San Mateo 20:34 - Páez

³⁴ Jesusa' peeygãhçxa txãawe'sx yafxsu jxa'dxiçpkaçxha', txãa dudtey uyya' ãjaçxa Jesus yakh u'jtx.

San Mateo 20:34 Referans Kwoze

Hechos 26:18

Txãawe'sx tasxsu kajaçthu, aça' idxa' txãawe'sx yafxtxi phaadene'ga, peena yu' çxhi'dxte fxi'zemée eena'sa's uykahn, sa' eçxthẽ'j kusete fxi'zemée Dxus yakh fxi'zekahn. Adxa's jxpa'gasa' txãawe'sx pkaltxi peltunãyni neeyũuçxa cielute ũswa'ja's jxpa'gatxna Dxus txhitxhnisawe'sx yakh ja'daçxah jĩk adxa's.

1 Pedro 3:8

Jxukaysa i'kwe'sxa' ewçxáa yũuna mfxi'zewe, vxitesatxwa teeçxsa na'wẽçxah peeygãhna. Weeçx yajkxmée zhiçxkwe puutx we'wena yakhthẽ'j pwe'sx na'wẽ mfxi'zewe.

San Lucas 22:51

Aça' Jesusa' we'wek: —Kxtee pa'j yu' yũunu jĩçxa', txãa thũ'wẽ spẽ'thnite jxa'dxçxa', ki' kaywẽtu'kh.

San Lucas 7:13

Aça' Jesus uyçxa', txãa vxiuda's peeygãhçxa kvxiisxa'jna: —Ũ'nenuçx jĩnak we'we.

San Marcos 7:33

Aça' Jesusa' txãa ãçã'sa's nasameete fxii pe'jna u'jçxa, thũ'wẽ kafxte pdxi'p jxa'dxna'wa, txajx fxne'sxa's kuse vxiçte kuuçhe'jna', thunetewa jxa'dxku.

San Mateo 15:32

Txajũ' Jesusa' txãa yakh u'jusawe'sxtxi pa'yaçxa na'wẽk we'we: —Naa nasa' ayte adx yakh tekh en yã'j ũsta', sa' kĩh yuhwa ũ'wa'j ji'phmeeta', txãa pa'gath peeygãja', sa' puuçmée yu' kaahme'nja. Txã'wẽme' dxi'the u'jya' çxhãçxhameetxna jĩte',

San Mateo 14:14

Aça' Jesusa' barkoju kasejeççxa' uyku nasa wala kuh ũste, sa' txãawe'sxtxi peeygãhçxa nuykatxhik ãça'satx pe'jçxa nuypa'jnisatxi'.

San Mateo 9:29

Aça' Jesusa' txãawe'sx yafxte jxa'dxku na'jĩna: —I'kwe'sx jxthãasni' kxtey yuuna jĩçpkaçxha',

San Mateo 8:15

Aça' kusete jxa'dxku, naapkaçxha' kakweseka' ũçxhak. Txajũ' txãa u'ya' kiiteçxa selpiiya' kasejk.

San Lucas 18:43

txãa dudtey uyya' ãjãk, sa' Dxusna wala weçxana Jesus e'stey u'kh. Txã'wẽ uyya' ãjãte nasa uyçxa', txãawe'sxwa txã'wẽytxi Dxusa's wala weçxa.

San Mateo 9:36

Sa' Jesusa' txãa nasatx thegçxa', txãawe'sxtxi peeygãjk txã'wẽ nxusna çxhãçxhameekuẽ piisxáa namu ji'phmeesa na'wẽ ũspa'ga.

Hebreos 2:17

Txã'wẽ nasatx pu'çxya' ãjaya'k kwe'sx na'wẽsa yuu kĩhtewa jxuka. Txãasak nyakh na'wẽ yuuna pa'jçxa kwe'sxtxi peeygãawa'ja's ji'phuçxa pkalsawe'sx pa'gate Dxus tasxte we'wewa'jsa yuu. Sa' nasaa pkaltxi jxuka peltunãyya'k pxthaa yuuçxa uuwa'j ji'phuna ũsu'.

San Mateo 20:33

txãawe'sx pasçxa': —Kwe'sx yafxtxitha'w phaade jxthãasu' jĩte',

San Mateo 21:1

Jerusalente utxaana pa'jaççxa', Betfxagé çxhabkuẽte khuẽ'y pa'jtx. Txãa çxhabkuẽ' Oliwos vxiç utxagak ũsu'. Txajũ' Jesusa' txãa yakh u'jusawe'sx e'zsatx na'jĩnak kaah: