43 Aça' Dxus txakwe wala ew yũute', jxukaysa wala kuh yajkxtxi. Na'wẽ yũuni's nasa wala kuh yajkxna ũspkaçxha', Jesusa' txãa yakh u'jusawe'sxtxi' na'wẽk we'we:
Txajũ' Galilea kiwete ũsçxa', Jesusa' txãa yakh u'jusawe'sxtxi' pta'sxku: —Dxus Nçxi'k Nasa Yuusa's nasa ewmeesa kusete dukhni yuuwa'ja'.
Kwe'sxtxi jxpe'jsa Jesukristo kĩhtewa jxuka ãjasa sxawedna kĩiwa'ja's pta'sxtha'w txã' ũus yajkxçxa ĩsxiinisameek yu'. Txãa pa'gatey kwe'sx yafxju yuu uytha'w txakwe seena' zhiçxkwe walasa yuuçxa vxyaate.
Txajũ' txãa yakh u'jusawe'sxtxi' na'jĩk: —¿Mjĩiçxakwe Dxusa' pu'çxhina sũhna yajkxmée? jĩte', txãa yakh u'jusawe'sxa' ũukhçxa txãawe'sx pwe'sxçxáatx na'jĩna puutx we'we': —Naa piçthẽ'ja' ¿kimki açki'tx wejxaa wala ĩkh txã'wẽsa yuhwa nwẽese'je'? jĩ'tx.
Jxukaysa kxtee ũssa' wala kuh yajkxna we'wena, Dxusçxáanatx weçxana tuuthe'je' sa' txã'wẽ ũukhnawa na'jĩ'tx: —Bagaçx yuhwa txã'wẽ yũunisa yu'sa' iiuymeetha'w jĩ'tx.
Txã'wẽ yũute', jxukaysa ũukhçxa txãawe'sx pwe'sx na'jĩnatx puutx we'we': —Jesusa' ¿kimki saki'k txã'wẽ juuna' jxkaahna we'weteçxáa eçx yuhwa nwẽesẽ'jçxa' kaseje'? jĩ'tx.
Kxaazkuẽe wedx khẽete', Simon Pedro' wala ũukhçxak txã'jĩ', aça' nasa kxtee ũssawa txã'wẽytxi ũukh.
Txajũ' Jesusa' barkote khẽjeçpkaçxha', wejxa' yujuk. Aça' txãawe'sxa' iiméh wala ũukh yajkxna kuh we'wenatx neeyũu.
txãa piçtakxa' Jesus tasxte utxaana kũjũçpkaçxha', txãa eçx luuku vxit-sa' kaywẽçxpa'ja'jçxa pẽtxku. Nawa Jesusa' juuna' we'weçxa eçx luuku vxit-sa's ũusu kutxi'the', txãa piçtakxa' ew katxhik aça' Jesusa' neya's dukhku.
txãa dudtey uyya' ãjãk, sa' Dxusna wala weçxana Jesus e'stey u'kh. Txã'wẽ uyya' ãjãte nasa uyçxa', txãawe'sxwa txã'wẽytxi Dxusa's wala weçxa.