San Marcos 8:21 - Páez

²¹ Aça' Jesus we'weçxa': —Txã'wẽ thẽymée yũunisatxi' yaaki'çmeewá'kwe sane'kwe txã'wẽ ũ'wa'j pan ji'phmeetha'w jĩna we'we'.

San Marcos 8:21 Referans Kwoze

San Marcos 6:52

Txã'wẽ Dxus Nçxi'kçxa kĩjxa'wa ãjãwa'jsaçxak kuhmée pan yakh nasa txaazkuẽesatx sã'jĩ' sũhwa'j yu'sa' ji'phmeene'ta yu', txãasatx txakwe wala kuh yajkxna neeyũu.

San Marcos 8:12

Txã'jĩte', Jesusa' wala nxus yajkxna na'jĩk: —Naa nasa' ¿kĩjxa'ki'tx txã'wẽ cieluju kaavxya'ja'j jxthãasu'? Isa yu' txãa nasatxi' kĩhwa kaavxya'ja'jnimée wejx ewna jĩk.

1 Corintios 15:34

I'kwe'sxa' jxpubamée fxi'zenite sxawedçxa, peena yu' pkalte fxi'zenuwe. Txã'wẽ yũumeeçxa' i'kwe'sx maaíi yu' ãçxpa'jwa Dxusa's jiimeei'kwe. Txã'wẽth ãate we'we' thaameçxa jxpa'yakx fxi'zekahn.

1 Corintios 6:5

Na'wẽth we'we' i'kwe'sx thaamekahn: ¿Yakhthẽ'jwe'sx pwe'sx yuwe susni's pheu'jwa'jsa teeçxçxáawa jiisameewáana açne'kwe txã'wẽ vxitetx pi'kxya' u'jwe'?

San Juan 14:9

Jesusa' pta'sxku: —Adxa' i'kwe'sx yakh nakwe txaçx ũsthu aça' ¿ãçxh pa'jwa adxa's jiyumey wá'ga? Adxna uysa', adx Tatanak uyu'. Aça' ¿ma'wẽga Tata's mkaavxya'j jĩna pẽyi'?

San Marcos 9:19

Jesus pasçxa': —Dxusa' pu'çxhina sũhwa'j yu'sa' ji'phmeesata' naa nasa'. ¿Bagaçxpkaçx i'kwe'sx yakh pu'çxna ũs ya'watka? ¿Bagaçxpkaçx ãjãmée fxi'ze ya'wakwe? Txãa luuçxa's mneejxũhwe ayte jĩte', nuykũhtx Jesus tasxte.

San Marcos 8:17

Aça' Jesus wẽsẽ'jçxa na'jĩk: —¿Maa sũhçxakwe txã'wẽ pan ji'phmeetha'w jĩna we'wé'? ¿Ãçxpkaçx jiyu'çmeewá'kwe, pan ji'phmeetewa thẽymée sã'jĩni's yaaki'çmeewá'kwe? ¿I'kwe'sx ũuste khẽje'çmeewá'?

San Marcos 8:22

Txajũ' Jesusa' Beçaida çxhabte pa'the', kxteea' teeçx piçthẽ'j uyya' ãjãsame'stxi nuypa'j, nuykatxhikahn pxthaa we'wena.