San Lucas 8:10 - Páez

¹⁰ Aça' Jesus pasçxa' na'jĩk: —Dxus jxkaahni ensu ma'wẽ yũuwa'ja'swa kim yuhwa jiyunimeesa's i'kwe'sx yuutxi's ãate kaajiyu'ju'nja. Nawa vxite yuutxi' ejemplo yakhçxáath pta'sxi', kxah makwe uyçxawa, uysamée na'wẽçxáa neeyũutxna. Sa' pta'sxni's wẽsẽ'jçxawa, jiyumée neeyũutxna.

San Lucas 8:10 Referans Kwoze

San Marcos 4:11

Aça' Jesusa' pta'sxku: —Dxus jxkaahni ensu ma'wẽ yũuwa'ja'swa kim yuhwa jiyunimeesa's i'kwe'sx yuutxi's kaajiyu'jwa'ja'. Nawa jiyuwa'jmeesatxi's ejemplo yakhçxáa pta'sxwa'ja',

San Mateo 11:25

Txãa ensu' Jesusa' na'jĩnak Dxus yakh puutx we'we: —Tata, cielute vxite' naa kiwete jxkaahsa idxa' txakwe wala kĩhtewa jxuka jiisawe'sx yuutxi' kaajiyu'jmeeçxawa, pxthaa ãhmeekwesa yuutxi' kaajiyu'jg, txãa pa'gath txakwe wala weçxá' idxa's.

Colosenses 2:2

I'kwe'sx jxukaysa Kristo ma'wẽsatewa kĩhte yuhwa peejxmée jxuka ew jiyukahn txã'wẽ pa'pçxuna ũsthu. Txãa Kristok i'kwe'sx ũuste khẽewa'jsa yu' txã'snak txãniitey kim yuhtxwa kaajiyu'jnimée ũsu'. Aça' txã'sna ew jiyuçxa' jxpubamée i'kwe'sx pwe'sx puutx ya'peeygãhna fxi'zene'kwe.

Romanos 16:25

Ãçxha' Dxus kusete nvxiituçthu txã' i'kwe'sxtxi jweeíiçxáa çxhãçxha kaafxi'ze'jena, Jesukristo kaapiya'jni's ma'wẽtka pta'sx txã'sa' kxtey yuuna. Kwe'sx ewte neeyũuwa'ja's naa kiwemeeteyku Dxusa' pheu'jçxa ji'phu',

San Mateo 16:17

Jesusa' pasku na'jĩna: —Jonas nçxi'k Simon, idx yakha' wala weçxa yuja'. Idxa's naa kiwete piçthẽ'j kaajiyu'jmeeta'. Adx Tata cielute ũssa yuuk kaajiyu'j adxa' Dxus ĩtxisa Nçxi'ktewa.

1 Timoteo 3:16

Kwe'sx ewte neeyũuwa'ja's kim yuhwa jiyunimeek ũsu' txã'sa' Dxusa' kaavxya'ja'kh txã' na'wẽ seena' walasa': Dxusa' nasaa kakwe yakhku vxyaa, Sa' Dxus Espiritu we'weçxa': Txã' kĩh pkal yuhwa ji'phmeesa' jĩnik yuu. Aça' Dxus angeleswe'sxwa uyniisak yuu. Sa' mtee mteewa jxuka pta'sxni yuute', Naa kiwete msuuwe'sxwa maaíi yu' txãawe'sx ũuste jxpa'gatx. Txajũ' cielute ki' jxpa'ganik yuu.

1 Corintios 12:11

Nawa txã'wẽ nasa iisa fxiyfxiy selpiiya' ãjawa'ja's ũssa' Dxus Espiritu teeçx yuuçxá'. Txãa yuuçxáak teeçxsa na'wẽçxah kĩh mjĩiya' ãjawa'jsatewa txãatx ũsu'.

San Juan 12:40

Dxusa' txãawe'sx yafxtxi aphku uyya' ãjãkahmén. Sa' txãawe'sx ũustxiwa nuywejik jiyukahmen, Sa' Dxus tasxte sxawedçxa katxhiwa'ja'swa nvxihtme' jĩ'k.

San Marcos 4:12

kxah uyçxawa, uysamée na'wẽçxáa neeyũutxna, sa' wẽsẽ'jçxawa, wẽsẽ'jsamée na'wẽçxáa neeyũuçxa Dxus tasxte sxawedmeetxna, aça' txãawe'sxtxi' Dxusa' peltunaĩmeena.