San Mateo 16:18 - Páez

¹⁸ Idxa' Pedro yaaseg aça' idxwa ma'wẽga adxa's ew jiyu txã'wẽy maawa ew jiyuwa'ja's idx yakh nvxiitu'nja. Aça' txã'wẽ ew jiyunijũ' eçxthẽ'j yuhwa knaymeena Dxus luuçxtxi'.

San Mateo 16:18 Referans Kwoze

Colosenses 1:18

Sa' Kristo's jxpa'gaçxa txãa yakh fxi'zesa maazkuẽesatxwa jxuka Kristo íiçxáa jxkaahsa'. Txãak nyafxtewe'sx yu', sa' txãa íiçxáak uuçxawa nyafxte ki' ĩtxi yuu, txãaçxaçxáa bagaçxtewa jxkaahwa'jsa.

San Juan 1:42

Txajũ' Adresa' txajx nyakh Simona's pe'jna kũjk Jesus ũsnite. Aça' Jesus uyçxa' na'jĩk: —Idxa' Jonas nçxi'k Simon yaaseg, nawa ãçxha' Cefxas yaseni neeyũune'ga. Cefxas yu', Pedro jĩni'.

Hebreos 12:28

Nawa Dxus tasxte kwe'sx ũswa'j yu' kẽese'jnimée yuuna. Txãa pa'ga Dxusa's weçxana neewe'wega, txajx dxi'pte ew yuuçxáa yũuna.

Hechos 2:47

sa' Dxusnawa txã'wẽy weçxana. Txã'wẽ yũute', nasa' txãawe'sxtxi' wala ew we'we'tx. Aça' Dxusa' een isak txajx luuçxtxi' nuypehnana u'jwe' ewte neeyũuwa'jsatx.

1 Timoteo 3:15

kxah Dxus yakh fxi'zesa yakh ew fxi'zeya' ma'wẽ yũuwa'ja'swa jiyune'ga. Txãawe'sxa' Dxus ĩtxisa luuçxta', txãasatx isa ewsa's nvxihtmée txãate yuuçxáa fxi'ze'.

Efesios 5:32

Ptamuuçxa fxi'zenisa' Kristo txajx nwe'wenisa kxteeçxah utxaaçxa teeçxçxáa yuuna pa'jwa'ja's kaajiyu'jnisa', aça' txã'wẽ teeçxçxáa yuuna pa'jwa'ja's kim yuhwa jiimeetx yu' txã'snath pta'sxi'.

Efesios 3:10

Dxusa' ma'wẽ yũuçxa nasa ma'wẽsatxwa jxuka nwe'weçxa kxteeçxah teeçxçxáa vxitna pa'jni's kaajiyu'jnik yuu, aça' Dxus txã'wẽ yũuni's ãçxha' Dxus yakh fxi'zesawe'sxa', ẽe walatewe'sx, angeles ma'wẽsawa jxuka jiyutxna.

Apocalipsis 21:14

Txãa çxhab peeku'j doce kwet ki'pçxa txãa kajkwesuk kwet uphni yu' txãa iisa doce yasetx fxi'jni yu', na'wẽ Piisxakuẽ jĩnisa jxkaahnisa docesawe'sx yasetx.

Hechos 8:1

Estebana's ikheçte', Saulo' weçxanak ũsu'. Isa txãn entetx iiméh seena' ahçeya' takh Dxus yakh fxi'zesa Jerusalentewe'sxtxi. Txã'wẽ yũute', jxukaysa pũsxitx Judea kiwesu vxite' Samariasu, naasáa Jesus jxkaahnisawe'sxçxáatx neeyũu Jerusalente.

1 Timoteo 3:5

Txã'wẽ peekx yattewe'sx yuhtxwa ew jxpe'jya' ãjameeçxa', ¿ma'wẽ Dxus luuçx yuutxi' jxpe'jya' ãjakx?

Gálatas 2:9

Txajíiçxáatx Jakobo, Pedro vxite' Juan txãawe'sxa' walasata' jĩnisaçxawa, kwe'sxtxi'sa' ma'jĩmée Dxus ne' txã'wẽ i'kwe'sxtxi's mjĩiwa'jsa nvxiht jĩçxa weçxana kuse ũstxi adxna vxite' Bernabewe'sxtxi na'jĩna: I'kwe'sxa' judiu ji'jmée vxite nasa yakh mjĩine'kwe, naapkaçxha' kwe'sxa' judiu ji'j yakhçxáa mjĩ'nja'w jĩçxatx txã'wẽ kuse ũs.

San Mateo 18:17

Txãa e'z testigo dxi'pte nwẽese'jmeete', dxuus yatte jxkaahsawe'sxtxi mpeeta'sx. Aça' txãawe'sxtxiwa nwẽese'jmeeçxa', yakhthẽ'j na'wẽmée Dxusna jiimeesa na'wẽçxáa nvxiitni yuuna.

San Mateo 11:23

Aça' Kapernaum çxhabte nasa i'kwe'sx yu' cielute u'kawa'jsa yuhne'tka'w ¿sũju'kwe'? Txã'wẽmée wejx infxiernoteçxáa u'jwa'jsa i'kwe. Txã'wẽ Sodoma çxhabte kim yuhwa ãjanimeesa's kaavxya'ja'jwaça', txãa çxhaba' ãçxpkaçx ũs yuuna.

San Mateo 10:2

Txãa docesawe'sxa' na'wẽtx yaase yu': Nyafxtewe'sxa' Simonku yu', txã'sa' Pedro jĩ'tx. Vxite' txajx nyakh Adres. Vxite' Zebedeo nçxi'ktxi yu', Jakobo Juan pxakhsa.

Apocalipsis 11:15

Txajũ' Dxus angel sietetewe'sxwa txajx trompeta's tujkak, aça' seena' sus we'wenisa pthũuse'tx cielujũ na'jĩna: Naa kiwete jxkaahna ũsnisa' jxuka kwe'sx Tata vxite' txajx Txhitxhnisa Kristo txãawe'sx jĩiçxaçxáatx yuuna pa'j. Aça' ãçxha' txãaçxaçxáa jxkaajana bagaçxtewa jĩnatx we'we.

1 Corintios 15:55

Uuwa'ja' bagaçxte yuhwa mee yuukahn jxuka ivxiitute', ¿ma'wẽ uuwa'j en pa'ja'kx uuwa'ja's ji'phuwa'jsamée yã'jsa's?

San Mateo 4:18

Jesusa' Galilea ĩkh pukasu u'jweççxa', e'z pxakhtxi uyku, Adres vxite nyakha's Simon Pedro jĩ'tx txãawe'sxtxi. Txãawe'sxa' wedx uwesaatx yu', txãasatx wedx ukhe's ĩkhte akhna ũsu'.

San Mateo 7:24

Maawa adx jxkaahni's wẽse'jçxa kxtey yuusa', yat txajxa' jiisa na'wẽsa yuuna: Txãa yata's kwette kaaçxida'jçxa txahte',

Hechos 20:28

Aça' ãçxha' peekíi ya'mpa'yajkxwe, txã'wẽy Jesukristo ee pkawçxa weynisa Dxus luuçxtxiwa ew jxpe'jna, Dxus Espiritu' i'kwe'sxtxik thegwa'jsa nvxiht naa pa'ga.