San Mateo 19:21 - Páez

²¹ Jesus pasçxa': —Dxus jxkaahnitxi' jxuka kxtey nwẽese'jsa yuu wẽeçxa', u'jçxa iidx ji'phunitxi' jxuka txweyçxa ji'phmeekuẽsatx mes. Sa' txã'wẽ yũuçxa' cielute ji'phsa yuune'ga. Txã'wẽ yũuçxa adx yakh myuh jĩte',

San Mateo 19:21 Referans Kwoze

San Marcos 10:21

Jesusa' txãa piçtakxa's peeygãhna thegçxa' na'jĩk: —Na'wẽ yũuwa'jçxáa peejxa': Iidx ji'phuni's jxuka txweyçxa, puuple ji'phmeesatx peesya' me'j. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh, makwe seena' nxussa pa'thewa txãatxi' yajkxmée jĩte',

San Lucas 18:22

Aça' Jesus wẽsẽ'jçxa' na'wẽk jxkaah: —Txã'wẽtewa, nee peeji'. Iidx ji'phuni's jxuka txweyçxa, puuplesatx peesune'ga. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh jĩte',

San Lucas 12:33

Ji'phunisa's txweyçxa jxpeejxsatx mpeeswe. Vxyu jxaawni suwewa'jmeesa mvxitwe. I'kwe'sx ji'phuni cielutewe'sxa' pçumeena, kxteea' kĩh peswée yuhwa u'kameena, sa' çxikaçxáa yuhwa suwmeena.

San Lucas 14:33

Aça' txã'wẽy i'kwe'sxwa dxiikhẽy jxuka ũus yajkxçxa i'kwe'sx ji'phuni's nvxihtmeeçxa yu', adx yakh fxi'zeya' ãjãmeene'kwe.

Hechos 2:45

Sa' txãawe'sx ji'phuni's txweyçxa vxyu's kxteeçxah pkhakhçxatx peejiina fxi'zesatx peesu' txãawe'sx peejini's pu'çxna.

San Juan 12:26

Maawa adxa's selpíi wẽeçxa', adx yakh yuweena, sa' adx mtee ũste' txãawa kxtey ũsya' ãjana adxna selpiisa'. Aça' maawa adxna selpisaatxi's adx Tata' tuuthe'jena.

San Lucas 9:23

Txajũ' jxukaysatx na'jĩk: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe pxthaa yuuwa'j seena'sa een isa ma'k pa'jnawa txã'sa' ũukhmée.

San Juan 10:27

Adx piisxaatx jiith, aça' txãawe'sxa' adx pa'yani'swa wa'lmée nwẽese'je'tx, sa' adx yakh u'jwe'tx.

San Mateo 5:48

I'kwe'sx Tata cielute ũssa' maa yakhwa jxuka ewsa' naa pa'ga i'kwe'sxwa txã'wẽy mfxi'zewe.

San Lucas 16:9

Aça' adxa' i'kwe'sxtxi' yu'kxpeje'th txã'wẽy yũukahn, naa kiwete ji'phuni's psuwmée jxpa'yakx mkseelpi'jwe namiku vxitna. Kxah naa kiwete ji'phunisa pçuutewa, vxite kiwe pçuwa'jmeete i'kwe'sxtxi jxpa'gawa'jsa ji'phune'kwe.

San Mateo 19:28

Jesusa' na'jĩnak pta'sx: —Isath we'we', naa kiwete pkalsa's jxuka yu'pthehçxa ewsaçxaçxáa yuuwa'j en ãhte', Dxus Nçxi'k Nasa Yuusá' pa'jçxa jxkaajxa' takheçpkaçxha', adx yakh yuusáa i'kwe'sx docesawa adx yakh jxkaahsa yuune'kwe Israel ji'j docesatx.

San Mateo 16:24

Txajũ' Jesusa' txãa yakh u'jusawe'sxtxi ki' we'wek: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjane'kwe, makwe pxthaa yuuwa'j seena'sa ma'k yuu nawa txã'sa' ũukhmée.

San Lucas 6:40

Piyasá' kaapiya'jsate jxthaakwesame'. Nawa maawa jxuka piyan jxã'jçxa yuuçxáa, kaapiya'jsa na'wẽy yuuna.

San Lucas 5:27

Txãa skhẽwa', Jesusa' kasehçxa', gobierno jĩi vxyu pkhakhsa Levxi yaasesa's vxyu pkhakhnite kaçxçxa u'pte uyçxa': —Adx yakh myuh jĩte',

San Marcos 8:34

Jesusa' txãa yakh yuusawe'sxtxi pa'yaçxa na'jĩk: —Maa nasawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe thẽysa uuwa'j ma'k pa'j nawa txã'sa' yajkxmée.

San Mateo 9:9

Jesusa' txajũ u'jçxa', teeçx piçthẽ'j Mateo yaasesa txã'wẽ gobierno jĩi vxyu pkhakhna u'pte uyçxa', na'wẽk we'we: —Adx yakh myuh jĩna. Aça' Mateo' kiiteçxa Jesus yakh u'kh.

Hebreos 10:34

I'kwe'sxa' karcelte ũssawe'sx pa'gate peeygãawa'ja's ji'phui'kwe, sa' i'kwe'sx ji'phunitx kusa'jaçte', ũusaçxamée weçxanai'kwe neeyũu. Cielute bagaçxteçxáa yuhwa pçuwa'jsamée thaakwe ewsa's jiiçxai'kwe txã'wẽ yũu.

San Marcos 2:14

Txãajũ ki' u'jçxa', Alfxeo nçxi'k Levxia'sku uy, gobierno jĩi vxyu pkhakhna u'pte. Sa': —Adx yakh myuh jĩna pa'yaçpkaçxha', Levxia' kiitena' Jesus yakh u'kh.

San Mateo 8:22

Jesus pasçxa': —Uusaawe'sxa' peekx uusáa pwe'sx ya'pedaatxna. Aça' idxa' adx yakh txutemée myuh jĩk.

San Mateo 4:19

Aça' Jesusa' na'jĩk: —Adx yakh myuhwe, aça' Dxus jĩi nasaa pkhakhwa'jsa vxitu'nja i'kwe'sxtxi'.

San Mateo 19:20

piçtakx pasçxa': —Txãatxi' le'çxkuẽjũjx kxtey yuunath waláa, aça' ¿kĩh wejx peejxna? jĩte',

San Mateo 19:22

txãa piçtakxa' txã'wẽ wẽse'jçxa' nxusnak u'j, wala ji'phsa yu'k txãa pa'ga.