San Mateo 20:2 - Páez

² Sa' mjĩiwa'jsa yakh puutx we'wek teen mjĩini's ãh dukhya'. Txã'wẽ yũuçxa mjĩi ehn kaakh.

San Mateo 20:2 Referans Kwoze

Apocalipsis 6:6

Sa' wẽse'th Dxus vxitni ĩtxĩsa ksxavxyu teeçx na'jĩna we'weni's: —E'z libra skuutxhçxáana teen mjĩinite ãhpa'ga txweywa'j yuuna, sa' seis libra cebada'swa txakwey pa'gate txweywa'j yuuna. Nawa aceite vxino txã'wẽsa yuutxi'sa' ivxiitupu'n jĩ'k.

2 Timoteo 3:15

Le'çxkuẽjũjx Dxus yuwe's jiyug txã' Kristo Jesus yakh fxi'zeçxa ewte pa'jwa'ja's kaajiyu'juna.

San Lucas 10:35

Kuskuus enkhẽ', txãa Samariatewe'sxa' u'jweççxa', e'z vxyu kutxi'jçxa, yat namu's dewek. Sa' na'wẽk neewe'we: Naa piçthẽ'j kpã'vxitnisa's meen sã'jĩ. Meeçxa' vxyu nvxiituçthu txãa ãhmeewáana nawa ki' sxawedna pa'jçxa, dukhe'nja txãa yuuluni's jĩk.

San Lucas 1:15

txãa pa'gatey txãa luuçxa' Dxus dxi'pte walasa yuuwa'jsa'. Txãasa kĩhwa ktũ'ju'jwa'jsa yu'sa' tudxmeena, naasáa Dxus Espiritu yuuçxáana ũuste jxuka ji'phuna njĩ'j tutxhu yuu kasehmey.

San Mateo 22:19

Dukhwa'j vxyu's mneejxũhwe jĩte', teeçx vxyu's jxũna kũhtx.

San Mateo 20:13

mjĩi namu' na'jĩnak pas: Namiku, idx yakh ewmée yũuçmeeth. Adxa' teen uta mjĩini's ãh dukhe'nja jĩna idx yakh puutx we'wete', ewna ¿jĩmeegá'?

San Mateo 18:28

Nawa txãa peltunãynisa' kasehna u'jçxa', vxite selpisáa txã'sna walameekuẽ yuulsa'sku uy, sa' txhikhte uweçxa ikheçku yu': Adxna yuulgu txã'sna mdukh jĩna.

San Mateo 9:37

Sa' txãa yakh u'jusawe'sxtxi na'wẽk we'we: —Isath we'we', mjĩia' seena' wala', nawa mjĩisa yu' kuh meeta'.

San Mateo 20:1

Dxus jxkaahni ente mjĩisa' na'wẽ yũuni yuutxna: Teeçx mjĩi namu' kusíi kasehçxa mjĩisa pakweya' u'kh, uuthasxte uwa udewa'jsa.

San Mateo 20:3

Sa' kusíi las nwewe yuuçpkaçxha', ki' kasejk, sa' vxite kĩh mjĩiwa ji'phmée plaasasu u'jusatx uyçxa',

San Marcos 12:15

Jesusa' txãawe'sx ũuste ewmée yajkxçxa txã'wẽ pẽyni's jiyuçxa', na'wẽk pas: —¿Kĩjxa'kwe adxa's ewmeete nvxiit wẽeçxa txã'wẽ pẽyí'? Vxyu's mneejxũhwe wakx, thegya'wath jĩte',

San Lucas 20:24

txãawe'sxtxi' teeçx vxyu musx pẽjxku. Sa': —Naa vxyu' ¿kiim dxi'pa's ji'phna, sa' kiim yase's fxi'jnina? jĩte', txãawe'sx pasçxa': —Cesar dxi'pa's ji'pha' sa' txajx yase's fxi'jni' jĩtx.

San Mateo 20:9

kxtey yuuk. Aça' kusuçte las cinkote mjĩiya' pa'jsa khuẽ'y utxaaçxa teeçxsa na'wẽçxah jxpa'gatx teen uta mjĩinite ãhçxaçxáa.