Biblia Todo Logo
Bib sou entènèt

- Piblisite -




San Mateo 22:16 - Páez

16 Txã'wẽ yũuçxa' txãawe'sx ju'gu ũssa vxite' Herodes nasa txãawe'sxtxi' kaahtx Jesusa's na'jĩna pẽykahn: —Kaapiya'jsa, idxa's jiitha'w, kĩhtewa isasaçxáanag we'we'. Sa' Dxus tasxte pa'jwa'j dxi'ja'swa ew yuuçxáag kaapiya'ja'. Nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg.

Gade chapit la Kopi




San Mateo 22:16
36 Referans Kwoze  

Txajũ' fxariseowe'sxa' Jesusa's ikhya' puutx we'weya' u'jtx Herodes ju'gsawe'sx yakh.


Sa' na'jĩnatx paapẽjx: —Kwe'sxa' idxa's jiitha'w. Idxa' isasaçxá'sgu pta'sxi', Dxus tasxte pa'jwa'j dxi'ja's kaapiya'jna. Sa' nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg.


Aça' txãawe'sxa' na'wẽtx paapẽjx Jesusa's: —Idxa's kwe'sxa' jiitha'w. Idxa' isasaçxá'sgu we'we', Dxus tasxte pa'jwa'j dxi'ja's kaapiya'jna. Sa' nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg. Idx ¿ma'jĩki'g? Jxkaahsa Cesara's vxyu dukhte ¿ewmanx? Meeçxa' dukhmeete wáa ¿ewna? jĩna pẽjxte',


Txajũ' Jesusa' na'wẽk jxpa'yakx kaah: —Mpa'yajkxwe, Herodes vxite' fxariseowe'sx lewadura ewmeesa's jĩte',


Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.


Txã'jĩte', Pilato' ki' pẽjxku: —Txã'wẽçxa' ¿idxa' jxkaahsa dxihgá'? jĩte', Jesusa' na'jĩk: —Idx kxsusu'g txã'wẽíith. Naa kiwete upxçxa isasaçxáana pta'sxya'th yuwé'. Maawa isasa's nwẽese'jwa'jsa' adx we'weni's jxpa'yakxtxi wẽse'je' jĩte',


Jesusa' pta'sxku dxi'ja's: —Adx yuuçxáa Dxus tasxte kaapa'ja'jwa'jsath, sa' adx yuuçxáa kaypuba'jwa'jsameeth, sa' adx yuuçxáa ĩtxi kaafxi'ze'jwa'jsath. Aça' adxpa'ga yuuçxáa maawa adx Tata tasxte pa'jya' ãjatxna.


Peekíiçxáa yajkxçxa we'wesa', jxtuhthesa yuuwa'jçxá'sku jxthãasu'. Nawa Dxusçxáana tuuthe'jsa', Dxus jxkaahniçxá'sku isa we'wena pta'sxi'.


Nawa Dxus kaaũusuthe'jni's ji'phsa' kĩhtewa pkal yuumée fxi'zena, ewçxáa yũuna, puiimée nasatx peeygãhna, ĩsxiimée isa we'wena.


Txã'wẽmeeteíik Dxusa' txajx yuwe ewte nvxiitwa'jsa's kwe'sxtxi neewe'weçxa nvxiht, kxahtha'w txã'wẽ pta'sx. Naa kiwete nasatx weçxaa jxthãasçxa txã'wẽ yu'çmeetha'w, wejxwa Dxus kwe'sx ũustxi jiisa weçxakahntha'w txã'wẽ yũ'.


Kwe'sx txã'wẽ nwẽese'jmeetewa, yakhthẽ'jwe'sx jxkaahsawe'sxa' adxa's kaapiya'jwa'j fxiy yu' kĩh yuhwa yu'kxpehmeeta'. Makwe txãawe'sxa' walasa ne'ta yu', nawa adxa' txãatxi' thegu ji'phmeeth, txãa pa'gatey Dxus dxi'pte' maa yuhwa walasamée teeçxsa na'wẽçxaçxáatha'w naa pa'ga.


