San Mateo 21:44 - Páez

⁴⁴ Sa' maawa txãa kwet kajkwega wetesa' jxuka çxkateteena, meeçxawa txãa kwet nasa kajkwekhẽ weteçxa' jxuka ku'çxina jĩk.

San Mateo 21:44 Referans Kwoze

1 Pedro 2:8

Vxite ajkhẽ' txãa kweta'síi we'weçxa': Kweta' kxu'çxafxi'jçxa pẽtxsaçxá' jĩ'k. Dxus yuwe's pta'sxtewa, txãawe'sxa' kxtey nwẽese'jsame' jxpubasaata', jiyuwa'jsamée ne'ta yu' naa pa'ga.

Romanos 9:33

Txã'wẽ jxpubawa'ja's Dxus librute na'wẽ pta'sxna fxi'jni': Adxa' Jerusalen çxhabte kwet ki'puçthu, maaíitxi' kaypuba'jçxa pẽtxwa'jsa. Nawa maawa txã'sa' jxpubasamée yu', nxuste neeyũumeetxna jĩ'k.

San Lucas 20:18

Aça' maawa txãa kwette iikasa' jxuka çxkateteetxna. Meeçxawa txãa kwet nasaa kajkwekhẽ weteçxa', jxuka ku'çxina jĩna fxi'jni'.

San Mateo 27:25

nasa jxukaysa we'weçxa': —Txã'sa' kwe'sx luuçx yã'jçxa jxuka paswa'jsatha'w jĩ'tx.

1 Tesalonicenses 2:16

Judiu ji'jmée vxite nasawa ewte neeyũukahn Dxus yuwe's pta'sx wẽje'çtewa, ũsu'çmeeta' kwe'sxtxi. Txã'wẽ yũuçxa txãawe'sx pkaltxi jweeíiçxáa nuywalana ũsta', nawa ãçxha' Dxus kastigo seena'sa yuja' txã'wẽ yũupa'ga.

San Mateo 26:24

Dxus Nçxi'k Nasa Yuusa' ma'wẽ uuwa'jsatewa Dxus librute pta'sxi'k txã'sa' kxtey yuuya'wa'. Nawa adxa's açesawe'sx kusete dukhsa' ¡seena' yuh nxuste khẽjena! Txãa piçthẽ'ja' naa kiwete wejx yuuwa upxmeewaçne' wejx ew yu' jĩte',

San Juan 19:11

Jesusa' pasku: —Dxuspa'gameewaça', idxa' kĩjxa'yuhwa ãjawa'jsameeg adxa's. Nawa iidx kusete adxa's dukhsa' idxte jxthaakwe yuuwesa'.

San Mateo 21:43

Txã'wẽ açepa'ga íiçxáath na'jĩ': Dxus jxkaahni's i'kwe'sxtxi kusa'jçxa vxite nasatx ũsni yuuna, kiwe namu's pki'pha'ga wa'lmée dukhkahn.

San Mateo 21:45

Aça' sacerdote npiiçthẽ'jwe'sx vxite' fxariseowe'sxa' jiyutx txãawe'sxtxi íiçxáa we'weçxa txã'jĩni's.

San Lucas 2:34

Aça' Simeona' bedekĩyçxa', Jesus njĩ'j Maria's pta'sxku: —Mwẽesẽ'çx, naa luuçxkuẽ' Israelwe'sxtxi wala kçxhãaçxha'jwa'jsa' nawa txã'sna jiyusamée yu' wala jxpubawa'jsata'. Mpa'yajkxwe wakx txã'sa' wala açetxna.