San Mateo 11:5 - Páez

⁵ uyya' ãjasameewa uyu'tx, legsawa katxhiçxa legmeetx neeyũ', wã'jy wee kazx ji'phsawa katxhinitx neeyũ', wẽse'jya' ãjasameewa wẽse'jya' ãja'tx, uuniisawa ki' ĩtxi yu'tx, sa' naa kiwete pxthaakuẽesa yuutxi' Dxus tasxte pa'jwa'ja's pta'sxnik yuu jĩne'kwe.

San Mateo 11:5 Referans Kwoze

San Lucas 4:18

Dxus Espiritu' adx yakh ũsa', Txãasak adxa's txhitxh yuwe ewsa's puupletx pta'sxkahn. Ũuste nxusna u'psatxku kvxiisxa'jya' adxa's kaah, Yuuwesa preesutx nwe'wewa'ja'sku pta'sxya' kaah, Sa' uysameetxi' kaauyu'jna, Pkxuunisatxi' nwe'weçxa,

Santiago 2:5

Adx yakhthẽ'jwe'sx ew mwẽese'jwe: Naa kiwete makwe kĩhwa ji'phmée pxthaakuẽesaçxawa txãawe'sxa' Dxusa's yu' ma'wẽçxáa yuhwa peçxkanamée ũuste yajkxna fxi'zeçxa Dxus jxkaahna ũsnitewe'sxa's Dxusíi ũsya' neeyũuk Dxusna yaakxsatxi' txã'sna jxpa'gawa'jsata'.

San Mateo 21:14

Kxtee dxuus yatte maaíi yu' Jesus tasxte utxaatx, uyya' ãjasamée, çxida legsa, aça' txãawe'sxtxi' nuykatxhik.

San Juan 10:38

Nawa adx Tata mjĩi kaahnisatx yuh mjĩite', adx yu's jxpa'gameeçxawa, adx we'weniçxáatxwa miipa'gawe. Txã'wẽ yũuçxaçxáa jiyune'kwe, adx Tata' adx yakh ũsa', aça' adxa' Tata yakh ũstewa.

San Juan 10:25

Jesusa' na'jĩnak pas: —Pta'sxyã'th, nawa adx we'weni's jxpa'ga'çmeei'kwe. Adx Tata jxkaathe', na'wẽ kĩhwa mjĩ'th, aça' adx mjĩini' ãate kaajiyu'ju'tx adx kimtewa.

San Juan 5:36

Nawa adxna tuuthe'jna isa pta'sxsa yu' mazwa ji'pthu, Juan pta'sxnite jxthaakwesa. Adx mjĩini' adxna tuuthe'jna isa pta'sxsata'. Na'wẽ mjĩith nawa adx Tata jxkaahniçxáatxthu txã'wẽ yu', Dxus kaahnisa yuh yu'ne' sũjkahn.

San Juan 3:2

Txãa piçthẽ'ja' Jesus tasxte kus pa'jçxa', na'jĩk: Jiitha'w idxa's Dxusne' txã'wẽ kaah, kwe'sxtxi kaapiya'khan. Dxus pu'çxmeewaça', kim yuhwa ãjawa'jsame's kaavxya'ja'jmeena, idx na'wẽg yu' txã's jĩte',

San Juan 2:23

Judiuwe'sx fxiesta ente Jesus Jerusalente ũste', nasa wala kuh jiyutx Jesusa' Dxus tasxu yuusatewa, txã'wẽ kim yuhwa ãjãnimeesa's kaavxya'ja'pha'ga.

San Marcos 9:25

Txajũ' Jesusa' nasa wala kuh pkhaakhena utaaçte uyçxa', eçx luuku vxit-sa's na'jĩnak we'we: —Eçx luuku vxit-sa kwe'we'je'çmeeg, sa' wẽsẽ'jwe'sxte thũ'wẽtxwa aphgu, nawa ãçxha' adx we'weni's nwẽesẽ'jçxa ũusu mkaaseh, peena yu' u'kameene'ga jĩte',

San Marcos 7:37

Txã'wẽ yũute', nasa jxukaysa wala kuh jwed yaaki'tx na'jĩna: —Ãçã' ma'wẽsatxwa jxukak pu'çxhi'. Wẽsẽ'jya' ãjãsameetxwa kwẽesẽ'je'kh, sa' we'weya' ãjãsameetxwa kwe'we'je'kh jĩ'tx.

San Mateo 10:8

Ãça'satxwa nuykatxhine'kwe, uusaatxwa ki' ĩtxi vxitune'kwe, wã'jy wee kazx ji'phsatxwa nuykatxhine'kwe. Eçxtxiwa nasaa ũusuh kutxi'jine'kwe. I'kwe'sx txã'wẽ ãjawa'ja's vxyupa'gamée i'kwe jxpa'ga na', nuykatxhipa'ga vxyu pẽjxmeene'kwe.

San Mateo 9:30

txãawe'sx yafxa' ewuutx. Aça' Jesusa' wala neewe'wek na'jĩna: —Kim yuhtxwa pta'sxmeene'kwe jĩtewa,

San Mateo 5:3

Wala yuh weçxa yuja' Dxusa's peejxçxa pakwesáa yakha', txãa pa'gatey txã'wẽ yũusa' Dxus jxkaahna ũsnite u'kaya' ãjawa'jsata' naa pa'ga.

Hechos 2:22

Ãçxha' Israelwe'sx mwẽese'jwe na'jĩya'wath: Jesus Nasarethũwe'sx Dxus kaahnisa i'kwe'sx ksxavxysu kĩjkĩhwa ewsaçxaçxáanak kaavxya'ja'j ãçã'satx nuykatxhina, uusaatx ĩtxĩ vxitna Dxus pu'çxte, Jesukristo' txã'wẽk yũu. Txã'wẽ yũuni's jiiyã'jne'kwe.

San Mateo 11:4

Jesusa' na'wẽk pas: —U'jçxa Juana's pta'sxine'kwe adx na'wẽ yũuna fxi'ze'th txã'sa' yafxju uyi'kwe sa' kaapiya'jni'swa wẽse'ji'kwe txã'sna:

San Mateo 12:13

Txã'wẽ pasçxa txãa piçthẽ'ja's na'wẽk we'we: —Kuse's mku'le'j jĩte', txã'wẽy yuuk, naapkaçxha' txajx kuse' ewuuk ka'tuwe'sx na'wẽy.

San Juan 9:7

na'jĩnak jxkaah: —Me'j pkhi'kxya' Siloé yu'kafxte. (Txãa Siloea' Jxkaahnisa jĩni'.) Txajũ' txãa piçthẽ'ja' u'jçxa', yafxtxi pkhi'kxku, sa' uyna yã'kh sxawedna kũh.