San Marcos 11:14 - Páez

¹⁴ Txajũ' Jesusa' na'jĩnak we'we txãa fxtũu tasxa's: —Naa fxtũu tasxte yũnni's kim yuhwa ũ'meetxna peena yu' jĩna we'weçte', txãa yakh u'jusawe'sxa' wẽsẽ'jnatx ũsu'.

San Marcos 11:14 Referans Kwoze

San Mateo 21:19

Sa' dxi'j pukate higwera fxtũu tasx ũste uyçxa', thegya' utxaak. Nawa kĩh yũn yuhwa uyme', eççxáak ji'ph yu'. Aça' txãa fxtũu tasxa's na'wẽk we'we: —Ãçxha' peena yu' yũnmeene'ga jĩçpkaçxha', naa dudtey fxtũu tasxa' uhdxku.

San Juan 15:6

Aça' ũ'tasx ku'ta yũnsameetxi' ma'wẽga spẽethe'thçxa ya'kabu', txã'wẽy ya'yuuna adx tasxu txutesatxi'.

San Mateo 7:19

Maa fxtũu tasxwa ewmée yũnsa's spẽ'thçxa ipxte ya'kabu'k.

San Mateo 3:10

Txã'wẽ ew fxi'zemeete', ama' ih yã'j ũsa' fxtũutasxtxi spẽ'thya'. Maa fxtũutasxwa ew yũnsameetxi' spẽ'thçxa ipxte kabwa'jçxáa yuuna.

Apocalipsis 22:11

Aça' txãa en ãanijuyã'ja', pta'sxni's nwẽese'jsamée yu' jweeíiçxáa ewmée kazx yuuna fxi'zetxna, naapkaçxha' pta'sxni's nwẽese'jsa' jweeíiçxáa Dxus yakh txutemée çxhãçxha fxi'zetxna.

San Mateo 21:44

Sa' maawa txãa kwet kajkwega wetesa' jxuka çxkateteena, meeçxawa txãa kwet nasa kajkwekhẽ weteçxa' jxuka ku'çxina jĩk.

2 Pedro 2:20

Txã'wẽ nwe'wesa Jesukristo's jiyuçxa naa kiwete ewmée yũuna fxi'zenijũ kasehsaçxawa, ki' txãatxiçxáa nwẽese'jya' sxaweduuna. Aça' txã'wẽ yũusa' nyafxíi fxi'zenite jxthaakwe ewmeetek wetena pa'ja'.

San Mateo 21:33

Vxite ejemplo na'sna mwẽese'jwe: Teeçx kiwe namu' uuthasx vxitku, sa' peeku'j uphçxa teeçx ahte uwa's ku'swa'j txajk, sa' ẽete tejkaçxa jxuka thegwa'j yatwa txajk. Txã'wẽ yũuçxa txãa kiwe's mjĩisatx pki'jçxa jxu'j dxi'kh u'j.

San Marcos 11:13

Sa' higwera-tasx wala yehçsa ũste uyçxa', thegya' u'kh yũn ji'phwáana sũhçxa. Nawa yũnmée eççxáak ji'ph yu', yũn en meek yu' naa pa'ga.

San Marcos 11:15

Txajũ' Jesusa' Jerusalen çxhabte ki' sxawedna pa'jçxa', dxuus yatte u'kaçxa kxtee kĩjkĩhwa txweyna ki' weyna ũssatx eka kasxisxku, vxyu yu'pthehsa mesa vxite' tub çxihme txweysa kaçxni pagutx jxuka pũsxna.