San Mateo 21:21 - Páez

²¹ Jesusa' na'wẽk pas: —Isath we'we': Kuh jwed yajkxmée Dxusa' pasyujuna sũhwa'jçxá's yajkxçxa', adx vxitthu txã'wẽçxáamée, na'wẽ yũuya'wa ãjane'kwe: Naa vxiç wala ayjxu u'jçxa ĩkh walate tee khẽe jĩne'kwe, aça' kxtey yuuna.

San Mateo 21:21 Referans Kwoze

Santiago 1:6

Nawa kuh jwed yajkxmée ũsyujuna sũhna yuuçxáa mpẽjxwe. Txã'wẽme', kuh jwed yaakxsa' tee jwedteçxáa ũsmée ĩkh wala's wejxaa kẽese'jni na'wẽ yuutxna.

San Mateo 17:20

Jesusa' pta'sxku: —Dxusa' pu'çxhina sũhwa'j yuuçxá's yaakxpa'gamée i'kwe ãjamée. Isath we'we', Dxusa' pu'çxhina sũhwa'ja's mostasa fxiw na'wẽ le'çxkuẽesaçxáawa ji'phwaça', naa vxiç wala's we'weni yakhçxáa fxiite ki'pxa' ãjane'kwe. Dxusa' pu'çxhina sũhwa'j yuuçxá's yajkxwaça', i'kwe'sx yakha' kĩh yuhwa thẽysameena.

1 Corintios 13:2

Dxus kĩh yũuya'watewa dxiikhẽy jiyuya' ãjawa'ja's ji'ph yu'nja, sa' kim yuhwa jiyunimeesa kĩjkĩhnawa jxuka jiisa yu'nja, sa' txã'wẽy Dxusa' pu'çxhina sũhwa'j yuuçxá's ũuste yajkxçxa vxiç walatxwa fxiite ki'pxa' ãjawa'ja's ji'phu'nja, nawa peeygãawa'j yu'sa' ji'phmée yu'nja aça' makwe txã'wẽsaçxawa kĩhte yuhwa seelpimeesa yu'nja.

San Mateo 8:12

Naapkaçxha' kxtee ũswa'jsata' jĩnisa yu', kutxi'jçxa çxhi'dx walate akhni yuutxna. Kxteea' seena' yuh pebeena ki'thtxi ksuusu'jutxna ũukhna jĩk.

San Mateo 21:20

Txãa yakh u'jusawe'sxa' txã'wẽ uyçxa', wala kuh yajkxna na'wẽtx pẽjx Jesusa's: —Fxtũu tasxa' ¿kĩh yũuçxaga txakwe wala dud uhdx? jĩte',

San Mateo 14:29

Jesusa': —Txã'wẽçxa' myuh jĩnak we'we. Aça' Pedro' barkojũ sa'jçxa, Jesus tasxte pa'j u'jya' u'jweçku yu' ĩkh kajkwesu.