San Mateo 26:24 - Páez

²⁴ Dxus Nçxi'k Nasa Yuusa' ma'wẽ uuwa'jsatewa Dxus librute pta'sxi'k txã'sa' kxtey yuuya'wa'. Nawa adxa's açesawe'sx kusete dukhsa' ¡seena' yuh nxuste khẽjena! Txãa piçthẽ'ja' naa kiwete wejx yuuwa upxmeewaçne' wejx ew yu' jĩte',

San Mateo 26:24 Referans Kwoze

San Lucas 24:46

sa' na'jĩk: —Kristo' uuwa'jsa', nawa tekh ente' ki' ĩtxĩ yuuna uusaawe'sx ksxavxyuh.

San Mateo 18:7

Naa kiwete ewmeesa' bagaçxtewa nes yuutxna. Nawa naa kiwete ewmeesa yakha' seena' yuh ũukhũukha'. Sa' maawa txã'wẽ pkalte kweete'jena txãa yu' weh yuhwa iyumeena.

1 Corintios 15:3

Kristo yuwe ewte nvxiitwa'jsa jĩni's adxna ma'wẽ kaapiya'the' i'kwe'sxtxiwa txã'wẽyçxáath kaapiya'j txã' na'wẽk yu': Dxus librute ma'wẽne' fxi'jni ũsu' aça' txã'sa' kxtey yuuna Kristo' kwe'sx pkalsa pa'gate uuk.

San Juan 17:12

Adxa' naa kiwete txãawe'sx yakh ũsçxa', idx pu'çxte' jxpa'yakxthu jxpe'jna fxi'ze adxa's jxpe'khan ũsgu txãawe'sxtxi's. Aça' jxukaysa yu' vxitumeeta', naasáa teeçx vxituwa'jsane' yu' txãa yuuçxáak vxitu, Dxus librute pta'sxna fxi'jni' kxtey yuukahn.

San Lucas 22:22

Dxus Nçxi'k Nasa Yuusá' ãçxha' pejka uuya'wayuja'. Adx uuwa'ja's ma'wẽne' Dxus nvxiht txã' kxtey yuuya'wa'. Nawa adxa's açesawe'sx kusete dukhsa' ¡seena' yuh nxuste khẽjena! jĩte',

San Marcos 14:21

Dxus Nçxi'k Nasa Yuusa' ma'wẽ uuwa'jsatewa Dxus librute pta'sxi'k txã'sa' kxtey yuuyujuna. Nawa adxa's açesawe'sx kusete dukhsa' seena' yuh nxuste khẽjena. Txãa piçthẽ'ja' wejx yuuwa naa kiwete kasehmeewaçne' wejx ew yu' jĩnak we'we.

San Mateo 26:54

Txã'wẽ pẽjxte', kxtey yuuyujuna, nawa Dxus librute' nyafxiitey pta'sxni yã'kh yu' ãçxh na'wẽ tuduçta' txã' kxtey yuukahn, aça' nwe'wewa'jsa pẽjxme'nja.

San Marcos 9:12

Jesusa' na'wẽk pta'sx: —Isa, Elias khuẽ'y yuh yaçte pa'jçxa jxuka pheu'jwa'jsa yu'k aça' isa yuh pta'sxi'ne'ta. Txã'wẽy Dxus Nçxi'k Nasa Yuusa's we'weçxa': wala pxthaa yuuna nasa ahçeçxa pkxuuni jĩna Dxus librute fxi'jni ũsa' txãawa isa yuja'.

San Mateo 26:56

Nawa Dxus yuwe pta'sxsawe'sx fxi'jçxa nvxiitni kxtey yuukahnçxáa txã'wẽ yuuça' jĩk. Naapkaçxha' Jesus yakh u'jusawe'sxa' txã'sçxáana nvxihtçxa jxuka ũphna u'jtx.

Hechos 28:23

vxite ente ki' pa'jya' neeyũuçxa txãa en ãhte', wala kuh pkhaakheçxa pa'jtx Pablo ũsni yatte. Aça' Pablo' kusíi pta'sxçxa kusna kĩhpkaçxku pta'sx Dxus jxkaahwa'ja's. Sa' Moises fxi'jni ley vxite' Dxus yuwe pta'sxsa txãniiteywe'sx fxi'jni ma'wẽçxahne'ta Jesusa's we'wena fxi'j txã'snak ãate kaajiyu'j.

Hechos 4:28

ma'wẽ yũuwa'ja'swa idx ma'wẽne'ga vxitçxa nvxiht txãnii entey txã'sa' jxuka kxtey yuuya'.

Hechos 2:23

Nawa txã'sa' kluuste fxuççxa ikhkahn i'kwe'sxa' dukhi'kwe nasa ewmeesa kusete. Txã'wẽ uuwa'ja's Dxusne' txhitxhçxa nvxiht txãniitey, txãa pa'ga i'kwe txã'wẽ yũu.

San Juan 19:28

Txãa skhẽua', Jesusa' jiik yu' jxuka kxtey yuuna u'jweçtewa. Sa' Dxus librute ma'wẽ fxi'jni kxtey yuukahnku na'jĩna we'we: —Yũ'wẽeth jĩna.

San Juan 19:24

Aça' soldauwe'sxa' na'wẽtx puutx we'we: —Txã's sudeya'mée swerte kaja'nja'w kim jĩi neeyũutewa jiyuya'. Soldauwe'sx txã'wẽ yũuni' Dxus librute na'wẽ fxi'jni kxtey yuuk: Adx athni's txãawe'sx pwe'sx txu'dedetx swerte kaahçxa jĩna fxi'jni'.

San Mateo 26:31

Aça' kxtee pa'jçxa', Jesusa' na'jĩnak we'we: —Naa kuste' i'kwe'sx jxukaysa adxçxáana nvxihtçxa txuteene'kwe. Txãa pa'gatey txã'wẽ yũuwa'ja's Dxus librute na'jĩ'k: Piisxáa-thegsa's ikhte', piisxá' jxuka ũphuutxna jĩ'k.