San Mateo 13:3 - Páez

³ Txajũk wala kaapiya'j ejemplo kaaja'da'jçxa na'jĩna: —Skuutxh uuhsa' ujxa' kasejk.

San Mateo 13:3 Referans Kwoze

San Marcos 4:13

Txajũ' na'wẽk ãate kaajiyu'j: —I'kwe'sxa' naa ejemplo's jiyu'çmeewá'kwe. Txã'wẽçxa' ¿ma'wẽ vxite ejemplotxwa jiyuki'kwe?

San Marcos 4:33

Jesusa' Dxus yuwe's txã'wẽk pta'sxi' wala kuh ejemplo kutxi'jna, jiyuwa'jsa' jiyuya' ãjãkahn.

San Mateo 13:53

Naa ejemplotx Jesusa' pta'sxna jxã'jçxa', txajũ u'kh txajx kiwen.

San Marcos 12:12

Txajũ' Dxus leya's kaapiya'jsawe'sx vxite' sacerdote npiiçthẽ'jwe'sxa' txãa ejemplo' txãawe'sxtxi we'wenitewa jiyuçxa', Jesusa's uweçxa tud wẽetx. Nawa nasatx ũukhçxa tudmée u'jtx.

San Juan 16:25

Ejemplo yakhçxáath kaaja'da'jna pta'sx i'kwe'sx jiyukahn. Nawa ãate pta'sxwa'j en ãhte', peena yu' ejemplo yakh kaaja'da'jna pta'sxme'nja, wejxwa teehwed ãateçxaçxáa pta'sxi'nja adx Tata ma'wẽsatewa.

San Lucas 12:41

Txajũ' Pedro' na'wẽk pẽjx: —Naa ejemplo' ¿kwe'sx jĩiçxáa wáana meeçxa' jxukaysatx wá'ga pta'sxi'? jĩte',

San Lucas 8:10

Aça' Jesus pasçxa' na'jĩk: —Dxus jxkaahni ensu ma'wẽ yũuwa'ja'swa kim yuhwa jiyunimeesa's i'kwe'sx yuutxi's ãate kaajiyu'ju'nja. Nawa vxite yuutxi' ejemplo yakhçxáath pta'sxi', kxah makwe uyçxawa, uysamée na'wẽçxáa neeyũutxna. Sa' pta'sxni's wẽsẽ'jçxawa, jiyumée neeyũutxna.

San Marcos 12:1

Txajũ' Jesusa' naa ejemplo yakhku kaaja'da'jna pta'sx: —Teeçx piçthẽ'ja' txajx kiwete uwa wala uhçxa, ktadxíi jxuka uphku, sa' uwa ee thegwa'j yatwa txahçxa uwa thẽ'the ũhdeçxa ku'swa'j yatwa fxii txajk. Txã'wẽ yũuçxak txãa kiwete mjĩiwa'jsatx ew neewe'wena nvxihtçxa jxu'j kiwen u'j.

San Marcos 3:23

Jesusa' nasatx pa'yaçxa na'wẽk pta'sx jiyukahn: —¿Ma'wẽçxa eçxthẽ'ja' eçxthẽ'ja's íiçxáa kutxi'jya' ãjã'kx?

San Mateo 24:32

Naa ejemplo's peçxkananuwe: higwera fxtũu tasxa' eç ubuçxa ki' u'se yeeçuçte uyçxa', yũnya'watewa jiyu'i'kwe.

San Mateo 22:1

Jesusa' vxite ejemplo kaaja'da'jçxak pta'sx na'jĩna:

San Mateo 13:4

Aça' uhna u'jweçte', msuuíi yu' dxi'jsutx ũsxi skuutxh fxiwa'. Aça' vxiçxakwe pa'jçxa skuutxh fxiwtxi ũ'tx.