Biblia Todo Logo
Bib sou entènèt

- Piblisite -




San Lucas 9:44 - Páez

44 —Na'sa' ew wẽsẽ'jçxa peçxkananuwe: Dxus Nçxi'k Nasa Yuusá's nasa ewmeesa kusete dukhni yuuwa'ja' jĩtewa,

Gade chapit la Kopi




San Lucas 9:44
26 Referans Kwoze  

Nawa txã'sa' kluuste fxuççxa ikhkahn i'kwe'sxa' dukhi'kwe nasa ewmeesa kusete. Txã'wẽ uuwa'ja's Dxusne' txhitxhçxa nvxiht txãniitey, txãa pa'ga i'kwe txã'wẽ yũu.


Txajũ' na'wẽk pta'sx: —Dxus Nçxi'k Nasa Yuusá' wala pkxuuni yuuwa'ja's jxpa'gawa'j pejka peejxyuja', txãa pa'ga judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsawe'sx ahçeçxa ikhetxna. Nawa uuçxawa tekh ente' ki' ĩtxĩ yuuna jĩnak pta'sx.


Txãa pa'ga wala jxpa'yakxwa'j ji'ptha'w, na'wẽ Dxus Nçxi'k yuu kwe'sxtxi we'wete yuwe ewsa's wẽse'tha'w txãajũ txuteeya'mée.


Nawa Maria yu', txã'wẽ yũuni's jxuka peçxkanamée ũusteçxáak yajkxna fxi'ze'.


Jesusa' pasku: —Dxuspa'gameewaça', idxa' kĩjxa'yuhwa ãjawa'jsameeg adxa's. Nawa iidx kusete adxa's dukhsa' idxte jxthaakwe yuuwesa'.


Aça' kxahth yaçkhẽy txã'wẽ pta'sxi' na' txã'wẽ yũuwa'j en ãhte', adx pta'sxni's yaakine'kwe. Txã'wẽ pkxuuwa'ja's nyafxíi yu' pta'sxmeeth, txãa pa'gatey kĩhwa meek yu' adx i'kwe'sx yakh ũste'.


Sa' na'jĩnak we'we: —Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.


Jesusa' txãa yakh u'jusawe'sx docesatx fxiite pa'yaçxa na'wẽk pta'sx: —Ãçxha' Jerusalente pa'jya' u'jweçtha'w, aça' Dxus yuwe pta'sxsawe'sxa' fxi'jtx Dxus Nçxi'k Nasa Yuusá's ma'wẽ yũuwa'thewa txã' jxuka kxtey yuuna.


Txajũ' Jesusa' neywe'sx yakh Nasaretnay sxawedna u'jçxa txãawe'sxtxi nwẽesẽ'jnak fxi'ze. Aça' txajx njĩ'ja' ma'wẽ we'weni'swa jiyumeeçxawa txajx ũuste peçxkana yu' meek yajkxna fxi'ze'.


Txã'wẽ jiyuçxa', na'wẽtx yajkxna puutx paapẽyĩ': —Isa, txãa luuçxa' Dxus bedekĩynisane' yu' sa' ¿ma'wẽ yũuwa'jsakx? jĩ'tx.


Txajũ' Jesusa' pta'sxku: —Dxus Nçxi'k Nasa Yuusa' wala pkxuuni pa'ga yuuna, sa' judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsawe'sx ahçeçxa kiikhe'jetxna. Aça' uuçxawa tekh ente' ki' ĩtxĩ yuuna jĩk.


—I'kwe'sxa' jii i'kwe Paskua fxiesta ãjxa' e'z ençxáa yã'j peejxa', aça' txãa ente' Dxus Nçxi'k Nasa Yuusa's uweçxa dukhni yuuna kluuskhẽ a'kxçxa ikhkahn jĩk.


Txãa entek Jesusa' nyafxçxah pta'sx txãa yakh u'jusawe'sxtxi na'jĩna: —Jerusalenna u'jwa'j ji'pthu. Kxteea' wala pkxuuni yu'nja judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsa txãawe'sx kusete. Txãawe'sxa' ikhetxna, nawa tekh ente' ki' ĩtxi yu'nja jĩna pta'sxte',


Jesusa': —¿Ãçxha' jiyu'kwe'? jĩnak we'we.


Swiv nou:

Piblisite


Piblisite