San Mateo 18:35 - Páez

³⁵ Txã'jĩçxa', Jesusa' na'wẽk pta'sx: —Teeçxsa na'wẽçxah ũusuh jxuka peltunaĩmeewá'kwe i'kwe'sx yakhthẽ'jwe'sxtxi, aça' adx Tata cielute ũssawa txã'wẽy kastigaĩna i'kwe'sxtxi' jĩk.

San Mateo 18:35 Referans Kwoze

Santiago 2:13

Vxitetx peeygãhmée fxi'zesatxi' txã'wẽy Dxuswa txãawe'sxtxi' peeygãhmée kastigaĩna. Nawa vxitetx peeygãhna fxi'zesatxi' Dxuswa peeygãhçxa kastigaĩmeena.

San Marcos 11:25

Sa' Dxus yakh puutx we'wena ũsíi yaakiwá'kwe vxitesa yakh ãhmée yũuni's. Sa' txã'wẽ yajkxçxa', txãa yakh peltunãyya' u'jwene'kwe, kxah i'kwe'sx Tata cielutewe'sxwa i'kwe'sx pkaltxi peltunaĩna.

San Mateo 6:12

Kwe'sx ewmée yũuni's meen peltunaĩ, kwe'sxwa ma'wẽtka'w peltunãy kwe'sxtxi ewmée yũusatx txã'wẽy.

San Lucas 16:15

Aça' Jesusa' na'jĩk fxariseowe'sxtxi': —I'kwe'sxa' naa kiwete nasaa dxi'pte yu' wala ewsa na'wẽ fxi'ze'i'kwe. Nawa Dxusa' i'kwe'sx ũus yaakxnitxi' jxuka jiia'. Naa kiwete nasaçxáa i'kwe'sxtxi' ewsata' jĩte', Dxus yu' txã'jĩmeena.

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

Santiago 3:14

Nawa i'kwe'sx ũuste ewmée yajkxçxa pui'nja sũhna yaakxsa' txã'wẽ wala jiith sũhna iiwejçx yaakxwa'j ji'phme'. Txã'wẽ yaakxsa' kĩhte yuhwa jiimeesa ĩsxiisa yuuna.

Santiago 4:8

Dxus tasxte mutxaawe, aça' txãawa i'kwe'sx yakh utxaana. Pkalsawe'sx, ewmée yũuni kusetx miiyaatewe. Txã'wẽy Dxusa'sçxáa yajkxmée e'z jwed yaakxsa i'kwe'sx ũusa's miiyaatewe.

San Mateo 18:34

txãa patrona' wala ũusaçxaçxa, kastigãykaakh yuula's jxuka dukhpkaçx.

San Marcos 11:26

Nawa i'kwe'sx txã'wẽ vxitesa yakh ãhmée yũuni's peltunaĩmeete', i'kwe'sx Tata cielutewe'sxwa i'kwe'sx pkaltxi' peltunaĩmeena jĩk.