San Lucas 8:30 - Páez

³⁰ Txajũ' Jesusa' txãa eçxa's pẽjxku: —¿Kĩh yaasega? jĩte': —Legion yaaseth jĩnak pas. Txãa piçthẽ'j ũuste wala kuh eçx khẽeçxa ũsu'tx, txãasak legion yaaseth jĩna pas.

San Lucas 8:30 Referans Kwoze

San Mateo 26:53

Adx Tata's maazkuẽe angeleswe'sxwa adxna nwe'wewa'jsa pẽjxte', kxtey yuuna sũju'çmeewá'ga.

San Lucas 8:2

Vxite' u'ywe'sxwa pi'kxna u'ju'tx na'wẽ eçxtxi kutxi'jna kĩh weete ãçã'satxwa nuykatxhik txã'wẽ yuuniisa, aça' txãa ksxavxyte teeçxsa' Maria Magdalena yaasesa txajx ũusuh siete eçxtxi kutxi'kh txãak yu'.

San Marcos 16:9

Txã'wẽ jxkaase en skhẽwnijũ' Jesusa' ki' ĩtxĩ yuuçxa', Maria Magdalena khuẽ'yna vxyaak, na'wẽ siete eçx luuku vxit-satx kutxi'kh txã'sna.

San Mateo 8:29

Txãa eçx iiyamunisa' na'jĩnatx sus we'we: —Dxus Nçxi'k Jesus, kwe'sx nxuste ũswa'j en ãhmeyna, ¿nxuste akhya' yuwe'wá'ga? jĩ'tx.

San Marcos 5:9

Txajũ' Jesusa' pẽjxku: —¿Kĩh yaasega? jĩte', pta'sxku: —Legion yaaseth, wala kuhtha'w naa pa'ga jĩk.

San Mateo 4:24

Txajũ' Siria kiwesuwe'sx jxuka jiyutx Jesus txã'wẽ yũuni's. Txãa pa'gatx fxiyfxiy ãça'satxwa jxuka jxũna pa'j, aka ji'phsa vxite' eçx iiyamunisa vxite' wẽeçxpa'jsa vxite' ẽseya' ãjasameetxwa jxuka. Txã'wẽsatxku Jesusa' nuykatxhi.

San Lucas 8:29

Jesusa' txãa eçx luuku vxit-sa's ũusu kaseh kajaçku yu', txãa pa'gak txã'wẽ we'we'. Txãa eçxa' ũuste khẽeçxa nasa's luuku vxitpa'gatx, kadenaju kuse petx çxida yã'jçxa tud wẽe. Nawa kĩh yuhnawa weji'meek çxuktede'. Txã'wẽ yuuçxak txãa eçx luuku vxit-sa' nasa u'pnimeesu jxũna u'jwe' txãa piçthẽ'ja's.