San Mateo 10:1 - Páez

¹ Txajũ' Jesusa' txãa yakh u'jusa docesatx pa'yaçxa na'wẽ yũuya' ãjawa'ja'sku ũs: eçxtxi nasa ũusuh kutxi'jna kĩh weete ãça'satxwa nuykatxhina, kĩh aka ji'phtewa jxuka yu'çe'jya' ãjawa'ja'sku ũs.

San Mateo 10:1 Referans Kwoze

San Lucas 10:19

I'kwe'sx txã'wẽ yũukahn íiçxáath adxa' kĩhtewa jxuka ãjãwa'ja's ũs, ul weeswée usmitx kĩjkĩh eçx seena'sawa i'kwe'sxtxi kpã'vxit-ya' ãjãkahmén.

San Lucas 24:49

Nawa mwẽesẽ'jwe: adx Tata i'kwe'sx jĩi kaajxa' neeyũuk txã'sa' kaja'nja jxpa'gakahn. Nawa txã'sa' jxpa'gamey yu', ay Jerusalentee meswe jxpa'gapkaçx jĩk.

Hechos 1:8

Nawa Dxus Espiritu kĩhte', txãa yu's jxpa'gawa'jsa yuji'kwe, kĩhtewa jxuka ãjaya'. Sa' txã'wẽ yũunijũ kasehçxa u'jwene'kwe adxa's tuuthe'jya' Jerusalente, Judea kiwesu, vxite' Samaria kiwesu mtee mtee maa kiwetewa jxuka jĩnak jxkaah.

San Juan 3:27

Juana' na'wẽk pas: —Kim yuhwa txã'wẽ tuuthe'jni yuumeena, Dxus jxkaahnimeesa yu'.

San Lucas 6:13

Sa' khikhyna sẽhte', txã'sna pi'kxna u'jusa kuhsatx pa'yaçxa', doce nasa txhitxhku txajx jxkaahwa'j.

San Lucas 21:15

txãa pa'gatey adxa' i'kwe'sxtxi açesawe'sxtxi ma'wẽ paswa'ja'swa kaaũusuthe'je'nja. Aça' txãawe'sxa': Ĩsxĩija'g jĩya' ãjãmeetxna maa yuhwa.

Hechos 19:15

Makwe txã'wẽ we'wetewa, eçxa' na'wẽk pas: —Jesusa's jiith kimtewa, sa' Pablo'swa iiuythu. Nawa i'kwe'sx yuutxi' jiimeeth kimtewa.

San Juan 17:2

Nasa jxukaysatx jxkaahwa'ja's adxna ũsgu, iidx ũsni yuutxi' jxukaysatx pçuwa'jmée ĩtxi fxi'zewa'ja's ũskahn.

San Juan 6:70

Txã'jĩte', Jesus we'weçxa': —Adxa' i'kwe'sx docesatx txhitxhçxa pa'yatewa, teeçxsa' eçxthẽ'j jĩia' jĩnak pta'sx.

San Juan 3:35

Neya' Nçxi'ka's wedxçxa kĩhnawa jxuka txajx kusete nvxihtku.

Apocalipsis 12:1

Txajũ' ẽe walaju na'wẽk seena'sa vxyaa: teeçx u'y txajx kakwete yu' sekçxaçxáa ji'phsa a'tete yujuçxak ũsu', sa' dxikthete yu' teeçx korona doce estrelxa ji'phsa'sku ji'phu'.

San Mateo 26:47

Jesus kxtee we'wena nee ũsiyna, Judasa' pa'kh. Txã' docesatewe'sxíiçxáak yu'. Aça' txãa yakh nasa wala kuh pa'jtx kçxilx vxite' fxtũ atçxa. Txãawe'sxa' sacerdote npiiçthẽ'jwe'sx vxite' judiu nthẽ'jsawe'sx jxkaahnisatx yu'.

San Mateo 26:20

Txajũ' jxuka çxhi'dxiçte', Jesusa' docesawe'sx yakh kaçxku mesate ũ'ya'.

San Mateo 19:28

Jesusa' na'jĩnak pta'sx: —Isath we'we', naa kiwete pkalsa's jxuka yu'pthehçxa ewsaçxaçxáa yuuwa'j en ãhte', Dxus Nçxi'k Nasa Yuusá' pa'jçxa jxkaajxa' takheçpkaçxha', adx yakh yuusáa i'kwe'sx docesawa adx yakh jxkaahsa yuune'kwe Israel ji'j docesatx.

San Mateo 6:13

Ewmeete wetekahmén, meen nwe'we. Txãa pa'gatey idx yuuçxáa kĩhtewa jxuka ãjawa'jsag, sa' bagaçxtewa idx yuuçxáa jxkaahna nes yuuwa'jsag.

San Mateo 4:23

Jesusa' Galilea kiwe jxukak pekũh, judiuwe'sx pkhaakheni yat-su Dxus jxkaahwa'j yuwe ewsa's pta'sxna, txã'wẽy nasa kĩh weete ãça'satxwa jxuka nuykatxhik.

San Mateo 9:35

Jesusa' çxhab walasu çxhab le'çxkwesu judiuwe'sx pkhaakheni yat iisa kaapiya'jnak pekũju'. Sa' Dxus jxkaahwa'ja'swa pta'sxna vxite' wee ma'wẽsate nasa ãça'satxwa nuykatxhina kĩh akatxwa jxuka kaykase'je'k.

San Mateo 9:38

Txãa pa'ga mjĩi namu's mpẽjxwe mjĩiwa'jsa kaakhan jĩk.