Na'wẽth we'we' aça' i'kwe'sxa' peekx mjiyuwe: adxa' naa kiwete piçthẽ'jwe'sx adxa's ew we'we jxthãasna ũsmeeth, naasáa Dxus kaaũusuthe'jniçxá'sthu ãate we'we'. Sa' naa kiwete piçthẽ'jwe'sxtxi weçxaa jxthãasna ũsçxa', Kristona selpiisameeçxa txã'wẽ yu'nja.


Txãa pa'ga ãçxhũyã'ja' vxite ma'wẽsatewa txãatx thegna ũusteçxáa yuhwa yaakxwa'j ji'phmeetha'w. Adxa' nyafxíi yu' wala ne'tka jxpuba, txãasaíith Kristo's naa kiwete kwe'sx na'wẽysaíiçxá' sũhna yaakxni ji'phu'. Nawa ãçxha' txã'wẽ yaakxni's yu'pthehwa'ja',


Kwe'sxa' jxuka nvxihttha'w paaçte ewmée yũuna ĩsxiina fxi'zeni's. Txãasa ewmée yajkxçxa Dxus yuwe's yu'pthehna ũsmeetha'w. Isasaçxáanatha'w we'we', aça' Dxus dxi'pte ĩsxiija'çmeene' sũhnaçxáa miiyajkxwe jxukaysa.


Maaíia' Dxus yuwe's yu'pthehçxa fxiytxi pta'sxna pekũju'. Nawa kwe'sxa' txã'wẽ yũ'çmeetha'w, sa' Dxus yuwe's vxyuu pa'gawa pta'sxna ũsmeetha'w. Txã'wẽ yũuya'méeíi, kwe'sxa' Dxus kaahnisatha'w, Kristo's selpisáa. Txãasatha'w ĩsxiimée ũusuh jxuka isasaçxá's we'we' Dxus dxi'pte.


Aça' Jesusa' na'jĩk: —Simon, idxa's na'wẽ we'wewa'j ji'pthu jĩte', fxariseo pasçxa': —Mwe'we jĩte',


Txajũ' Jesusa' vxite ahn u'jweçte', teeçx piçtakx dxi'the wuwuuna kũhçxa', Jesus tasxte peejxũkwek na'wẽ paapẽjxna: —Kaapiya'jsa wala ewsa mpeeta'sx. Adxa' ¿ma'wẽ yũuçxa pçuwa'jmée ĩtxĩ fxi'zewa'ja's ji'phuki'th? jĩte',


Txãasak Jesus tasxte utxaaçxa na'wẽ we'we: —Kwe'sxtxi jxpe'jsa jĩna'wa weçxak.


na'wẽk jxkaah: —Jerusalenna me'jwe, kxtee teeçx piçthẽ'ja's jii i'kwe txã'sna na'jĩne'kwe: Kwe'sxtxi kaapiya'jsa' na'jĩnak yuwe kaah: Adx uuwa'j en utxaak, aça' iidx yatte Paskua's yu'skhẽwya'wath adx yakh u'jusawe'sx yakh jĩne'kwe jĩte',


Aça' nyakh e'stewe'sxwa txã'wẽyçxáa nyakh tekhtewe'sx jĩi nvxihtçxak uu, sa' txã'wẽçxaçxáatx yũu siete pxakhsay.


—Kaapiya'jsa, meen peeta'sx. Moises we'weçxa': Maa piçthẽ'jwa luuçx ji'phumey nyu's nvxihtçxa uute', uusáa nyakha' txãa u'y neeyũusáa yakh kabawa'jsa', aça' txãate luuçxa' uusáa nçxi'k na'wẽ neeyũuna jĩ'k.


Txajũ' fxariseowe'sx vxite' Herodes nasa txãawe'sxtxi pa'yaçxatx maz kaah Jesus tasxte, kĩh ewmée we'wetewa kpajkxya'.


Swiv nou:

Piblisite


Piblisite