San Mateo 23:8 - Páez

⁸ Nawa i'kwe'sxa' txã'wẽ kaapiya'jsa jĩna kxsus jxthãasna fxi'zenuwe. Txãa pa'gatey i'kwe'sxa' kaapiya'jsamée maa yakhwa jxuka pxakhsaçxáai'kwe, naasáa kaapiya'jsa' teeçx yuuçxáa ji'phi'kwe txã' Dxus kaahni Kristo'.

San Mateo 23:8 Referans Kwoze

Santiago 3:1

Adx yakhthẽ'jwe'sx, maawa jxuka kaapiya'jsaçxa' jiisatha'w sũhçxa nuywe'wenuwe. Kaapiya'jsaçxawa jxpa'yajkx mfxi'zewe. Txã'wẽme', kaapiya'jsaíiçxáa thaakwe yuuwesa yu'nja'w.

1 Pedro 5:3

Sa' Dxus luuçx i'kwe'sx jxpe'jnitx juuna' we'wenawa jxkaahwa'jme', kxah i'kwe'sx fxi'zeni's piyaatxna.

San Lucas 22:32

Nawa adxa' iidx pa'gate Dxusa's neewe'weth, Dxusçxáana yajkxna fxi'zekahn. Aça' idxa' Dxus tasxte ki' sxawedçxa', yakhthẽ'jwe'sxtxi kçxhãaçxha'jane'ga Dxus yakh txutemée fxi'zewa'ja's jĩte',

San Mateo 23:10

Sa' npiiçthẽ'j jxpe'jsa jĩna kxsus jxthãasnawa fxi'zenuwe, txãa pa'gatey Npiiçthẽ'j jxpe'jsa' teeçx yuuçxáa ji'phi'kwe txã' Kristo'.

San Mateo 17:5

Txã'jĩna Pedro' we'wena ũsiyna, tãaph seena' zhiçxkwe çxihmesa kũhçxa aphku. Aça' txãa tãaphte na'jĩnak we'weni pthũuse: —Na' adx Nçxi'k wala wedxnisa', txãa pa'ga wala weçxana ũsthu. Txã'sa' nwẽese'jna kxtey myuuwe jĩni's

Apocalipsis 1:9

Adxa' Juan i'kwe'sx yakhthẽ'th. Txãasa i'kwe'sx na'wẽy ja'daçxah pxthaa yuuwa'ja'swa jxpa'gasath, sa' Dxus jxkaahni ena'swa jxpa'gasath i'kwe'sx na'wẽy. Sa' Jesukristo' kĩhtewa wantãywa'ja's ũsku txã'snawa i'kwe'sx na'wẽy jxpa'gasath. Nawa naasáa Dxus yuwe's Jesukristo kaajiyu'kh txã'sna pta'sxpa'ga yuuçxáa adxa' preesuth ũsu' kiwe Patmos yaasesa yu'pxãhte u'pu'k kxtee.

Apocalipsis 22:9

Nawa txãa yu' na'wẽk we'we adxa's: —Adxa's peejxũkwenu. Adxa' idx na'wẽysaíiçxáath, iidx yakhthẽ'jwe'sxwa ma'wẽta Dxus yuwe's pta'sxna fxi'ze' txã'wẽsath, vxite' Dxus librute fxi'jni ũsa' txã'sna kxtey yuusawe'sx na'wẽysaíiçxáath Dxusna selpisáa. Aça' wejxwa Dxusnaçxáa mneewe'we jĩ'k.

Apocalipsis 19:10

adxa' Dxus angel tasxte neewe'weya' peejxũkweth. Nawa txãa yu' na'jĩ'k: —Adxa's peejxũkwenu. Adxa' Dxusna selpisáa idx na'wẽysaíiçxáath, iidx yakhthẽ'jwe'sxwa ma'wẽta Jesus kaapiya'jni isasa's jxpubamée pta'sxna pekũjũ' txã'wẽysath. Aça' Dxusçxáana mneewe'we. Na'wẽ kĩhwa yũuna jĩna kaavxya'ja'th txãa yu' Jesus ma'wẽsatewa kaajiyu'jsata' jĩ'k.

Efesios 3:15

txã'sa' maawa jxukatx Tata jĩna kxsusu' Dxus luuçx naa kiwetewe'sx ma'tx yuu, cielutewe'sx ma'tx yuu nawa jxukaysa.

2 Corintios 4:5

Sa' kwe'sxtxi nwẽese'j jxthãasçxa pta'sxi'çmeetha'w, wejxwa kwe'sxtxi nwe'wesa Jesukristo yuuçxá's nwẽese'jwa'ja' jĩnaçxáatha'w pta'sxi', kwe'sxa' naasáa i'kwe'sxtxi selpiisaçxáatha'w, Jesusa's nwẽese'jsa.

2 Corintios 1:24

I'kwe'sxtxi ũusaçxaçxa txã'wẽ yuhmée yuumeeth, wejxwa kimwa juuna' we'wemeete i'kwe'sx pwe'sxçxáa ewkuẽeçxah yuwe's pheu'khanthu ũythasna txã'wẽ yũu. Adx txã'wẽ juuna' yũukahmeníi i'kwe'sxa' Dxus yakh yu' çxhãçxha yã'j ũsi'kwe.

San Mateo 26:49

Txãasak Jesus tasxte utxaaçxa na'wẽ we'we: —Kwe'sxtxi jxpe'jsa jĩna'wa weçxak.

