San Marcos 2:5 - Páez

⁵ Txajũ' ãçã'sa's nuypa'jsawe'sxa' Jesusa' nuykatxhiyujuna sũhni's jiyuçxa', txãa ãçã'sa's we'wek Jesusa': —Iidx pkala' peltunãyni yã'jtx neeyũu jĩte',

San Marcos 2:5 Referans Kwoze

San Mateo 9:2

Aça' kxteea' teeçx piçthẽ'j ẽseya' ãjasame'stxi yakhna pa'j. Txã'wẽ yakhna pa'jsawe'sxa' Jesusa' nuykatxhiyujuna sũhni's jiyuçxa', ãça'sa's na'wẽk we'we Jesusa': —Çxhãçxha myajkx. Iidx pkala' peltunãyni yã'jtx neeyũu jĩte',

Santiago 5:15

Txã'wẽ Dxusa' pu'çxhina sũhçxa oraĩte', ãça'sa pkala' peltunãyni yuute, ãça'sa' ewte neeyũuna, txajũ' Dxusa' nuykatxhina.

San Mateo 9:22

Nawa Jesusa' jiyuçxa txãa u'ya's thegçxa na'wẽk we'we: —Ũukhnuwe, wejxwa katxhini i'kwe neeyũu, txã'wẽ katxhi'nja sũhçxane'kwe txã'wẽ yũu naa pa'ga jĩte', txãa dudtey katxhiçxak neeyũu.

Efesios 2:8

Txãa pa'ga i'kwe'sxa' kĩhte yuhwa seelpimeesaçxawa, naasáa Dxus peeygãhçxa nwe'wenisaçxáa i'kwe, txã'wẽ Kristo's ũusuh jxuka yaakxpa'ga. Dxus nwe'weni's i'kwe'sx kakweju ew yũuna fxi'zeçxa uymeei'kwe, txã'sa' Dxusku pees peeygãhçxa.

Hechos 5:31

Dxusa' txã'wẽ yũuçxa cielute txajx pukate paçu ju'gte ki'pçxa Jxkaahwa'jsak vxit, kxah Israelwe'sxa' txãawe'sx pkaltxi nvxihtçxa Dxus tasxte sxawedte, Jesusa' nwe'wena.

San Juan 5:14

Txãa e'su' Jesusa' dxuus yatte txãa piçthẽ'j katxhisa's puutx uyçxa', na'jĩk: —Ãçxha' katxhgu neeyũu na', naa weete jxthaakwe nxussa pa'khamen pa'yajkx mfxi'ze, ewmée yũuna u'jumée jĩte',

San Lucas 5:20

Txajũ' ãçã'sa's yakhsawe'sxa' Jesusa' nuykatxhiyujuna sũhni's jiyuçxa', ãçã'sa's na'jĩk: —Iidx pkala' peltunãyni yã'jtx neeyũu jĩte',

Colosenses 3:13

Makwe ewmée nuywe'wetewa puutx ya'peltunãyna mfxi'zewe. Kristowa ma'wẽga i'kwe'sxtxi peltunãy txã'wẽy myũuwe i'kwe'sx pwe'sx.

2 Corintios 2:10

Ãçxha' i'kwe'sxa' txã'wẽ ãhmée yũusa's kĩh yũuni'swa mpeltunaĩwe, adxwa peltunãythu peltunãywa'j ũsu'k txã'sa' Kristo dxi'pte, i'kwe'sx pwe'sx puiimée ew fxi'zekahn.

1 Corintios 11:30

Txã'wẽ jxpa'yakxpa'gamée i'kwe'sx ksxavxytewe'sx maaíi yu' ãça'na çxhãçxhamée ũsta', naapkaçxha' vxite' uuna ũsta'.

Hechos 14:9

Txãa piçthẽ'ja' Pablo pta'sxni'sku wẽse'jna u'pu'. Aça' Pablo' txajx dxi'pte thegçxa' jiyuk nuykatxhina sũhni's.

Hechos 11:23

Aça' Bernabea' kxte pa'jçxa' wala weçxak Dxus txã'wẽ pu'çxni's uyçxa. Sa' jxukaytxi yu'kxpejk jxpubamée ew Dxus yakh fxi'zekahn.

San Juan 2:25

Txãa nasa' txã'wẽsata' jĩna pta'sxi peejx yu'çme', txãa pa'gatey nasaa ũus yaakxnitx jxuka jiiyã'kh yu' naa pa'ga.

San Lucas 8:48

Txajũ' Jesus we'weçxa': —Katxhi'nja sũhçxane'kwe adx tasxte txã'wẽ yũuya' yuwé' txãa pa'ga ãçxha' katxhi'kwe neeyũu na' weçxana me'jwe jĩk.

San Marcos 5:34

Aça' Jesusa' na'wẽk we'we: —I'kwe' ũusuh jxuka yajkxçxane'kwe katxhiya' sũhçxa adx tasxte utxáa, txãa pa'ga katxhini i'kwe neeyũu. Ãçxha' ãçã'mée wẽt me'jwe weçxana jĩk.

San Mateo 9:5

¿Maa thẽymeesakx? Iidx pkala' peltunãyni yã'jtx neeyũu ¿jĩniá'? Meeçxa': Kiiteçxa me'j ¿jĩniá'?

San Marcos 2:6

Dxus leya's kaapiya'jsawe'sx wẽsẽ'jna u'psa maaíi yu' na'wẽtx yajkx: