Dxus Nçxi'kthu jĩne'ga jĩte', Jesus pasçxa': —Txã'wẽíith. I'kwe'sxa' isa i'kwe we'we' jĩk.

San Mateo 27:11

Jesusa' ne'jwe'sx tasxte jxũna u'jnik yuu, aça' txã' na'jĩnak pẽjx: —Idx wáa txã'wẽ judiuwe'sxtxi jxkaahsane'ga jĩte', Jesus pasçxa': —Idxa' isag we'we'. Adxa' txã'wẽsaíith jĩk.

Romanos 14:10

Namu' Kristo', aça' idxa' namumeeçxa' ¿kĩjxa'ga iidx yakhthẽ'ja's ewmeesa' jĩna açewe'we'? Dxus tasxte kuutxa'jni yuuwa'jsatha'w, aça' Dxus yuuçxáa ma'wẽ yuusaatewa we'wewa'j ji'pha'.

San Mateo 8:20

Jesus pasçxa': —Yu'kh niimal yuhwa deewa'j kafx ji'phta', txã'wẽy vxiçxakwewa yat ji'phta'. Nawa Dxus Nçxi'k Nasa Yuusa' mtee yuhwa txajx dxiktheçxáa yuja'swa khikhwa'j ji'phme'.

San Mateo 16:28

Isath we'we', ayte ũssa maaíi yu' nee uumey uyuune'kwe txã'wẽ Dxus Nçxi'k Nasa Yuusa' jxkaajxa' pa'jni's jĩnak pta'sx.

San Mateo 22:44

Adxna jxpe'jsa Kristo's Dxusa' na'jĩk: Adx pukate paçu ju'gte mkaaçx, Idxna açesatx idxçxaçxáana nwẽese'jwa'ja's vxitna jxã'phkaçx jĩk.

San Mateo 28:18

Txajũ' Jesusa' txãawe'sx tasxte utxaaçxa na'wẽk we'we: —Cielute vxite' naa kiwetewa adxnaçxaçxáak neewe'weni yuu jxkaahwa'ja's.

San Lucas 22:69

Nawa ãçxhũyã'ja' Dxus Nçxi'k Nasa Yuusá' Dxus ĩtxĩsa pukate kaçxya' u'jwena jĩk.