San Mateo 26:39 - Páez

³⁹ Jesusa' jxu'jmée u'jçxaçxáa txkaa pkipha weteçxa Dxus yakh puutx we'wek na'jĩna: —Tata, idxa's ewuweçxte', adxa's meen nwe'we txakwe wala pxthaa yuuwa'ja's jxpa'gakahmen. Nawa adx jxthãasni yu'sa' kxtey yuumeeçxawa, iidx jxthãasniçxá's kxtey meen yũu.

San Mateo 26:39 Referans Kwoze

San Juan 6:38

Txã'wẽ cielujũ kĩhçxawa peekx adx ũus yaakxniçxá's kxtey yuuya' yuwe'çmeeth. Adx Tata ma'wẽ yũukaathe' txã'sçxáanath kxtey yuuya' yuwé'.

Filipenses 2:8

Txãasak ãhmeekwesa na'wẽ yuuna pa'jçxa nxus nxus kluuste uuwa'ja'swa ji'phu, Dxusna nwẽese'jçxa.

San Mateo 26:42

Txajũ' Jesusa' ki'kin u'jçxa', na'jĩnak Dxus yakh puutx we'we: —Tata, txakwe wala pxthaa yuuwa'ja's yu'pthejxa' ewuweçxmeete', iidx jxthãasni kxtey yuuwaççxáa ewna jĩçxa',

Hebreos 5:7

Kristo' naa kiwete ũsçxa', txajx uuwa'j en jxuka utxaaçte', Dxus nwe'weya' ãjawa'jsa dxi'pte wala pxthaa sus neewe'wek ũ'nena, aça' Dxusa' wẽse'kh txajx pxthaa we'weni's.

San Juan 5:30

Adxçxáa yu' kĩjxa'wa ãjame'nja. Adx Tata jxkaatheçxáath yuuwesatx kastigaĩ'. Adx ũuste peekxçxáa yajkxçxa txã'wẽ yu'çmeeth, txãasa adx kastigãyni' isasata'. Adxna kaahsa ma'wẽ jxthãaste' txãaçxá'sthu kxtey yu'.

San Juan 14:31

Makwe ãjane'jmeeçxawa kxtey yuuna, kxah naa kiwete nasa jxukaysa jiyutxna, adx Tata's nwẽese'jçxa txajx jxkaahni's kxtey yuusatewa. Txã'jĩna jxã'jçxa', kiiteçxa ayjxu u'jwega jĩk.

San Juan 18:11

Aça' Jesusa' Pedro's na'jĩnak jxkaah: —Kçxilxa's wainutey myu'akh. Adx nxuste pxthaa yuuwa'ja'sku Tata' jxthãasu' aça' txã'sa' jxpa'gawa'jsameena sũju'wá'ga jĩk.

San Juan 11:41

Txã'jĩte', txãa aphni kweta's kiistxi. Aça' Jesusa' cielute pagayçxa na'wẽk we'we: —Tata, adx pẽyni's pasu'g naa pa'ga weçxa'th.

San Mateo 20:22

—I'kwe'sxa' jiimeeçxai'kwe txã'wẽ pẽyi'. Adx na'wẽy pxthaa yuuçxa uuwa'ja's ũukhmée jxpa'gaya' ¿ãjama'kwe i'kwe'sxa'? jĩte': —Ãja'nja'w jĩnatx pas.

San Mateo 24:24

Txãa pa'gatey wala ĩsxiisa pa'jatxna, adxa' Dxus yuwe pta'sxsath sa' Dxus kaahnisa Kristoth jĩtxna, txã'wẽ kim yuhwa ãjanimeesa's kaavxya'ja'jatxna kaypuba'j wẽeçxa. Txã'wẽ yũuçxa maaíitxi' kaypuba'jatxna Dxus txhitxhnisa yuhtxwa.

Apocalipsis 19:10

adxa' Dxus angel tasxte neewe'weya' peejxũkweth. Nawa txãa yu' na'jĩ'k: —Adxa's peejxũkwenu. Adxa' Dxusna selpisáa idx na'wẽysaíiçxáath, iidx yakhthẽ'jwe'sxwa ma'wẽta Jesus kaapiya'jni isasa's jxpubamée pta'sxna pekũjũ' txã'wẽysath. Aça' Dxusçxáana mneewe'we. Na'wẽ kĩhwa yũuna jĩna kaavxya'ja'th txãa yu' Jesus ma'wẽsatewa kaajiyu'jsata' jĩ'k.

Hechos 10:25

Pedro pa'jaçpkaçxha', Kornelio' jxpa'gaya' kasehçxa Pedro tasxte peejxũkwek weçxana.

San Lucas 17:16

Sa' Jesus tasxte kũhçxa' peejxũkwek: Weçx ew yũug jĩna. Txãa piçthẽ'j yu' Samariajũwe'sxku yu'.

San Marcos 13:22

Txãa ensu' wala ĩsxĩisa kasehçxa: Kristotha'w jĩtxna, naapkaçxha' vxite': Kwe'sxa' Dxus yuwe pta'sxsatha'w jĩna pekũjutxna, kaypuba'j wẽeçxa kĩjkĩhwa kaavxya'ja'jna. Jxpa'yakxmeete', Dxus txhitxhnisa yuhtxwa kaypuba'jatxna.

San Juan 5:19

Txajũ' Jesusa' na'wẽk pta'sx: —Isath we'we', adxa' Dxus Nçxi'kthu, nawa adxçxáa yu' mjĩiya' ãjame'nja. Adx Tata ma'wẽ mjĩite', txajx mjĩini's thegçxa yuuçxáath txã'wẽy mjĩiya' ãja'.