San Mateo 21:11 - Páez

¹¹ pta'sxtxi na'jĩna: —Naaíi Dxus yuwe pta'sxsa Jesusa', Galilea kiwesu Nasaret çxhabtewe'sx jĩ'tx.

San Mateo 21:11 Referans Kwoze

San Juan 6:14

Txã'wẽ Jesus yuuçxáa maa yuhwa ãjanimeesa's vxitte uyçxa', nasa' na'wẽtx weçxana we'we: —Naa yuuçxá' isa Dxus yuwe pta'sxsa yuh yu'ga, naa kiwete pa'jana jĩ'tx txãaga yu' jĩna weçxaçxa', ãadxijimée jxkaahwa'jsa ki'pxa'watx yu'. Aça' Jesus jiyuçxa',

San Juan 7:40

Nasa wala kuh pkhaakhena ũsnite maaíi yu' Jesus pta'sxni's wẽse'jçxa', na'wẽtx we'we: —Naa piçthẽ'ja' isa Dxus yuwe pta'sxsa yuhna jĩ'tx.

San Lucas 7:16

Na'wẽ yũuni's nasa uyçxa', jxukaysa wala ũukhçxawa, txã'wẽytxi Dxusa's wala weçxana na'jĩ': —Dxus jxkaahni wala yuhsa kwe'sx ksxavxyte vxyaak jĩ'tx. Sa' ki' we'weçxa': —Dxusa' txajx nasatx pu'çxya' kĩjk jĩ'tx.

Hechos 7:37

Txãa Moisesíiçxáak Israelwe'sxtxi na'wẽ pta'sx: I'kwe'sx ji'j teeçxsa's kutxi'jçxa Dxusa' kaajxa'wa' txajx yuwe's pta'sxkahn, na'wẽk adxnawa kaah txã'wẽy. Aça' txã'sa' nwẽese'jwa'j ji'phi'kwe jĩk Moisesa'.

San Juan 9:17

Sa' txãa piçthẽ'ja's ki' paapẽjxtxi: —Iidx yafxa's yu'çe'jsa' ¿kimna sũju'ga? jĩte': —Txã' Dxus yuwe pta'sxsana sũju'th jĩnak pas.

San Mateo 2:23

Kxtee pa'jçxa', teeçx çxhab Nasaret yaasesatek u'p-ya' u'j. Nyafxiitey Dxus yuwe pta'sxsawe'sx we'weçxa', Jesusa' Nasareno ya'kxsusuna jĩ'tx txã'jĩni kxtey yuukahnçxáak txã'wẽ yũu.

San Juan 4:19

Txã'wẽ wẽse'jçxa', txãa u'ya' na'jĩnak pas: —Idxa' Dxus yuwe pta'sxsaíi ne'ga sũju'th.

San Juan 1:21

Txajũ' ki'kin pẽjxtxi: —Txã'wẽçxa' ¿kimga? ¿Txãniitey Dxus yuwe pta'sxsa Elias wá'ga? jĩte', Juan pasçxa': —Txã'wẽmeeth jĩk. Aça' ki'kin pẽjxtxi: —Dxus yuwe pta'sxsa' pa'jana jĩ'tx txãa wá'ga jĩte': —Txãameeth jĩnak pas.

San Marcos 6:15

vxite nasa we'weçxa': —Naa piçthẽ'ja' Dxus yuwe pta'sxsa Eliasna jĩ'tx. Naapkaçxha' vxite we'weçxa': —Txãniiteywa ma'wẽta Dxus yuwe pta'sxsa kaseje', txã'wẽysana jĩnatx ũsu'.

San Lucas 24:19

Jesusa' pẽjxku: —¿Kĩhga yuu? jĩna. Aça' txãawe'sxa' pta'sxtxi jxuka: —Jesus Nasarethũwe'sxa's seena' nxusnxus vxitçxa ikhni'stha'w ji'phu. Txã' Dxus yuwe pta'sxsa kĩjkĩh yũuya'wa ãjãsak yu', sa' Dxus dxi'pte vxite' nasaa ksxavxytewa txã'wẽk ewçxáa yũuna fxi'zesa yu'.

San Juan 1:25

sa' ki'kin paapẽjxtxi: —Txã'wẽ Kristomeeth, sa' Eliaswa meeth, sa' Dxus yuwe pta'sxsa pa'jana jĩ'tx txãameeth jĩ'g sa' ¿kĩjxa'çxáaga nasatx yu'te bautisaĩ'? jĩte',

San Lucas 13:33

Adxa' nee u'juwa'j en ji'phíiçxáath tekh en ãhpkaçx, txãa pa'gatey Dxus yuwe pta'sxsa' Jerusalen ekaju yu' uuwa'j ji'phme'.

San Lucas 7:39

Txã'wẽ yũuni's fxariseo Jesusa's pi'kxsathẽ'j uyçxa', na'wẽk yajkx: Naa piçthẽ'j isa Dxus yuwe's pta'sxsa dxihwaça', jiyuna naa u'ya' pkalsa ewmeesaçxa txã'wẽ çxidatx pkhi'kxna aceite awna u'ptewa sũjũ'k.

San Mateo 21:10

Txajũ' Jesusa' Jerusalente u'kate', kxtee nasa jxukaysa seena' wala sustxi na'jĩna paapẽjxna: —Na' ¿kimna? jĩte',

San Mateo 21:26

Aça' naa kiwega nasa jxkaahnine' yu' jĩya'wa ãjame'nja'w. Txã'wẽme', nasa jxukaysa Juan ju'guçxaçxáatx we'we', Dxus jxkaahnine' yu' jĩna txãatxtha'w ũukhu' jĩnatx puutx we'we.

San Mateo 21:46

Sa' tud wẽeçxawa ũukhtxi, txã'wẽ nasa' Jesus ju'guçxaçxáatx ũs yu', Dxus yuwe pta'sxsa' jĩna txãa pa'ga.