San Mateo 10:25

Kaapiya'jsa ma'wẽ pkxuuni yuute', piyasaawa txã'wẽy nxuswa'ja's jxpa'gawa'jsata'. Aça' selpisaawa patron ma'wẽ pkxuuni yuute', txãawa txã'wẽy nxuswa'ja's jxpa'gawa'jsa'. Yat namu's Eçxthẽ'j jĩna kxsusçxa', txajx jxpe'jnisa yuutxi' wejx txã'jĩna we'wetxna.

San Mateo 23:7

Klxiikhunsu msuuwa nasatx wala ewçxáa we'wena weçxaa jxthãasnatx pekũju', kaapiya'jsa jĩna kxsus jxthãasna.

San Mateo 26:25

Judasa' pẽjxku: —Meeçxa' ¿adxwá'ntkakx? jĩte', Jesus pasçxa': —Idxíig jĩk.

San Marcos 9:5

Aça' Pedro' txã'wẽ uyçxa', Jesusa's na'jĩk: —Ayte' kwe'sx ũswa'j wala ewa'. Aça' tekh wa' txajaga, teeçxsa' iidx jĩi, vxite' Moises jĩi, vxite' Elias jĩi jĩk.

San Marcos 10:51

Txajũ' Jesusa' ¿kĩhga yũu jxthãasu'? jĩna pẽjxte', txãa uyya' ãjãsamée pasçxa': —Adxa' uyya' ãjã wẽjẽ'th jĩk.

San Marcos 11:21

Aça' Pedro' Jesus we'weni's yajkxçxa na'jĩk: —Mtheg naa higwera fxtũu tasxa's jũ'na we'weçxa': naa fxtũu tasxte yũnni's kim yuhwa ũ'meetxna peena yu' jĩnag we'we txãa fxtũu tasxa' jxuka uhdxga jĩte',

San Marcos 14:45

Txajũ' Jesus tasxte utxaana kũhçxa': —Kwe'sxtxi jxpe'jsa jĩçxa weçxak.

San Juan 1:38

Aça' Jesusa' yu'thegçxa', txajx e'ste yuusatx uyku, sa' na'wẽk pẽjx: —¿Kĩjkwe pakwé'? jĩte', txãawe'sx pasçxa': —Kaapiya'jsa, ¿mteega u'pu'? jĩte',

San Juan 1:49

Natanaela' na'wẽk pas: —Idxa' Dxus Nçxi'kgu, Israelwe'sxtxi jxkaahsa jĩte',

San Juan 3:2

Txãa piçthẽ'ja' Jesus tasxte kus pa'jçxa', na'jĩk: Jiitha'w idxa's Dxusne' txã'wẽ kaah, kwe'sxtxi kaapiya'khan. Dxus pu'çxmeewaça', kim yuhwa ãjawa'jsame's kaavxya'ja'jmeena, idx na'wẽg yu' txã's jĩte',

San Juan 3:26

Aça' txãawe'sxa' Juana's pta'sxtxi na'jĩna: —Kaapiya'jsa, mwẽese'j. Sek kãani ju'gu Jordan yu'wala kutete ũste pta'sxgu txãa piçthẽ'jwa ãçxha' bautisãyna ũsa', aça' nasa jxukay txãa yakhçxaçxáa u'jweçta' jĩte',

San Juan 4:31

Naapkaçxha' txãa yakh u'jusawe'sxa' Jesusa's na'jĩnatx we'we: —Idxa', ¿wẽemeegá'? Pan mẽ' jĩna.

San Juan 6:25

Sa' ĩkh kutete pa'jçxa Jesusa's uyçxa pẽjxtxi: —Idxa' ¿ma'wẽnga ayte pa'j? jĩte',

San Juan 9:2

Aça' txãa yakh u'jusawe'sxa' Jesusa's na'wẽtx paapẽjx: —Naa piçthẽ'ja' ¿kĩh yuupa'gaki'k txã'wẽ yafx ji'phmée upxna ũsu'? ¿Txajx pkalpa'ga ma'k txã'wẽ nxus ji'phu, meeçxa' neywe'sx pkalpa'ga wá' txã'wẽ yuu? jĩte',

San Juan 11:8

txãawe'sxa' na'wẽtx pas: —Kaapiya'jsa, mwẽese'j. Txãwãsu' judiuwe'sxa' idxa's ikh wẽeçxa kwet wãatatajxa'watx yu', aça' ¿ma'wẽga kxtey ki' u'j wẽje'? jĩte',

San Juan 20:16

Txã'jĩte' Jesusa': —¡Maria! jĩnak kxsus. Aça' Maria tuphiçxa na'wẽk we'we hebreo yuweju: —¡Raboni! jĩk, txã' Kaapiya'jsa jĩni'.

Filemón 1:16

Nawa ãçxha' selpiisáa na'wẽmée, wejxwa selpiisaate jxthaakwe yakhthẽ'j peeygãanisa na'wẽ ew idx jxpe'khan ne' txã'wẽ yũu. Adxa' Onesimo's wala peeygãja'th, aça' idxa' wejx jxthaakwe peeygãawa'j ji'phgu, Onesimo' iidx jxpe'jnisak yu' nawa ãçxha' txã'wẽçxáamée, iidx yakhthẽ'ja' Kristo's jiisapa'ga.