San Mateo 22:18 - Páez

¹⁸ Jesusa' na'wẽk pas txãawe'sx ewmée yaakxni's jiyuçxa': —Adx dxi'pteçxáa ew we'weçxa', ũuste yu' ewmée yaakxsawe'sx, ¿kĩjxa'kwe adxa's ewmeete nvxiit wẽeçxa txã'wẽ pẽyí'?

San Mateo 22:18 Referans Kwoze

San Juan 8:6

(Kxtee ãhmée we'wete', paatxhĩ'khya' sũhçxatx txã'wẽ paapẽyi'.) Nawa Jesusa' kĩiçhuçxak kiwete kuseju fxi'ja'.

San Juan 2:25

Txãa nasa' txã'wẽsata' jĩna pta'sxi peejx yu'çme', txãa pa'gatey nasaa ũus yaakxnitx jxuka jiiyã'kh yu' naa pa'ga.

San Lucas 5:22

Aça' Jesusa' txãawe'sx ũuste yaakxni's jiyuçxa' na'jĩk:

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

Hechos 5:9

Txajũ' Pedro' na'jĩnak we'we: —I'kwe'sxa' ¿kĩjxa'kwe Dxus Espiritu's ĩsxiiwa'ja's ptamíi puutx we'we'? I'kwe nmi'a' txã'wẽ ĩsxiipa'ga uute', txã'sna pedasáa ãçxhçxáa kũjuçta', sa' i'kwenawa jxũna u'jwetxna pedaaya'

San Lucas 20:23

ewmée yajkxçxa txã'wẽ pẽjxna ũstewa Jesusa' jiyuçxa na'jĩk: —¿Kĩjxa'kwe adxa's ewmeete nvxiit wẽjẽ'? jĩçxa

San Lucas 10:25

Txajũ' ley kaapiya'jsa teeçxsa Jesus tasxte utxaaçxa', ewmée vxit wẽeçxa na'wẽk paapẽjx: —Adxa' ¿ma'wẽ yũuçxa pçumée ĩtxĩ fxi'zewa'ja's ji'phuki'th? jĩte',

San Lucas 9:47

Nawa kĩh yajkxçxa txã'wẽ puutx we'weçtewa Jesusa' jiyuçxa', teeçx luuçxkuẽ's txajx pukate txahçxa' na'jĩk:

San Marcos 12:5

Txajũ' kiwe namu' ki' kaakh vxite selpisáa, aça' txã'sa' ikhtxi. Txãa e'su' maazkuẽe selpisaawa kaakh, aça' txãawe'sxtxi' maaíi yuutxi' kpã'vxitna, vxitetxi' ikhtxi.

San Marcos 2:8

Nawa Jesusa' txãawe'sx yaakxni's jiyuçxa na'jĩk: —¿Kĩh yuutekwe txã'wẽ yaaki'?

San Mateo 19:3

Naapkaçxha' fxariseowe'sx maaíi yu' Jesus tasxte utxaana kũhçxa na'wẽtx pẽjx, pasya' sxiigte' ewmée vxit-ya' sũhçxa: —Ptamsaçxawa, nyu kĩjkuẽçxáa ãhmée yũuteçxáa txãapa'ga wãatahte ¿ewmanx? jĩte',

San Mateo 12:15

Txã'wẽ yũuçte Jesus jiyuçxa', txajũ kasehna u'kh, aça' nasa wala u'jtx txãa yakh. Jesusa' ãça'sa ma'wẽsatxwa jxukak nuykatxhi,

San Mateo 22:17

Idxa' ¿ma'jĩki'g? Jxkaahsa Cesara's vxyu dukhte ¿ewmanx? Meeçxa' ¿dukhmeete wáa ewna? jĩte',

San Mateo 22:19

Dukhwa'j vxyu's mneejxũhwe jĩte', teeçx vxyu's jxũna kũhtx.