San Mateo 11:12 - Páez

¹² Juan Bautista pa'jnijũjx Dxus jxkaahni ena' açeni ũsa' ãçxpkaçx, txãa pa'gatx kaaknayu'jya'mée çxhãçxha puiina fxi'ze'.

San Mateo 11:12 Referans Kwoze

San Lucas 16:16

Moises ley vxite' Dxus yuwe pta'sxsawe'sx kaapiya'jni' Juan Bautista entepkaçxtxi ũsu'. Kxajuk yuwe u'sesa' Dxus jxkaahwa'j ena's pta'sxni yuu, aça' maawa Dxus jxkaahnitewe'sx yuuya' wala pa'pçxu'tx.

San Lucas 13:24

—I'kwe'sxa' wala yuh mpa'pçxuwe vxitx pteezte u'kaya'. Na'jĩ'th na': Maawa wala yuh u'ka wẽjẽtxna, nawa thẽytewa pa'pçxumeeçxa yu' u'kaya' ãjãmeetxna.

Filipenses 2:12

Adx yakhthẽ'jwe'sx yaakxnisatx na'wẽth yu'kxpeje': i'kwe'sx yakh adx kxtee ũsçxa kaapiya'jni's wa'lmée i'kwe jxuka kxtey nwẽese'je'. Txãasa ãçxha' jweeíiçxáa çxhãçxha Dxusa's yajkxna meswe, jxpubamée fxi'zewa'ja's pa'pçxuna, makwe adx yu' jxu'the ũstewa.

San Juan 6:27

Txik ũ'çxa fxi'zewa'jçxá's pakwewa'jme', wejxwa ũ' bagaçxte yuhwa pçumée ĩtxi kaafxi'ze'jwa'jsa's pakweewa'ja'. Aça' Dxus Nçxi'k Nasa Yuusa' txã'wẽ pçumée ĩtxi fxi'zewa'ja's ũsu'nja, txã'wẽ yũuwa'ja's adx Tata' ũsku naa pa'ga jĩk.

San Mateo 3:15

Jesusa' na'wẽk pas: —Dxus jxthãasni's kxtey yuuní wejx ewna jĩte', Juana' kxtey nwẽese'kh.

San Mateo 11:11

Isath we'we', naa kiwete maa nasa yuhwa Juan Bautistate jxthaakwe walasa yu' kasehnimeeta' ãçxpkaçx. Makwe txã'wẽtewa, ãçxh naa ensuwe'sx maatewa jxthaakwe le'çxkuẽesaçxawa Dxus jxkaahnite u'kasa' Juan Bautistate jxthaakwe walasata'.

San Mateo 11:13

Nawa Dxus jxkaahwa'j ena's Moises ley vxite' Dxus yuwe pta'sxsa txãawe'sxa' txagaçxhíitx pta'sx Juan Bautista pa'phkaçx.

San Juan 5:4

Txã'wẽ maa enteya' Dxus angel kĩhçxa yu'a's kẽese'je'k, naapkaçxha' maa yaçte khẽjena txã' jxuka katxhiçxak neeyũ' kĩh wee ji'phçxawa.