San Marcos 10:24 - Páez

²⁴ txãa yakh u'jusawe'sx wẽsẽ'jçxa', jiyumée kuh jwed yajkxnatx neeyũu. Aça' Jesusa' ãatek pta'sx: —Naa kiwete ji'phuniçxá's jxthaakwe yaakxsa yakha' wala yuh thẽya' Dxus jxkaahnite u'kawa'ja'.

San Marcos 10:24 Referans Kwoze

Apocalipsis 3:17

I'kwe'sxa' wala ji'phsaçxa kĩh yuhwa peejxmée wala ewçxáa fxi'zena ũstha'w jĩ'i'kwe. Nawa kĩh yuhwa ji'phmée sũpxçxáa uyya' ãjãmée nxuste wẽtmeete yuuçxáa fxi'zeni yu'sa' jiyumée ũsi'kwe.

1 Timoteo 6:17

Naa kiwete ji'phsatxi' mwe'we, ji'phuwa'jçxá's pa'pçxuna iiwejçx yajkxna fxi'zekahmén. Txã'wẽme' ji'phuniçxá's yaakxni' wala kxulsata', wejxwa Dxusa'sçxáa yaakitxna, txãa pa'gatey txã' ĩtxisa', kwe'sx kĩhçxah peejini'swa peejxmée jxuka ũssa.

San Lucas 16:14

fxariseowe'sxa' naa kiwete ji'phuniçxá's wejx pa'pçxuna fxi'zesa wẽsẽ'jçxa', Jesusa's weeçx we'wetx.

1 Juan 2:1

Adx luuçxwe'sx, pkalte fxi'zekahmenthu pta'sxna fxi'ja'. Txã'wẽtewa maaíi yu' pkalte wetewá'kwe nawa Dxus tasxte kwe'sx ju'gu we'we pu'çxsa ji'ptha'w, txã' Jesukristo' isasa yu's jxuka kxtey yuusáa.

San Juan 13:33

Adx nçxi'kkuẽwe'sx, jwee yu' txaçx ũsme'nja i'kwe'sx yakh. Adxa' judiuwe'sxtxi nyafxíi we'weçxa': I'kwe'sxa' adxa's pakweene'kwe. Nawa adx u'jweçthu kxte' yujxa' ãjameene'kwe jĩnath we'we, sa' i'kwe'sxtxiwa txã'wẽyçxáath we'we'.

1 Juan 5:21

Adx luuçxwe'sx, mpa'yajkxwe dxusmeeçxá's yaakxni's.

1 Juan 4:4

Adx peeygãanisawe'sx, i'kwe'sxa' Dxus luuçxi'kwe, txãasai'kwe ĩsxiisatxi' knay, txãa pa'gatey Dxus Espiritu i'kwe'sx ũuste ũssa' thaakwe çxhãçxhasa' naa kiwete ĩsxiisawe'sx ũuste ũssameeçxa'.

Gálatas 4:19

Luuçxwe'sx, adxa' i'kwe'sx txã'wẽ yũupa'ga iiméh wala akate nxusna ũsthu, u'y nasate yaakasáa na'wẽ. Sa' nxusna nes yu'nja i'kwe'sxa' Kristo na'wẽy fxi'zeya' ãjapkaçx.

San Juan 21:5

Txajũ' Jesusa' na'jĩnak pẽjx: —¿Teeçx wedxçxá' uwekwe'? jĩte': —Uwemeetha'w jĩna paste',

San Juan 6:60

Aça' txã'wẽ kaapiya'jni's wẽse'jçxa', txãa yakh u'jusawe'sx maaíi yu' na'wẽtx we'we txãawe'sx pwe'sxçxáa: —Na'wẽ pta'sxni', wala thẽya' jiyuwa'j, aça' ma'wẽ yuhwa ya'jiyu'çme'.

San Mateo 19:25

Txã'jĩni's wẽse'jçxa', Jesus yakh u'jusawe'sxa' wala kuh yajkxtxi, sa' txãawe'sx pwe'sx na'wẽtx puutx ya'paapẽyi': —Txã'wẽte', ¿kimçxá' ewte neeyũuya' ãjama'k? jĩte',

San Marcos 1:27

Txã'wẽ yũute', nasa' jxukaysa ũukhçxa na'wẽtx puutx paapẽyi': —Naa piçthẽ'ja' ¿kimna? Txajx we'weni' ¿kĩhtxki açki'tx eçx yuhwa nwẽesẽ'je'? jĩ'tx.

San Marcos 10:23

Txajũ' Jesusa' nasatx thegçxa' pta'sxku txãa yakh u'jusawe'sxtxi: —Maawa wala ji'phsa yakha' Dxus jxkaahna ũsnite u'kawa'j wala yuh thẽya' jĩte',