San Mateo 19:28 - Páez

²⁸ Jesusa' na'jĩnak pta'sx: —Isath we'we', naa kiwete pkalsa's jxuka yu'pthehçxa ewsaçxaçxáa yuuwa'j en ãhte', Dxus Nçxi'k Nasa Yuusá' pa'jçxa jxkaajxa' takheçpkaçxha', adx yakh yuusáa i'kwe'sx docesawa adx yakh jxkaahsa yuune'kwe Israel ji'j docesatx.

San Mateo 19:28 Referans Kwoze

San Mateo 25:31

Dxus Nçxi'k Nasa Yuusa' jxkaahsa yuuçxa angeleswe'sx ksxavxyte kĩhçxa txajx jxkaahwa'the kaçxhiina.

Apocalipsis 20:4

Txajũ' jxkaahna ũsnisatxthu uy, aça' kxsũ yu' kastigãyya' ãjãwa'jsatx kaçxçxa u'pu'. Vxite' Jesus kaapiya'jni's nwẽese'jçxa Dxus yuwe's pta'sxna fxi'zepa'ga dxikthe's spẽ'thçxa ikhni yuutx txãawe'sxtxiwa uythu. Txãawe'sxa' eçx seena' kazxsa vxite' txãa eçx na'wẽysa piisani yuuk txã'sna neewe'wesameetx yu', sa' txãa eçx iisawa'jni's dxikthesu meeçxawa kusesuçxáa yuhwa kaaki'pu'jsameetx yu'. Txãawe'sxa' ki' ĩtxĩ yuuçxa mil anxutx jxkaahna ũsu' Kristo yakh ja'daçxah.

Apocalipsis 7:4

Txajũ' wẽse'th Israelita ji'jwe'sx iisawa'jnisa jxuka yu' ciento kuarenta y kuatro miltxi yu'.

2 Pedro 3:13

Naapkaçxha' kwe'sxa' cielu u'sesa kiwewa u'sesa'stha'w ũythasu', Dxusa' txã'wẽsa's ũsya' neeyũuk txã'sna. Kxteea' kĩhwa jxuka ewsaçxáa ũs yuuna.

San Mateo 16:27

Jxpa'yakxmeete', Dxus Nçxi'k Nasa Yuusa' ki' kĩijana Ney eena' kweethni pxãhte txajx angeleswe'sx yakh, aça' ma'wẽçxah yũusaaçxawa teeçxsa na'wẽçxah jxpa'gatxna.

Apocalipsis 21:5

Txajũ' jxkaahnite kaçxçxa u'psa' na'jĩ'k: —Mtheg, kĩhtxwa jxuka yu'pthehçxa u'seçxaçxáath vxit jxuka jĩçxa', ki' na'wẽk we'we: —Na'wẽ we'wenisatxi' mfxi'j, txãa pa'gatey txã' isa kxtey yuuwa'jsata' jĩçxa',

Apocalipsis 4:4

Txãa jxkaahna ũsni pukasu yu' vxite jxkaahna ũsni weintikuatro ãhtx ũsu', aça' kxsũ yu' Dxus luuçxtxi jxkaahsa weintikuatrosatx u'pu', ropa çxihme athçxa dxikthesu yu' vxyuu bee korona ji'phsa.

Apocalipsis 3:21

Ewmeesa yu'sa' nwẽese'jmée kĩhtewa jxuka knaysawe'sxtxi's adx jxkaahna ũsnite ih ũswa'jsa vxitu'nja, adxwa ma'wẽtka ewmeesa's nwẽese'jmée jxuka knayçxa adx Tata jxkaahna ũsni pukate kaçx txã'wẽy.

2 Timoteo 2:12

Makwe nxuste fxi'zewa'ja's ji'phuçxawa, cielute txãa yakh jxkaahwa'j yu'sa' ivxiitume'nja'w. Txã'wẽ yũumée wa'luwá'nja'w aça' txãawa kwe'sxtxi' jxpa'gameena.

Hechos 3:21

Ãçxhíi yu' Jesukristo' cieluteçxáa ũswa'jsa', Dxus naa kiwete kĩhnawa jxuka pheu'phkaçx. Nyafx entey Dxus yuwe pta'sxsawe'sx txã'wẽtx Kristo' naa kiwete jxkaajxa' kĩiwa'jsa' jĩna pta'sx naa pa'ga txã' kxtey yuuna.

San Mateo 20:21

Aça' Jesusa': —¿Kĩjkwe yũu jxthãasu'? jĩte', Jakobowe'sx njĩ'ja' na'wẽk we'we: —Idxa' naa kiwete jxkaajxa' kĩhçxa', ũ'kwe luuçx naa e'zsatx iidx pukakhẽ pdxi'p kaçxwa'ja's ũsune'ga jĩte', Jesus we'weçxa':

Apocalipsis 22:2

Çxhabte klxiikhun walasa pxãhte vxite' yu'wala pukate puutx pdxi'p fxtũutasx buçxaçxa walaana kãhtx, bagaçxte yuhwa uumée kaafxi'ze'jwa'jsa. Sa' txãa fxtũutasxa' a'te iisak yũnna nes yu', txãasak anxute' doce weces yũnu', naapkaçxha' eç yu' yu'çek selpi' maa kiwejũ nasatxwa jxuka.

Apocalipsis 12:1

Txajũ' ẽe walaju na'wẽk seena'sa vxyaa: teeçx u'y txajx kakwete yu' sekçxaçxáa ji'phsa a'tete yujuçxak ũsu', sa' dxikthete yu' teeçx korona doce estrelxa ji'phsa'sku ji'phu'.

San Mateo 6:33

Txãa pa'ga i'kwe'sxa' Dxus yakh fxi'zewa'ja's khuẽ'y wejx thaakwe mpa'pçxuwe, txajũyã'ja' kĩhwa thẽymée vxyaana.

San Mateo 8:20

Jesus pasçxa': —Yu'kh niimal yuhwa deewa'j kafx ji'phta', txã'wẽy vxiçxakwewa yat ji'phta'. Nawa Dxus Nçxi'k Nasa Yuusa' mtee yuhwa txajx dxiktheçxáa yuja'swa khikhwa'j ji'phme'.

San Mateo 19:27

Txã'jĩte', Pedro' na'wẽk pẽjx: —Kwe'sxa' idx yakh yujxa' kwe'sx ji'phuni's jxuka nvxihttha'w, sa' ¿kĩh jxpa'gakxtha'w? jĩte',

San Marcos 10:37

Aça' txãawe'sx e'zsa' na'wẽtx pẽjx: —Idxa' naa kiwete jxkaajxa' kĩhçxa', kwe'sx e'zsatx iidx pukakhẽ pdxi'p kaçxwa'ja's ũsune'ga jĩnatx pẽjx.

Apocalipsis 11:16

Txajũ' Dxus luuçxtxi jxkaahsa weintikuatrosawe'sx Dxus jxkaahna ũsnite ũssa' kiwete kĩiçhuçxa Dxusa's neewe'wetx na'jĩna:

Apocalipsis 22:5

Kxteea' çxhi'dxwa'j enmée yuuna, aça' kxtee fxi'zesa' pki'tawa'jwa peejimeetxna, sa' sek kweethniwa peejimeena, txãa pa'gatey eena' kweethsa' Dxusíiçxá'. Aça' kxtee ũssa' bagaçxtewa weçxana nes yuutxna.