San Marcos 6:41 - Páez

⁴¹ Naapkaçxha' Jesusa' tahç pan e'z wedxtxi uweçxa, cielute pagayçxa Dxusa's weçxana'wa pantxi pe'ltedeçxa txãa yakh u'jusawe'sxtxi' ũsku, nasatx jxuka ũsu'skahn. Sa' wedxtxiwa txã'wẽyku ũsu's jxukaysatx.

San Marcos 6:41 Referans Kwoze

San Mateo 14:19

Txajũ' nasatx kaçxkaakh txaksũ. Sa' tahç pan e'z wedxtxi jxpa'gaçxa, cielute pagayçxa Dxusa's weçxaçxa pantxi pe'ltedek. Txã'wẽ yũuçxak txãa yakh u'jusawe'sxtxi ũs, aça' txãawe'sxa' ũsu'stxi nasatx.

San Marcos 7:34

Sa' ũusdxi'na cielute pagayçxa: —¡Efxata!—jĩk, tee phaate jĩçxak txã'jĩ'.

San Lucas 24:30

Sa' txãawe'sx yakh mesate u'pçxa', Dxusna weçxana'wa pana's pe'ltedeçxa txãawe'sxtxi ũsu'sku.

San Lucas 9:16

Txajũ' Jesusa' tahç pan e'z wedxtxi jxpa'gana'wa cielute pagayçxa, Dxusna weçxana orãyku. Sa' pe'ltedeçxa txãa yakh u'jusawe'sxtxi ũsku, nasa jxukaysatx ũsu'skahn.

1 Corintios 10:31

Ew yuja', nawa i'kwe'sx ũ'nisa ma'k yuu kĩh yũuççxawa Dxus dxi'pte selpiiwa'jsaçxá's thegçxa kxtey myũuwe.

San Juan 17:1

Jesusa' txã'wẽ pta'sxna jxã'jçxa', cielute pagayçxa Dxus yakh puutx we'wek na'jĩna: —Tata, ena' ãjk. Iidx Nçxi'k kimtewa nasa jiyukahn ãate mkaavxya'ja', kxah Nçxi'kwa idxa's ãate kaajiyu'juna nasatx.

San Juan 11:41

Txã'jĩte', txãa aphni kweta's kiistxi. Aça' Jesusa' cielute pagayçxa na'wẽk we'we: —Tata, adx pẽyni's pasu'g naa pa'ga weçxa'th.

San Marcos 14:22

Nee ũ'na u'píi, Jesusa' pana's jxpa'gaçxa Dxusna weçxana'wa pe'ltedeçxa ũsu'sku na'jĩna: —Mẽ'we, naa pana' adx kakwe na'wẽsa' jĩçxa',

Colosenses 3:17

I'kwe'sxa' kĩh yũuna ũsçxawa, Kristo Jesusa's tuuthe'jwa'ja's yuuçxáa myajkxwe, Dxusa's yuuçxáa weçxana.

Romanos 14:6

Txãa pa'gatey fxiesta entxi jxuka ki'ssawa, Dxusa's weçxanak ki'su', aça' fxiesta entxi jxukamée ki'ssawa Dxusa's íiçxáak weçxana fxi'ze'. Txã'wẽy kĩhnawa jxuka ũ'sawa Dxusa's weçxanak ũ'we', aça' kĩh iiyuutxi' ũ'sameewa Dxusa's íiçxáak weçxá'. Jxukay Dxusa'sçxaçxáatx weçxá'.

San Juan 6:11

Aça' Jesusa' pantxi' jxpa'gaçxa', Dxusna weçxana'wa txãa yakh u'jusawe'sxtxi ũsu'sku. Aça' txãawe'sxa' kxaazkuẽesaytxi puuçna skhẽwtxi subapkaçx. Wedxnawa txã'wẽytxi yũu, makwe ũ'çxawa txikpkaçx.

San Mateo 26:26

Ũ'na u'pçxa', Jesusa' pana's jxpa'gana'wa Dxusa's weçxaçxa pe'ltedek, sa' txãa yakh u'jusawe'sxtxi ũsu'sku na'jĩna: —Mẽ'we, naa pana' adx kakwe na'wẽsa' jĩçxa',

San Mateo 15:36

siete pan vxite' wedxtxi jxpa'gana'wa Dxusa's weçxak. Txã'wẽ yũuçxak pe'ltedeçxa txãa yakh u'jusawe'sxtxi ũs, aça' txãawe'sxa' nasatx ũsu'stxi.

Hechos 27:35

Txã'jĩna'wa, Pablo' jxukaysa dxi'pte Dxusa's weçxaçxa pana's ũ'k.

San Marcos 6:40

Aça' cien ãh vxite' cinkwenta kxaztxi fxiifxii txuteeçxa kaçx.

San Marcos 6:42

Txã'wẽ yũute', jxukaysa ũ'çxa txiktxi neeyũu.

San Marcos 8:19

Miiyajkxwe wakx: Tahç pantxi txudeedeçxa cinko mil nasatx puuçte', ¿maz kanastakwe pkhakh kijxasaatxi'? jĩte', txãawe'sx pasçxa': —Doce kanastatha'w pkhakh jĩtx.