San Marcos 12:11 - Páez

¹¹ Txã'wẽ neewewa'jsa yuuna pa'jwa'ja's Dxusku vxitçxa nvxiht, Txãa pa'ga kwe'sx yakha' wala weçxa yuja' ¿jĩ'çmeena'?

San Marcos 12:11 Referans Kwoze

1 Timoteo 3:16

Kwe'sx ewte neeyũuwa'ja's kim yuhwa jiyunimeek ũsu' txã'sa' Dxusa' kaavxya'ja'kh txã' na'wẽ seena' walasa': Dxusa' nasaa kakwe yakhku vxyaa, Sa' Dxus Espiritu we'weçxa': Txã' kĩh pkal yuhwa ji'phmeesa' jĩnik yuu. Aça' Dxus angeleswe'sxwa uyniisak yuu. Sa' mtee mteewa jxuka pta'sxni yuute', Naa kiwete msuuwe'sxwa maaíi yu' txãawe'sx ũuste jxpa'gatx. Txajũ' cielute ki' jxpa'ganik yuu.

Colosenses 1:27

Dxusa' txajx yuwe kaajiyu'jnimeesa iiméh wala selpiwa'jsa yu'k judiu ji'jmée vxite nasatxwa txã'snak kaajiyu'j txajx nasatx. Txã' naak yu': Kristo' i'kwe'sx ũuste u'kak, txãa pa'ga i'kwe'sxa' Dxus tasxte pa'jwa'ja's ji'phi'kwe jĩna pta'sxni's i'kwe jiimée yu'.

Hechos 2:12

Txã'wẽ yũuni's jxukaysa wala kuh jwed we'wena ũsu'tx na'jĩna: —¿Kĩh yũuya' txã'wẽ yuuçki? jĩ'tx.

San Mateo 21:42

Aça' Jesusa' na'wẽk we'we: —I'kwe'sxa' ¿bagaçxte yuhwa iilẽeymeewá'kwe Dxus librute na'jĩna fxi'jni's? Yat txaahsawe'sxa': Naa kweta's selpime' jĩçxa wãatahtx. Nawa txãa íik yat makwesanawa çxhãçxha neewewa'jsa yuuna pa'j. Txã'wẽ neewewa'jsa yuuna pa'jwa'ja's Dxusku vxitçxa nvxiht. Txãa pa'ga kwe'sx yakha' wala weçxa yuja' ¿jĩ'çmeena'?