San Mateo 23:7 - Páez

⁷ Klxiikhunsu msuuwa nasatx wala ewçxáa we'wena weçxaa jxthãasnatx pekũju', kaapiya'jsa jĩna kxsus jxthãasna.

San Mateo 23:7 Referans Kwoze

San Juan 1:38

Aça' Jesusa' yu'thegçxa', txajx e'ste yuusatx uyku, sa' na'wẽk pẽjx: —¿Kĩjkwe pakwé'? jĩte', txãawe'sx pasçxa': —Kaapiya'jsa, ¿mteega u'pu'? jĩte',

San Juan 1:49

Natanaela' na'wẽk pas: —Idxa' Dxus Nçxi'kgu, Israelwe'sxtxi jxkaahsa jĩte',

San Juan 20:16

Txã'jĩte' Jesusa': —¡Maria! jĩnak kxsus. Aça' Maria tuphiçxa na'wẽk we'we hebreo yuweju: —¡Raboni! jĩk, txã' Kaapiya'jsa jĩni'.

San Juan 6:25

Sa' ĩkh kutete pa'jçxa Jesusa's uyçxa pẽjxtxi: —Idxa' ¿ma'wẽnga ayte pa'j? jĩte',

San Juan 3:26

Aça' txãawe'sxa' Juana's pta'sxtxi na'jĩna: —Kaapiya'jsa, mwẽese'j. Sek kãani ju'gu Jordan yu'wala kutete ũste pta'sxgu txãa piçthẽ'jwa ãçxha' bautisãyna ũsa', aça' nasa jxukay txãa yakhçxaçxáa u'jweçta' jĩte',

San Juan 3:2

Txãa piçthẽ'ja' Jesus tasxte kus pa'jçxa', na'jĩk: Jiitha'w idxa's Dxusne' txã'wẽ kaah, kwe'sxtxi kaapiya'khan. Dxus pu'çxmeewaça', kim yuhwa ãjawa'jsame's kaavxya'ja'jmeena, idx na'wẽg yu' txã's jĩte',

San Marcos 10:51

Txajũ' Jesusa' ¿kĩhga yũu jxthãasu'? jĩna pẽjxte', txãa uyya' ãjãsamée pasçxa': —Adxa' uyya' ãjã wẽjẽ'th jĩk.

San Marcos 9:5

Aça' Pedro' txã'wẽ uyçxa', Jesusa's na'jĩk: —Ayte' kwe'sx ũswa'j wala ewa'. Aça' tekh wa' txajaga, teeçxsa' iidx jĩi, vxite' Moises jĩi, vxite' Elias jĩi jĩk.

San Mateo 23:8

Nawa i'kwe'sxa' txã'wẽ kaapiya'jsa jĩna kxsus jxthãasna fxi'zenuwe. Txãa pa'gatey i'kwe'sxa' kaapiya'jsamée maa yakhwa jxuka pxakhsaçxáai'kwe, naasáa kaapiya'jsa' teeçx yuuçxáa ji'phi'kwe txã' Dxus kaahni Kristo'.

San Mateo 11:16

Naa ensu nasatxi' ¿ma'wẽ kaaja'da'the wejx ewki? Nawa txãawe'sxa' luuçx le'çxkuẽ na'wẽsata': luuçxçxáatx plaasasu pweesa'jya' kaçxçxa', txãawe'sx namikutx na'jĩna sus we'we':

San Mateo 26:25

Judasa' pẽjxku: —Meeçxa' ¿adxwá'ntkakx? jĩte', Jesus pasçxa': —Idxíig jĩk.

San Mateo 26:49

Txãasak Jesus tasxte utxaaçxa na'wẽ we'we: —Kwe'sxtxi jxpe'jsa jĩna'wa weçxak.

San Marcos 11:21

Aça' Pedro' Jesus we'weni's yajkxçxa na'jĩk: —Mtheg naa higwera fxtũu tasxa's jũ'na we'weçxa': naa fxtũu tasxte yũnni's kim yuhwa ũ'meetxna peena yu' jĩnag we'we txãa fxtũu tasxa' jxuka uhdxga jĩte',

San Marcos 12:38

Txajũ' Jesusa' na'wẽ yu'kxpehnak kaapiya'j: —Dxus ley kaapiya'jsawe'sxtxi' jxpa'yakx me'juwe. Txãawe'sxa' ropa jxu'jsa athçxatx nasatx weçxaa jxthãasna pekũju' msuuwa.

San Marcos 14:45

Txajũ' Jesus tasxte utxaana kũhçxa': —Kwe'sxtxi jxpe'jsa jĩçxa weçxak.

San Lucas 11:43

Fxariseowe'sx, i'kwe'sx yakh seena' yuh ũukhũukha', i'kwe'sxa' judiuwe'sx pkhaakhenisu kaçxni wejx ewsaçxáana i'kwe pakwé', sa' çxhabsu msuuwa ewkuẽçxáa weçxa jxthãasna i'kwe pekũju' naa pa'ga seena' yuh ũukhũukha'.

San Juan 4:31

Naapkaçxha' txãa yakh u'jusawe'sxa' Jesusa's na'jĩnatx we'we: —Idxa', ¿wẽemeegá'? Pan mẽ' jĩna.

San Juan 9:2

Aça' txãa yakh u'jusawe'sxa' Jesusa's na'wẽtx paapẽjx: —Naa piçthẽ'ja' ¿kĩh yuupa'gaki'k txã'wẽ yafx ji'phmée upxna ũsu'? ¿Txajx pkalpa'ga ma'k txã'wẽ nxus ji'phu, meeçxa' neywe'sx pkalpa'ga wá' txã'wẽ yuu? jĩte',

San Juan 11:8

txãawe'sxa' na'wẽtx pas: —Kaapiya'jsa, mwẽese'j. Txãwãsu' judiuwe'sxa' idxa's ikh wẽeçxa kwet wãatatajxa'watx yu', aça' ¿ma'wẽga kxtey ki' u'j wẽje'? jĩte',