San Marcos 10:2 - Páez

² Naapkaçxha' fxariseowe'sxa' Jesus tasxte utxaaçxa' na'wẽtx paapẽjx, pasya' sxiigte' ewmée vxit-ya' sũhçxa: —Ptamsaçxawa, nyu's wãatãhte ¿ewmanx? jĩte',

San Marcos 10:2 Referans Kwoze

San Juan 8:6

(Kxtee ãhmée we'wete', paatxhĩ'khya' sũhçxatx txã'wẽ paapẽyi'.) Nawa Jesusa' kĩiçhuçxak kiwete kuseju fxi'ja'.

San Mateo 23:13

Ley kaapiya'jsa vxite' fxariseowe'sx ãateçxáa ew we'weçxa' ũuste yu' ewmeeçxáa yaakxsa, i'kwe'sx yakha' seena' yuh ũukhũukha', txã'wẽ Dxus jxkaahnite u'kawa'ja's apha'i'kwe maawa u'kakahmén. Sa' vxitesatx ka'ga'jmeeçxa', i'kwe'sxçxáa yuhwa u'kaçmeei'kwe, txãa pa'ga ũukhũukha'.

1 Corintios 10:9

Kxtee ũssa maaíi yu' Dxusa's juuna' ũusçxawe'wetx, aça' txã'wẽ we'wepa'ga ul weesweesa wa'kxte uutx. Nawa kwe'sxa' juuna' we'wewa'j ji'phmeetha'w Dxusa's.

San Juan 11:57

Txajũ' fxariseowe'sx vxite' sacerdote npiiçthẽ'jwe'sxa' neewe'wetx maaçxáawa Jesusa' fxiestate ũste jiyuçxa' txãawe'sxtxi pta'sxkahn tudxa' kaajxa'.

San Juan 11:47

Aça' fxariseowe'sxa' sacerdote npiiçthẽ'jwe'sx yakh pkhaakheçxa', na'jĩnatx puutx we'we: —Naa piçthẽ'ja' naa kiwete kim yuhwa ãjanimeesatx kaavxya'ja'jna kĩjkĩhwa yũuna ũsa'. Aça' ¿kĩh yuukxtha'w?

San Juan 7:48

¿Kwe'sx npiiçthẽ'jwe'sx meeçxawa fxariseowe'sx maaçxá' txãa piçthẽ'j kaapiya'jni's jxpa'gaçxa ũste i'kwe'sxa' jiikwe'?

San Juan 7:32

Nasa txã'wẽ Jesusa's tuuthe'jna ũste fxariseowe'sxa' wẽse'jçxa', sacerdote npiiçthẽ'jwe'sx yakh puutx we'weçxa', dxuus yat thegsawe'sxtxi kaahtx Jesusa's tudçxa jxũna yuukahn.

San Lucas 16:14

fxariseowe'sxa' naa kiwete ji'phuniçxá's wejx pa'pçxuna fxi'zesa wẽsẽ'jçxa', Jesusa's weeçx we'wetx.

San Lucas 11:39

Aça' Jesusa' na'jĩk: —Fxariseowe'sx i'kwe'sxa' plaatu waso ma'k yuu nawa txãa yuutxi' ekakhẽ yu' pkhi'khi'i'kwe. Nawa i'kwe'sx ũus dxiite yu', pesweena kĩjkĩhwa ewmeeçxáa yũunisaçxáa jxuka uta ũsa'.

San Lucas 7:30

Nawa fxariseowe'sx vxite' ley kaapiya'jsawe'sx Juan bautisãynimeesa yu', txãawe'sxtxi Dxus ew yũu wẽeni yu'sa' jxpa'gamée ahçetx.

San Lucas 6:7

Aça' Dxus leya's kaapiya'jsawe'sx vxite' fxariseowe'sxa' Jesusa's peethegu'natx ũsu' txã'wẽ sapatu jxkaase entewa nuykatxhite' pãatxhĩ'khya' sũhçxa.

San Lucas 5:30

Aça' fxariseowe'sx vxite' ley kaapiya'jsawe'sxa' Jesus yakh u'jusawe'sxtxi' na'wẽtx açewe'we: —I'kwe'sxa' ¿ma'wẽtekwe txã'wẽ gobierno jĩi vxyu pkhakhsawe'sx yakh vxite' pkalsawe'sx yakh ũ'wé'? jĩte',

San Marcos 8:15

Txajũ' Jesusa' na'wẽk jxpa'yakx kaah: —Mpa'yajkxwe, Herodes vxite' fxariseowe'sx lewadura ewmeesa's jĩte',

San Marcos 8:11

Kxtee pa'the', fxariseowe'sxwa pa'jçxa Jesus yakh puutx we'wetx. Sa' ma'wẽ yũutewa jiyuya' Jesusa's pẽjxtxi: —Cieluju kĩhçxáawa mkaavxya'ja'j jĩna.

San Mateo 22:35

Sa' Dxus ley kaapiya'jsa teeçxsa' Jesus tasxte utxaak pẽjxya' ewmée pastewa jiyu wẽeçxa. Sa' na'wẽk pẽjx:

San Mateo 19:3

Naapkaçxha' fxariseowe'sx maaíi yu' Jesus tasxte utxaana kũhçxa na'wẽtx pẽjx, pasya' sxiigte' ewmée vxit-ya' sũhçxa: —Ptamsaçxawa, nyu kĩjkuẽçxáa ãhmée yũuteçxáa txãapa'ga wãatahte ¿ewmanx? jĩte',

San Mateo 16:1

Fxariseowe'sx vxite' saduceowe'sxwa pa'jçxa', Jesus ewmée yũutewa kpajkxya' sũhçxa pẽjxtxi: —Cieluju kĩhçxáawa mkaavxya'ja'j jĩna.

San Mateo 15:12

Txajũ' Jesus yakh u'jusawe'sxa' utxaaçxa na'wẽtx we'we: —Idx txã'wẽ we'wete', fxariseowe'sxa' ũusaçxanatx neeyũu jĩte',

San Mateo 9:34

Nawa fxariseowe'sx yu' na'wẽtx we'we: —Naa piçthẽ'ja' eçxtxi nasa ũusuh kutxi'ji'k, nawa eçxthẽ'j pu'çxteçxáak txã'wẽ yũ' jĩ'tx.

San Marcos 10:1

Jesusa' Kapernaum çxhabu kasehçxa', Judea kiwen vxite' Jordan yu'wala kutenku u'j kxsũ pekũjxa'. Sa' Jordan yu'wala kuteju ũste', wala nasa pkhaakhe'tx txajx ũsnite. Aça' kxteewa kaapiya'ja'kh vxite ahsũ na'wẽy.

San Marcos 10:3

Jesus pasçxa': —Jiimeewá'kwe Moises jxkaahni's jĩna pẽjxte',