San Mateo 16:6 - Páez

⁶ Kxtee pa'jçxa', Jesusa' na'wẽk we'we: —Mpa'yajkxwe, fxariseo vxite' saduceowe'sx lewadura ewmeesa's jĩte',

San Mateo 16:6 Referans Kwoze

San Lucas 12:1

Txajũ' nasa iiméh seena' wala pkhaakheçxa jxuka utate', Jesusa' txãa yakh u'jusawe'sx khuẽ'ytxi na'wẽk we'we: —Fxariseowe'sx ewmée yũuna fxi'zeni's mpa'yajkxwe. Txã'wẽme' txãawe'sxa' ãajuçxáa ew we'weçxa', ũus dxiite yu', ewmeeçxáatx yaaki'.

Gálatas 5:9

Txãa pa'ga mpa'yajkxwe. Txã'wẽme', lewadura' le'çxkuẽeçxawa jxukak pẽetheje' skuutxh ũ'we makwetewa.

San Marcos 8:15

Txajũ' Jesusa' na'wẽk jxpa'yakx kaah: —Mpa'yajkxwe, Herodes vxite' fxariseowe'sx lewadura ewmeesa's jĩte',

San Mateo 16:12

Txajũ' jiyutx Jesusa' txã'wẽ pante ka'dnisa lewadura's we'wemée, fxariseo vxite' saduceowe'sx kaapiya'jni's we'weçxa txã'jĩni's.

San Lucas 12:15

na'wẽk we'we: —Mpa'yajkxwe, naa kiwete ji'phuniçxá's yaakxnisa's. Txã'wẽme' naa kiwete kĩjkĩhwa ji'phuçxaçxáa txã'wẽ ĩtxĩ ya'fxi'ze'çme'.

San Mateo 3:7

Nawa fxariseowe'sx vxite' saduceowe'sx txã'wẽ thegya' yuhte uyçxa', Juana' na'jĩ'k: —I'kwe'sxa' ul weesweesa ji'ji'kwe txãa pa'ga kastigo seena'sa yuja', aça' txajũ iyuwa'ja's ¿kimga pta'sx?

San Mateo 16:1

Fxariseowe'sx vxite' saduceowe'sxwa pa'jçxa', Jesus ewmée yũutewa kpajkxya' sũhçxa pẽjxtxi: —Cieluju kĩhçxáawa mkaavxya'ja'j jĩna.

San Mateo 16:5

Jesus yakh u'jusawe'sxa' ĩkhwala kuten u'jweççxawa, peçxkanaçxa pan yu' jxũmeeta u'j.

San Mateo 16:7

txãawe'sxa' na'wẽtx puutx paapẽyi': —Pan jxũmeetha'w aça' kxahne' txã'wẽ we'we' jĩ'tx.

San Mateo 16:11

I'kwe'sxa' jiyumeewá'kwe adxa' pana's we'weçxa txã'wẽ mpa'yajkxwe fxariseo vxite' saduceowe'sx lewadura ewmeesa's jĩ'çmeeth.

San Juan 4:33

Txã'jĩte', puutx paapẽyi'tx txãawe'sx pwe'sx: —Meeçxa' ¿maa nasa puuçya' kũhwá'ntakx? jĩna.